ଜୁନ ୨୩ରେ କଂଗ୍ରେସକୁ ମିଳିବ ନୂଆ ଅଧ୍ୟକ୍ଷ!
ସୂଚନାଯୋଗ୍ୟ, ୨୦୧୯ ଲୋକସଭା ନିର୍ବାଚନରେ ପରାଜୟ ପରେ ରାହୁଲ ଗାନ୍ଧୀ କଂଗ୍ରେସ ଅଧ୍ୟକ୍ଷ ପଦ ଛାଡିଥିଲେ । ଏହା ପରେ ତାଙ୍କୁ ମନେଇବା ପାଇଁ ଅନେକ ଥର ଚେଷ୍ଟା କରାଯାଇଥିଲା, କିନ୍ତୁ ସେ ପୁନର୍ବାର କଂଗ୍ରେସ ସଭାପତି ହେବାକୁ ପ୍ରସ୍ତୁତ ନଥିଲେ ।
ନୂଆଦିଲ୍ଲୀ: ଦେଶର ସର୍ବ ପୁରାତନ ରାଜନୈତିକ ଦଳ କଂଗ୍ରେସକୁ ଜୁନ ୨୩ରେ ସ୍ଥାୟୀ ଅଧ୍ୟକ୍ଷ ମିଳିପାରେ । ବାସ୍ତବରେ କଂଗ୍ରେସରେ ଆଭ୍ୟନ୍ତରୀଣ ନିର୍ବାଚନ ଘୋଷଣା କରାଯାଇଛି । ସୂତ୍ରରୁ ପ୍ରକାଶ ଯେ କଂଗ୍ରେସ ଅଧ୍ୟକ୍ଷ ପଦ ପାଇଁ ଜୁନ୍ ୨୩ରେ ମତଦାନ ହେବ । କଂଗ୍ରେସ କାର୍ଯ୍ୟକାରୀ କମିଟିର ବୈଠକ (CWC) ରେ ସଂଗଠନର ସାଧାରଣ ସମ୍ପାଦକ କେସି ଭେନୁଗୋପାଲ ନିର୍ବାଚନ ତାରିଖ ଘୋଷଣା କରିଛନ୍ତି ।
ଅଧିକ ପଢ଼ନ୍ତୁ:-ପୁଣି ବଢ଼ିଲା ପେଟ୍ରୋଲ-ଡିଜେଲ ଦର, ଜାଣନ୍ତୁ ଆଜିର ରେଟ୍
ସୂଚନାଯୋଗ୍ୟ, ୨୦୧୯ ଲୋକସଭା ନିର୍ବାଚନରେ ପରାଜୟ ପରେ ରାହୁଲ ଗାନ୍ଧୀ (Rahul Gandhi) କଂଗ୍ରେସ ଅଧ୍ୟକ୍ଷ (Congress President) ପଦ ଛାଡିଥିଲେ । ଏହା ପରେ ତାଙ୍କୁ ମନେଇବା ପାଇଁ ଅନେକ ଥର ଚେଷ୍ଟା କରାଯାଇଥିଲା, କିନ୍ତୁ ସେ ପୁନର୍ବାର କଂଗ୍ରେସ ସଭାପତି ହେବାକୁ ପ୍ରସ୍ତୁତ ନଥିଲେ । ଏହା ପରେ ସୋନିଆ ଗାନ୍ଧୀ (Sonia Gandhi) ଙ୍କୁ କଂଗ୍ରେସର ଅନ୍ତରୀଣ ଅଧ୍ୟକ୍ଷା କରାଯାଇଥିଲା । କଂଗ୍ରେସର କମାଣ ସୋନିଆ ଗାନ୍ଧୀଙ୍କ ହାତରେ ଅଛି ।
ଏଭଳି ପରିସ୍ଥିତିରେ ପୁଣି ଥରେ ପ୍ରଶ୍ନ ଉଠିବାରେ ଲାଗିଛି ଯେ ରାହୁଲ ଗାନ୍ଧୀ (Rahul Gandhi) ଏହି ପଦ ଗ୍ରହଣ କରିବାକୁ ପ୍ରସ୍ତୁତ ଅଛନ୍ତି ନା ନାହିଁ? ଏହା ପୂର୍ବରୁ କଂଗ୍ରେସ କାର୍ଯ୍ୟକାରିଣୀ ବୈଠକ (CWC) ରେ ମଧ୍ୟ ଏହି ପ୍ରସଙ୍ଗ ଉଠାଯାଇଥିଲା ଯେତେବେଳେ ବିଦ୍ରୋହୀ ନେତାମାନେ ଆଭ୍ୟନ୍ତରୀଣ ନିର୍ବାଚନ ପାଇଁ ଦାବି କରିଥିଲେ । ବର୍ତ୍ତମାନ ସୋନିଆ ଗାନ୍ଧୀ ସବୁଠାରୁ ବଡ ଧର୍ମ ସଙ୍କଟରେ ଅଛନ୍ତି ।
