ନୂଆଦିଲ୍ଲୀ: Maharashtra Political Crisis: ସୁପ୍ରିମକୋର୍ଟ ତରଫରୁ ଏକନାଥ ସିନ୍ଦେ କ୍ୟାମ୍ପକୁ ବଡ଼ ଆଶ୍ୱସ୍ତି ମିଳିଛି । କୋର୍ଟ ମହାରାଷ୍ଟ୍ରର ଉପବାଚସ୍ପତିଙ୍କ ଅଯୋଗ୍ୟ ଘୋଷିତ କରାଯିବା ନୋଟିସ ଉପରେ ଜବାବ ଦେବା ପାଇଁ ବିଧାୟକଙ୍କୁ ଜୁଲାଇ ୧୧ ଅପରାହ୍ନ ୫.୩୦ ପର୍ଯ୍ୟନ୍ତ ସମୟ ଦେଇଛନ୍ତି । ସେପଟେ ଉପବାଚସ୍ପତି ବିଧାୟକମାନଙ୍କୁ ଆଜି ଅର୍ଥାତ ଜୁନ ୨୭ ଅପରାହ୍ନ ପର୍ଯ୍ୟନ୍ତ ସମୟ ଦେଇଥିଲେ । ଏହିପରି ଭାବରେ ସିନ୍ଦେ ଗୋଷ୍ଠୀର ବିଧାୟକଙ୍କ ଅଯୋଗ୍ୟତାକୁ ବର୍ତ୍ତମାନ ରୋକ ଲଗାଇ ଦିଆଯାଇଛି ।


COMMERCIAL BREAK
SCROLL TO CONTINUE READING

ଏକନାଥ ସିନ୍ଦେଙ୍କ ପିଟିସନ ଉପରେ ସୁପ୍ରିମକୋର୍ଟ ଉପବାଚସ୍ପତିଙ୍କ ସମେତ ମହାରାଷ୍ଟ୍ର ବିଧାନସଭା ସଚିବ, କେନ୍ଦ୍ର ତଥା ଅନ୍ୟମାନଙ୍କୁ ନୋଟିସ ଜାରି କରିଛନ୍ତି । ଉପବାଚସ୍ପତି ନରହରୀ ଜିରୱାଲ ଏକନାଥ ସିନ୍ଦେ ଓ ଅନ୍ୟ ୧୫ ଜଣ ବିଧାୟକଙ୍କୁ ଅଯୋଗ୍ୟ ଘୋଷିତ କରିବାର ନୋଟିସ ଦେଇଥିଲେ । ସୁପ୍ରିମକୋର୍ଟ କହିଛନ୍ତି ଯେ, ମହାରାଷ୍ଟ୍ର ସରକାର ବିଧାୟକଙ୍କ ସୁରକ୍ଷା ସୁନିଶ୍ଚିତ କରିବା ଉଚିତ ଓ ସେମାନଙ୍କ ସମ୍ପତ୍ତି ନଷ୍ଟ ନହେବାକୁ ପଦକ୍ଷେପ ନେବା ଆବଶ୍ୟକ ।


ସୁପ୍ରିମକୋର୍ଟ କହିଛନ୍ତି ଯେ, ବିଧାନସଭାର ସକ୍ଷମ ଅଧିକାରୀଙ୍କଠାରୁ ଏହାର ଜବାବ ନିଆଯିବ କି ସେ ତାଙ୍କ ବିରୋଧରେ କୌଣସି ପ୍ରସ୍ତାବ ମିଳିଥିଲା କି ନାହିଁ? କଡ଼ା ସ୍ୱରରେ କୋର୍ଟ କହିଛନ୍ତି ଯେ, ଉପବାଚସ୍ପତି ନିଜର ହିଁ ମାମଲାରେ ଜଜ ବନିଛନ୍ତି ଓ ପ୍ରସ୍ତାବକୁ ଖାରଜ କରିଦେଇଛନ୍ତି । ଉପବାଚସ୍ପତିଙ୍କ ଓକିଲ କହିଛନ୍ତି ଯେ, ଇମେଲ ମାଧ୍ୟମରେ ପଠାଯାଇଥିବା ନିଷ୍କାସନ ପ୍ରସ୍ତାବ ପ୍ରାମାଣିକ ନୁହେଁ । ଏହା ଉପରେ ସୁପ୍ରିମକୋର୍ଟ କହିଛନ୍ତି ଯେ ଉପବାଚସ୍ପତିଙ୍କ କାର୍ଯ୍ୟାଳୟର ସମସ୍ତ ରେକର୍ଡ ଦେଖାଯିବ ।


