ବିଦ୍ରୋହୀ ବିଧାୟକଙ୍କୁ ଧମକାଇବା ପଡ଼ିଲା ମହଙ୍ଗା! ସଞ୍ଜୟ ରାଉତଙ୍କ ବଢ଼ିଲା ସମସ୍ୟା

ED summons Sanjay Raut: ସଞ୍ଜୟ ରାଉତଙ୍କୁ ନୋଟିସ ପରେ ମନେ କରାଯାଉଛି ଯେ ଇଡି ମଧ୍ୟ ମହାରାଷ୍ଟ୍ରର ରାଜନୀତିରେ ଏଣ୍ଟ୍ରି ମାରିପାରେ । ଅତୀତରେ ମଧ୍ୟ ଶିବସେନା କେନ୍ଦ୍ର ସରକାରଙ୍କ ଉପରେ ଏଜେନ୍ସିର ଅପବ୍ୟବହାର କରୁଥିବା ଅଭିଯୋଗ ଆଣିଛି । ଏଭଳି ପରିସ୍ଥିତିରେ ଏହା ସ୍ପଷ୍ଟ ଯେ ଦଳ ପୁଣି ଥରେ ଏହାକୁ ଏକ ରାଜନୈତିକ କାର୍ଯ୍ୟ ବୋଲି କହିବ ।

ମୁମ୍ୱାଇ: ED summons Sanjay Raut: ମହାରାଷ୍ଟ୍ରରେ ଚାଲିଥିବା ରାଜନୈତିକ ସଙ୍କଟ ମଧ୍ୟରେ ପ୍ରବର୍ତ୍ତନ ନିର୍ଦ୍ଦେଶାଳୟ (ED) ଶିବସେନାର ବରିଷ୍ଠ ନେତା ତଥା ରାଜ୍ୟ ସଭା ସାଂସଦ ସଞ୍ଜୟ ରାଉତ (Sanjay Raut) ଙ୍କୁ ସମନ ଜାରି କରିଛନ୍ତି । ତାଙ୍କୁ ଜୁନ୍ ୨୮ରେ ମୁମ୍ବାଇର ଇଡି କାର୍ଯ୍ୟାଳୟରେ ପଚରାଉଚରା ପାଇଁ ଡକାଯାଇଛି । ପତରା ଚୌଲ ଜମି ଦୁର୍ନୀତି ମାମଲାରେ ରାଉତଙ୍କୁ ଡକାଯାଇଛି । ରାଜ୍ୟସଭା ସାଂସଦ ରାଉତଙ୍କୁ ଜୁନ ୨୮ରେ ଦକ୍ଷିଣ ମୁମ୍ବାଇରେ ଥିବା ଇଡି କାର୍ଯ୍ୟାଳୟରେ ଏହାର ଅଧିକାରୀଙ୍କ ନିକଟରେ ହାଜର ହେବାକୁ ଓ ପ୍ରିଭେନସନ୍ ଅଫ୍ ମନି ଲଣ୍ଡରିଂ ଆକ୍ଟ (PMLA) ଅନୁଯାୟୀ ନିଜ ବୟାନ ରେକର୍ଡ କରିବାକୁ କୁହାଯାଇଛି ବୋଲି ଅଧିକାରୀମାନେ କହିଛନ୍ତି ।

ଏପ୍ରିଲରେ ରାଉତଙ୍କ ପତ୍ନୀ ବର୍ଷା ରାଉତ ଓ ସାଂସଦଙ୍କର ଦୁଇ ସହଯୋଗୀଙ୍କର ୧୧.୧୫ କୋଟି ଟଙ୍କା ମୂଲ୍ୟର ସମ୍ପତ୍ତିକୁ ଇଡି ଅସ୍ଥାୟୀ ଭାବେ ଜବତ କରିନେଇଥିଲା ​​। ସଞ୍ଜୟ ରାଉତଙ୍କୁ ପଠାଯାଇଥିବା ସମନ ଉପରେ ଶିବସେନା ପ୍ରଶ୍ନ ଉଠାଇଛି । ପାର୍ଟି ମୁଖପାତ୍ର ପ୍ରିୟଙ୍କା ଚତୁର୍ବେଦୀ କହିଛନ୍ତି ଯେ, ଏଜେନ୍ସି ବିଜେପି ପ୍ରତି ତାର ପରମ ଭକ୍ତିର ଉଦାହରଣ ସୃଷ୍ଟି କରିଛି । ସେହି ଅନୁଯାୟୀ ତାଙ୍କୁ ସମନ ଜାରି କରାଯାଇଛି । କେବଳ ଏତିକି ନୁହେଁ, ଟିଏମସିର ପ୍ରତିକ୍ରିୟା ମଧ୍ୟ ଆସିଛି ଓ ଦଳ କହିଛି ଯେ ମହାରାଷ୍ଟ୍ର ସରକାରକୁ ହଟାଇବା ପାଇଁ ସଞ୍ଜୟ ରାଉତଙ୍କୁ ଇଡି ନୋଟିସ ଦେଇଛି ।

