Jharsuguda By-Election 2023: ରାଜ୍ୟର ଝାରସୁଗୁଡା ବିଧାନସଭା ଆସନରେ ହେବାକୁ ଯାଉଥିବା ଉପନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛନ୍ତି ଉଭୟ ବିଜେପି-କଂଗ୍ରେସ। ଏହିକ୍ରମରେ ସୋମବାର ଝାରସୁଗୁଡା ଉପନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛି କଂଗ୍ରେସ। ଏହି ନିର୍ବାଚନରେ ତରୁଣ ପାଣ୍ଡେଙ୍କୁ ଦଳୀୟ ପ୍ରାର୍ଥୀ କରିଛି କଂଗ୍ରେସ। ତରୁଣ ପାଣ୍ଡେଙ୍କ ନାମକୁ ଅଖିଳ ଭାରତୀୟ କଂଗ୍ରେସ କମିଟି ସଭାପତି ମଲ୍ଲିକାର୍ଜୁନ ଖାର୍ଗେ ଅନୁମୋଦନ କରିଛନ୍ତି। କଂଗ୍ରେସ ପ୍ରାର୍ଥୀ ହୋଇଥିବା ତରୁଣ ପାଣ୍ଡେ ହେଉଛନ୍ତି ପୂର୍ବତନ ବିଧାୟକ ସ୍ୱର୍ଗତ ବିରେନ ପାଣ୍ଡେଙ୍କ ପୁଅ।


COMMERCIAL BREAK
SCROLL TO CONTINUE READING

ଝାରସୁଗୁଡା ଉପନିର୍ବାଚନ ପାଇଁ କଂଗ୍ରେସ ପ୍ରାର୍ଥୀ ହେବା ପରେ ପ୍ରତିକ୍ରିୟା ରଖିଛନ୍ତି ତରୁଣ ପାଣ୍ଡେ। ଏନେଇ ତରୁଣ ପାଣ୍ଡେ କହିଛନ୍ତି ଯେ, ଉପନିର୍ବାଚନ ପାଇଁ କଂଗ୍ରେସ ପକ୍ଷରୁ ମୋତେ ଦଳୀୟ ପ୍ରାର୍ଥୀ କରାଯାଇଥିବାରୁ ମୁଁ ବହୁତ ଖୁସି। ଆମେ ନିଶ୍ଚିତ ଭାବେ ଝରସୁଗୁଡା ଆସନରେ ବିଜୟୀ ହେବୁ। ଗତ ୨୦୦୦ ମସିହାରରୁ ମୁଁ ରାଜନୀତିରେ ଜଡ଼ିତ ରହିଛି। ମୋ ବାପା ଆଉ ନାହାଁନ୍ତି। ଏହି ନିର୍ବାଚନରେ ​​ଆମେ ତାଙ୍କୁ ହରାଇବୁ। ହେଲେ ତଥାପି ଆମେ ପ୍ରସ୍ତୁତ। ଉପନିର୍ବାଚନ ଜିତିବା ପାଇଁ ଆମେ ସମସ୍ତ ଉଦ୍ୟମ କରିବୁ।


ଯଦି ମୁଁ ଉପନିର୍ବାଚନରେ ବି​​ଜୟୀ ହୁଏ ତାହେଲେ ନିର୍ବାଚନମଣ୍ଡଳୀରେ ରହିଥିବା ସମସ୍ୟାର ସମାଧାନ କରିବାକୁ ଚେଷ୍ଟା କରିବି। ପ୍ରଦୂଷଣ, ବେକାରୀ ଏବଂ ଆଇନ ଶୃଙ୍ଖଳା ପରିସ୍ଥିତି ହେଉଛି କେତେକ ପ୍ରମୁଖ ପ୍ରସଙ୍ଗ ଯାହାର ଯଥାଶୀଘ୍ର ସମାଧାନ କରାଯିବା ଆବଶ୍ୟକ। ମୁଁ ନିଶ୍ଚିତ ଯେ ଆମେ ଏହି ସୁଯୋଗକୁ ଉପଯୋଗ କରିବୁ ଏବଂ ଏହି ନିର୍ବାଚନରେ ବିଜୟୀ ହେବୁ ବୋଲି କହିଛନ୍ତି କଂଗ୍ରେସ ପ୍ରାର୍ଥୀ ତରୁଣ ପାଣ୍ଡେ। 


Also Read: Jharsuguda Bypoll 2023: ଝାରସୁଗୁଡ଼ା ଉପନିର୍ବାଚନରେ ଦିପାଲି ଦାସ ହେଲେ ବିଜେଡ଼ି