ଏହା ବି ପଢ଼ନ୍ତୁ:-ଜ୍ୟୋତିରାଦିତ୍ୟ ସିନ୍ଧିଆଙ୍କ ଫର୍ମୂଲାରେ ସିନ୍ଦେ ଗୋଷ୍ଠୀକୁ ଆଣିବାକୁ ପ୍ରସ୍ତୁତ ହେଉଛି ବିଜେପି, ଜାଣନ୍ତୁ କ'ଣ ରହିଛି ପ୍ଲାନ-ବି


ଏହା ବି ପଢ଼ନ୍ତୁ:-ବିଦ୍ରୋହୀ ବିଧାୟକଙ୍କୁ ଧମକାଇବା ପଡ଼ିଲା ମହଙ୍ଗା! ସଞ୍ଜୟ ରାଉତଙ୍କ ବଢ଼ିଲା ସମସ୍ୟା


ଏହା ବି ପଢ଼ନ୍ତୁ:-ନାମାଙ୍କନ ପତ୍ର ଦାଖଲ କଲେ ଯଶୱନ୍ତ ସିହ୍ନା, ଉପସ୍ଥିତି ଥିଲେ ରାହୁଲ, ଅଖିଳେଶ ସମେତ ଏସବୁ ଦଳର ନେତା


ସୁପ୍ରିମକୋର୍ଟ ପ୍ରଥମେ ସିନ୍ଦେ କ୍ୟାମ୍ପର ଯୁକ୍ତି ଶୁଣି ଥିଲେ । ଓକିଲ କହିଛନ୍ତି ଯେ ସିନ୍ଦେ କ୍ୟାମ୍ପ କହୁଛନ୍ତି ଯେ ଉଦ୍ଧବ ସରକାରଙ୍କ ପାଖରେ ସଂଖ୍ୟାବଳ ନାହିଁ । ଏହା ବ୍ୟତୀତ ଗୁଆହାଟି ହୋଟେଲରେ ରହୁଥିବା ବିଧାୟକମାନଙ୍କୁ ମୃତ୍ୟୁ ଧମକ ଦିଆଯାଉଛି ବୋଲି ସେ ଦାବି କରିଛନ୍ତି । ଏହା ପରେ ଉଦ୍ଧବ ସରକାର ତରଫରୁ ହାଜର ହୋଇଥିବା ଓକିଲ ଅଭିଷେକ ମନୁ ସିଂଘବୀ କହିଛନ୍ତି ଯେ, ବମ୍ବେ ହାଇକୋର୍ଟରେ ସିନ୍ଦେଙ୍କ ଆବେଦନ ମଧ୍ୟ ଶୁଣାଣି ହୋଇପାରେ । ଯେତେବେଳେ ଜଣେ ଉପବାଚସ୍ପତିଙ୍କ ବିରୋଧରେ କୌଣସି ଅନାସ୍ଥା ପ୍ରସ୍ତାବ ବିଚାରାଧୀନ ଅଛି, ସେତେବେଳେ ଅଯୋଗ୍ୟତା ଆବେଦନ ଉପରେ ନିଷ୍ପତ୍ତି ନିଆଯାଇପାରେ ବୋଲି ସେ କହିଛନ୍ତି ।


ଆପଣଙ୍କୁ କହି ରଖୁଛୁ ଯେ ଏକନାଥ ସିନ୍ଦେଙ୍କ ନେତୃତ୍ୱରେ ଶିବସେନାର ବିଦ୍ରୋହୀ ବିଧାୟକମାନେ କ୍ରମାଗତ ଭାବରେ ଦଳ ଉପରେ ଦାବି କରୁଛନ୍ତି । ସେମାନେ କହିଛନ୍ତି ଯେ ସେମାନେ ବାଲାସାହେବ ଠାକରେଙ୍କ ନୀତି ଅନୁସରଣ କରୁଥିବା ଶିବ ସୈନିକ ଅଟନ୍ତି । ବିଦ୍ରୋହୀମାନଙ୍କ ପାଇଁ ଶିବସେନା ଉପରେ ଅଧିକାର ହାସଲ କରିବାର ରାସ୍ତା ସହଜ ନୁହେଁ । ଏଭଳି ପରିସ୍ଥିତିରେ ଏହି ବିଧାୟକମାନେ ବିଧାନସଭାରେ ଏକ ପୃଥକ ଗୋଷ୍ଠୀର ଦାବି ଉପସ୍ଥାପନ କରିପାରନ୍ତି । ଏହା ପରେ ବିଜେପି ସହିତ ବୁଝାମଣା କରି ସରକାର ଗଠନ ହୋଇପାରେ । ଯଦି ସେମାନେ ମଧ୍ୟ ଏଥିରେ ବିଫଳ ହୁଅନ୍ତି, ତେବେ ଇସ୍ତଫା ଦେବା ବ୍ୟତୀତ ସେମାନଙ୍କ ପାଖରେ ଅନ୍ୟ କୌଣସି ବିକଳ୍ପ ନାହିଁ ।