ସଞ୍ଜୟ ରାଉତଙ୍କୁ ନୋଟିସ ପରେ ମନେ କରାଯାଉଛି ଯେ ଇଡି ମଧ୍ୟ ମହାରାଷ୍ଟ୍ରର ରାଜନୀତିରେ ଏଣ୍ଟ୍ରି ମାରିପାରେ । ଅତୀତରେ ମଧ୍ୟ ଶିବସେନା କେନ୍ଦ୍ର ସରକାରଙ୍କ ଉପରେ ଏଜେନ୍ସିର ଅପବ୍ୟବହାର କରୁଥିବା ଅଭିଯୋଗ ଆଣିଛି । ଏଭଳି ପରିସ୍ଥିତିରେ ଏହା ସ୍ପଷ୍ଟ ଯେ ଦଳ ପୁଣି ଥରେ ଏହାକୁ ଏକ ରାଜନୈତିକ କାର୍ଯ୍ୟ ବୋଲି କହିବ । ଆପଣଙ୍କୁ କହି ରଖୁଛୁ ଯେ ଏକନାଥ ସିନ୍ଦେ ଗୋଷ୍ଠୀର ଶିବସେନା ସହିତ ବିଦ୍ରୋହର ପୁରା ଏପିସୋଡରେ ସଞ୍ଜୟ ରାଉତ ଅତି ପ୍ରଖର ଭାବେ ସ୍ୱର ଉତ୍ତୋଳନ କରିଆସୁଛନ୍ତି ଓ ବିଦ୍ରୋହୀ ବିଧାୟକଙ୍କ ଉପରେ ଆକ୍ରମଣ କରୁଛନ୍ତି । କେବଳ ଏତିକି ନୁହେଁ, ସେ ଶିବସେନାର ବିଦ୍ରୋହୀମାନଙ୍କୁ ମୁମ୍ବାଇ ଆସିବାକୁ ଚ୍ୟାଲେଞ୍ଜ କରୁଛନ୍ତି ।

ଏହା ବି ପଢ଼ନ୍ତୁ:-ନାମାଙ୍କନ ପତ୍ର ଦାଖଲ କଲେ ଯଶୱନ୍ତ ସିହ୍ନା, ଉପସ୍ଥିତି ଥିଲେ ରାହୁଲ, ଅଖିଳେଶ ସମେତ ଏସବୁ ଦଳର ନେତା

ଏହା ବି ପଢ଼ନ୍ତୁ:-ସଙ୍ଗରୁର ଆସନରେ ହୋଇଥିବା ଉପନିର୍ବାଚନରେ କାହିଁକି ହାରିଲା ​​ଆମ ଆଦମୀ ପାର୍ଟି? କାରଣ କହିଲେ ଆପ୍ ସାଂସଦ

ଏହା ବି ପଢ଼ନ୍ତୁ:-ଯୁବକମାନଙ୍କୁ ବର୍ବାଦ କରିଦେବ ଅଗ୍ନିପଥ ଯୋଜନା, ୪ ବର୍ଷରେ ଫେରିବ ଯଦି ହେବନି ବାହାଘର: ମେଘାଳୟ ରାଜ୍ୟପାଳ

ବିଗତ ଦିନରେ ସଞ୍ଜୟ ରାଉତ କହିଥିଲେ ଯେ, ବର୍ତ୍ତମାନର ଯେଉଁ ସଙ୍କଟ ରହିଛି, ତାହାକୁ ଆମେ ସଙ୍କଟ ବୋଲି ଭାବୁନାହୁଁ, କିନ୍ତୁ ଦଳକୁ ବିସ୍ତାର କରିବାର ଏହା ଏକ ବଡ଼ ସୁଯୋଗ । ସେ କହିଛନ୍ତି ଯେ ଲୋକମାନେ ବର୍ତ୍ତମାନ ସଂଯମତା ସହ କାର୍ଯ୍ୟ କରୁଛନ୍ତି ଓ ସେମାନଙ୍କର କ୍ରୋଧ ଏପର୍ଯ୍ୟନ୍ତ ବଢ଼ି ନାହିଁ, କିନ୍ତୁ ଯଦି ଲୋକମାନେ କ୍ରୋଧିତ ହୋଇଯାଆନ୍ତି ତେବେ ରାଜ୍ୟରେ ନିଆଁ ଲାଗିବ ।  ଯଦି ବିଧାୟକମାନେ ମୁମ୍ବାଇ ଆସନ୍ତି ତେବେ ଆମ ସରକାର ବଞ୍ଚି ଯିବ । ଆମ ସରକାର ପ୍ରତି କୌଣସି ବିପଦ ନାହିଁ । ରାଉତ କହିଛନ୍ତି, ବରଂ ମୁଁ ବିଧାୟକମାନଙ୍କୁ କହିବାକୁ ଚାହୁଁଛି ଯେ ସେମାନେ ସେମାନଙ୍କର ବିଧାନସଭାକୁ ବଞ୍ଚାନ୍ତୁ, ସରକାରଙ୍କ ପ୍ରତି କୌଣସି ବିପଦ ନାହିଁ ।