ଅଧିକ ପଢ଼ନ୍ତୁ:-ଦିନକରେ ୩ ଲକ୍ଷ ୬୬ ହଜାର ନୂତନ ମାମଲା ଚିହ୍ନଟ, ୩୭୫୪ ମୃତ୍ୟୁ
କଂଗ୍ରେସ ଅଧ୍ୟକ୍ଷା କହିଛନ୍ତି ଯେ, ଦଳ ବୁଝିବାକୁ ପଡିବ ଯେ କେରଳ ଓ ଆସାମରେ ବର୍ତ୍ତମାନର ସରକାର ହଟାଇବାରେ କାହିଁକି ବିଫଳ ହୋଇଛି ଏବଂ ପଶ୍ଚିମବଙ୍ଗରେ ଆମେ କାହିଁକି ୦ରେ ପହଞ୍ଚିଛୁ ତାହା ମଧ୍ୟ ଜାଣିବାକୁ ପଡ଼ିବ ।
କଂଗ୍ରେସ ଅଧ୍ୟକ୍ଷ ପଦ ଗ୍ରହଣ ନକରିବା ନେଇ ସୋନିଆ ଗାନ୍ଧୀ ଅନେକ ଥର କହିଛନ୍ତି, କିନ୍ତୁ ଯେତେବେଳେ ଲୋକସଭା ନିର୍ବାଚନ ପରେ ରାହୁଲ ଏହି ପଦରେ ନ ରହିବାକୁ ନିଷ୍ପତ୍ତି ନେଇଥିଲେ, ସେତେବେଳେ ସୋନିଆ ଗାନ୍ଧୀଙ୍କ ପାଖରେ ଅନ୍ୟ କୌଣସି ବିକଳ୍ପ ନଥିଲା । କଂଗ୍ରେସ ଦଳ ସାମ୍ନାରେ ପୁଣିଥରେ ସଙ୍କଟ ଉପୁଜିଛି ଯେ ସେ ଗାନ୍ଧୀ ପରିବାର ବ୍ୟତୀତ ନେତୃତ୍ୱକୁ ଦେଖୁନାହିଁ ।
ଅଧିକ ପଢ଼ନ୍ତୁ:-ଲକ୍ଷ ଲକ୍ଷ କେନ୍ଦ୍ର କର୍ମଚାରୀଙ୍କୁ ମିଳିବ ଖୁସି ଖବର, ୩ ବକେୟା ମହଙ୍ଗା ଭତ୍ତା ଉପରେ ଏହି ମାସରେ ଅନୁଷ୍ଠିତ ହେବ ବୈଠକ?
ସୂଚନାଯୋଗ୍ୟ, ୨୦୧୯ ଲୋକସଭା ନିର୍ବାଚନ ପରେ ରାହୁଲ ଗାନ୍ଧୀ (Rahul Gandhi) ଅଧ୍ୟକ୍ଷ ପଦରୁ ଇସ୍ତଫା ଦେଇଥିଲେ । ଏହା ପରେ ସୋନିଆ ଗାନ୍ଧୀ ଅଧ୍ୟକ୍ଷ ପଦର ଦାୟିତ୍ୱ ଗ୍ରହଣ କରିଥିଲେ । କଂଗ୍ରେସରେ ଦୀର୍ଘ ଦିନ ଧରି କଳ୍ପନାଜଳ୍ପନା ଚାଲିଛି ଯେ ରାହୁଲ ପୁଣିଥରେ ଅଧ୍ୟକ୍ଷର ମୁକୁଟ ପିନ୍ଧିପାରନ୍ତି । ତେବେ ଅନେକ ଥର ଗାନ୍ଧୀ ପରିବାରରୁ ଅଲଗା ବ୍ୟକ୍ତିଙ୍କୁ ଅଧ୍ୟକ୍ଷ କରିବାର ସ୍ୱର ମଧ୍ୟ ଦଳରେ ଉଠିଛି ।