Central Vista Avenue: ଆସନ୍ତାକାଲି ଉଦଘାଟିତ ହେବ ସେଣ୍ଟ୍ରାଲ ଭିଷ୍ଟା ଆଭେନ୍ୟୁ

Central Vista Avenue: ପରିଦର୍ଶକଙ୍କ ଲାଗି ସେଣ୍ଟ୍ରାଲ ଭିଷ୍ଟା ଆଭେନ୍ୟୁ ସର୍ବଦା ସୁରକ୍ଷିତ ରହିଛି ନା ନାହିଁ ତାହା ନିଶ୍ଚିତ କରିବାକୁ ୯ ଶହରୁ ଅଧିକ ନୂତନ ଆଲୋକ ଖୁଣ୍ଟି ଲଗା ଯାଇଛି। ଏହାକୁ ରାଜପଥ, ଏବଂ ସେଠାରେ ନୂତନ ଭାବରେ ନିର୍ମିତ ହୋଇଥିବା ପାର୍କିଂ ସ୍ଥାନ ସମେତ ଇଣ୍ଡିଆ ଗେଟ୍ ସୀମାରେ ଲଗାଯାଇଛି।

Central Vista Avenue: ସେପ୍ଟମ୍ବର ୮ ତାରିଖ ଗୁରୁବାର ନବୀକରଣ ହୋଇଥିବା ସେଣ୍ଟ୍ରାଲ ଭିଷ୍ଟା ଆଭେନ୍ୟୁ ଉଦଘାଟନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଯାହା ସମସ୍ତଙ୍କ ଲାଗି ନିରାପଦ ତଥା ସୁବିଧାଜନକ କରିବ। ଏଠାରେ ସାର୍ବଜନୀନ ସୁବିଧା ଉପଲବ୍ଧ ରହିଛି। ସେଣ୍ଟ୍ରାଲ୍ ଭିଷ୍ଟା ଆଭେନ୍ୟୁ ନବୀକରଣ ପ୍ରକଳ୍ପ ମୂଲ ଐତିହ୍ୟ ମୂଲ୍ୟ ସହିତ ଐତିହାସିକ ଉପାଦାନକୁ ପୁନରୁଦ୍ଧାର କରୁଥିବାବେଳେ ଏହାକୁ ଆଧୁନିକୀକରଣ କରିଛି। ଏନେଇ ସହରାଞ୍ଚଳ ବ୍ୟାପାର ମନ୍ତ୍ରଣାଳୟ ପକ୍ଷର କୁହାଯାଇଛି ଯେ, ୭୪  ଐତିହାସିକ ବିଜୁଳି ଖୁଣ୍ଟି  ସେହି ସ୍ଥାନରେ ନବୀକରଣ ସହ  ପୁନଃସ୍ଥାପିତ କରାଯାଇଛି। 

ପରିଦର୍ଶକଙ୍କ ଲାଗି ସେଣ୍ଟ୍ରାଲ ଭିଷ୍ଟା ଆଭେନ୍ୟୁ ସର୍ବଦା ସୁରକ୍ଷିତ ରହିଛି ନା ନାହିଁ ତାହା ନିଶ୍ଚିତ କରିବାକୁ ୯ ଶହରୁ ଅଧିକ ନୂତନ ଆଲୋକ ଖୁଣ୍ଟି ଲଗା ଯାଇଛି। ଏହାକୁ ରାଜପଥ, ଏବଂ ସେଠାରେ ନୂତନ ଭାବରେ ନିର୍ମିତ ହୋଇଥିବା ପାର୍କିଂ ସ୍ଥାନ ସମେତ ଇଣ୍ଡିଆ ଗେଟ୍ ସୀମାରେ ଲଗାଯାଇଛି।

ସେଣ୍ଟ୍ରାଲ ଭିଷ୍ଟା ପରିସରରେ ରହିଥିବା ଐତିହାସିକ ଚରିତ୍ରକୁ ବଜାୟ ରଖିବା ପାଇଁ କଂକ୍ରିଟ୍ ବୋର୍ଲ୍ଡ୍ସ କୁ ୧ ହଜାରରୁ ଅଧିକ ଧଳା ବାଲୁକା ପଥର ସହିତ ବଦଳାଇ ଦିଆଯାଇଛି। ରାଜପଥ ସହ ଚାଲିବା ପଥକୁ ଦୃଢ ଏବଂ ସ୍ଥାୟୀ ସାମଗ୍ରୀ ସହିତ ପକ୍କା କରାଯାଇଛି। ଏହା ସହ ରାଜପଥ, ଲନ୍, କେନାଲ ଏବଂ ଇଣ୍ଡିଆ ଗେଟ୍ ପରିସରରେ ୧୬.୫ କିଲୋମିଟର ଚାଲିବା ରାସ୍ତା ଯୋଗ କରାଯାଇଛି।