ଅନ୍ୟପଟେ ଶାସକ ବିଜେଡି ଝାରସୁଗୁଡ଼ା ଆସନର ପୂର୍ବତନ ବିଧାୟକ ତଥା ମନ୍ତ୍ରୀ ସ୍ୱର୍ଗତ ନବ କିଶୋର ଦାସଙ୍କ ଝିଅ ଦୀପାଲି ଦାସଙ୍କୁ ପ୍ରାର୍ଥୀ କରିଛି। ସମସ୍ତ କଳ୍ପନା ଜଳ୍ପନାର ଅନ୍ତ ଘଟାଇ ଝାରସୁଗୁଡା ଉପନିର୍ବାଚନରେ ଦିପାଲୀ ଦାସଙ୍କୁ ପ୍ରାର୍ଥୀ କରିଥିଲା ବିଜେଡ଼ି। ପୂର୍ବତନ ମନ୍ତ୍ରୀ ତଥା ବିଜେଡ଼ି ବିଧାୟକ ନବ ଦାସଙ୍କ ଅକାଳ ବିୟୋଗ ପରେ ଝାରସୁଗୁଡା ଆସନରେ ଉପନିର୍ବାଚନ ଅନୁଷ୍ଠିତ ହେଉଛି।


ଝାରସୁଗୁଡୁ ଉପନିର୍ବାଚନ ପାଇଁ ମତଦାନ ମେ ୧୦ ତାରିଖରେ ଅନୁଷ୍ଠିତ ହେବ ଏବଂ ମେ ୧୩ ତାରିଖରେ ନିର୍ବାଚନ ଫଳାଫଳ ପ୍ରକାଶ ପାଇବ। ଏହି ନିର୍ବାଚନ ପାଇଁ ନାମାଙ୍କନପତ୍ର ଦାଖଲ ଅପ୍ରେଲ ୨୦ ତାରିଖ ପର୍ଯ୍ୟନ୍ତ ଜାରି ରହିବ। ସେହିପରି ଅପ୍ରେଲ ୨୧ ତାରିଖରେ ଦାଖଲ ହୋଇଥିବା ନାମାନଙ୍କନ ଯାଞ୍ଚ କରାଯିବ। ଉପ-ନିର୍ବାଚନ ପାଇଁ ନାମାଙ୍କନ ପତ୍ର ୨୪ ଅପ୍ରେଲ ପର୍ଯ୍ୟନ୍ତ ପ୍ରତ୍ୟାହାର କରାଯାଇପାରିବ।


ସେହିପରି ଝାରସଗୁଡ଼ା ଉପନିର୍ବାଚନ ପାଇଁ ରାଜ୍ୟର ମୁଖ୍ୟ ବିରୋଧୀ ଦଳ ବିଜେପି ପକ୍ଷରୁ ଦଳର ରାଜ୍ୟ ଶାଖା ସାଧାରଣ ସମ୍ପାଦକ ଟଙ୍କଧର ତ୍ରିପାଠୀଙ୍କୁ ଦଳୀୟ ପ୍ରାର୍ଥୀ କରାଯିବାର ସମ୍ଭାବନା ରହିଛି। ଏହି ନିର୍ବାଚନରେ  ଟଙ୍କଧର ତ୍ରିପାଠୀ ଦଳୀୟ ପ୍ରାର୍ଥୀ ହେବା ସମ୍ପର୍କରେ ଜଣାଇଛନ୍ତି ବିଜେପି ବିଧାୟକ ସୁବାସ ପାଣିଗ୍ରାହୀ। ଦଳୀୟ ପ୍ରାର୍ଥୀଙ୍କ ସମ୍ପର୍କରେ ଦଳ ପକ୍ଷରୁ ଖୁବ ଶୀଘ୍ର ଏକ ଆନୁଷ୍ଠାନିକ ଘୋଷଣା କରାଯିବ ବୋଲି ବିଜେପି ବିଧାୟକ। ଯିଏ ଏହି ଅଞ୍ଚଳରେ ଦଳୀୟ ସଙ୍ଗଠନ ପାଇଁ କାର୍ଯ୍ୟ କରୁଛନ୍ତି। ଟଙ୍କଧର ତ୍ରିପାଠୀ ଓଡ଼ିଶା ବିଜେପି ସାଧାରଣ ସମ୍ପାଦକ ଭାବେ କାର୍ଯ୍ୟ କରୁଛନ୍ତି।