କେନାଲ ଉପରେ ୧୬ ସ୍ଥାୟୀ ସେତୁ ନିର୍ମାଣ କରାଯାଇଛି। ଯାହା କେନାଲ ବାହାରେ ଥିବା ସ୍ଥାନକୁ ସର୍ବସାଧାରଣଙ୍କ ପାଇଁ ଉପଲବ୍ଧ କରାଇବ। ଏହି ସ୍ଥାନର ଏକ ଅଂଶ ବସ୍, ଦୁଇଟି ଚକିଆ ଯାନ, କାର୍, ଆପ୍ ଆଧାରିତ ଟ୍ୟାକ୍ସି ଏବଂ ଅଟୋ ରିକ୍ସା ପାଇଁ ପାର୍କିଂ ଲାଗି ସଂରକ୍ଷିତ କରାଯାଇଛି। ଆଭେନ୍ୟୁ ସହିତ ଆଠଟି ଭିନ୍ନ ଭିନ୍ନ ସ୍ଥାନରେ ଶୌଚାଳୟ, ଭେଣ୍ଡିଂ କିଓସ୍କ ଏବଂ ପାନୀୟ ଜଳ ବ୍ୟବସ୍ଥା ଉପଲବ୍ଧ କରାଯାଇଛି। ଏଠାରେ ମୋଟ ୬୪ ମହିଳା ଶୌଚାଳୟ, ୩୨ ପୁରୁଷ ଶୌଚାଳୟ ଏବଂ ୧୦ ସୁବିଧାଜନକ ଶୌଚାଳୟ ଉପଲବ୍ଧ କରାଯାଇଛି। ଏହା ବ୍ୟତୀତ ବିଭିନ୍ନ ସ୍ଥାନରେ ସାତୋଟି ସଙ୍ଗଠିତ ଭେଣ୍ଡିଂ ପ୍ଲାଜା ମଧ୍ୟ ଯୋଡ଼ା ଯାଇଛି।

ଏଠାରେ ଅବସ୍ଥିତ ବ୍ୟସ୍ତବହୁଳ ସ୍ଥାନରେ ଚାରୋଟି ନୂତନ ପଥଚାରୀ ଅଣ୍ଡରପାସ୍ ନିର୍ମାଣ କରାଯାଇଛି। ଯାହା ଫଳରେ ପଦଚାରୀଙ୍କ ଠାରୁ ଯାନବାହାନ ଚଳାଚଳକୁ ପୃଥକ କରାଯାଇ ପାରିବ ଏବଂ ସେମାନଙ୍କର ରାସ୍ତା ପାର ହେବାକୁ ନିରାପଦ କରାଯାଇ ପାରିବ। ସମସ୍ତ ସୁବିଧା ବ୍ଲକ ଏବଂ ଅଣ୍ଡରପାସ୍  ଠାରେ ଶିଶୁ ଏବଂ ଦିବ୍ୟାଙ୍ଗ ବ୍ୟକ୍ତିଙ୍କ ନିରାପଦ ବ୍ୟବହାର ପାଇଁ ଉପଯୁକ୍ତ ଉଚ୍ଚତାରେ ରେଲିଂ ରହିଛି।

ଏହା ବ୍ୟତୀତ ଗଣତନ୍ତ୍ର ଦିବସ ପରେଡ ପାଇଁ ବ୍ୟବସ୍ଥା ମାନକ ଏବଂ ଏକୀକୃତ ହୋଇଛି। ସାଧାରଣତନ୍ତ୍ର ଦିବସ ଅବସରେ ବସିବା ବ୍ୟବସ୍ଥା ପାଇଁ ମଡ୍ୟୁଲାର୍ ବ୍ଲିଚର୍ସ ପ୍ରସ୍ତାବ ଦିଆଯାଇଛି, ଯାହାଦ୍ୱାରା ଲନ୍ ସ୍ଥାପନା ଏବଂ ଭାଙ୍ଗିବା ସମୟ ହ୍ରାସ କରାଯାଇ ପାରିବ। ଏହା ଦ୍ୱାରା ଲନ ଭଙ୍ଗିବା ସମ୍ଭାବନା କମ ହୋଇପାରିବ। ଆଲୋକ ଖୁଣ୍ଟି ବାର୍ଷିକ ସାଧାରଣତନ୍ତ୍ର ଦିବସ ପ୍ୟାରେଡ୍ ପାଇଁ ଆବଶ୍ୟକ ପ୍ରଯୁକ୍ତିବିଦ୍ୟା ଏବଂ ସେବା ସହିତ ସଜ୍ଜିତ ହୋଇଛି। ଯାହା ନୂତନ ଭାବରେ ଭୂତଳ ସେବା ଲାଇନ ସହିତ ସଂଯୁକ୍ତ।