Madhya Pradesh: ଚର୍ଚ୍ଚାରେ ସରକାରୀ ବିଦ୍ୟାଳୟ ଶିକ୍ଷକଙ୍କ କାରନାମା, ଶୁଣିଲେ ଉଡ଼ିଯିବ ହୋସ

Govt School of Madhya Pradesh: ଜିହାଦୀ ମାନସିକତା କବଳରୁ ବର୍ତ୍ତି ପାରିନାହିଁ ଶିକ୍ଷାନୁଷ୍ଠାନ। ମଧ୍ୟ ପ୍ରଦେଶ ବିଦିଶା ଜିଲ୍ଲାରେ ଅବସ୍ଥିତ ଏକ ସରକାରୀ ବିଦ୍ୟାଳୟରେ ଦେଖିବାକୁ ମିଳିଛି ଏହାର ଉଦାହରଣ।

Mazar in Govt School: ଦେଶରେ ଜିହାଦୀ ମାନସିକତା କିପରି ବିସ୍ତାର କରୁଛି ତାହାର ଉଦାହରଣ ମଧ୍ୟ ପ୍ରଦେଶ ବିଦିଶା ଜିଲ୍ଲାରେ ଦେଖିବାକୁ ମିଳିଛି। ଜିଲ୍ଲାର ଜଣେ ସରକାରୀ ବିଦ୍ୟାଳୟର ପ୍ରଧାନଶିକ୍ଷକ ତାଙ୍କ  କ୍ଷମତାର ଅପବ୍ୟବହାର କରି କେବଳ ଶିକ୍ଷାନୁଷ୍ଠାନ ପରିସରରେ କବରସ୍ଥାନ ଅର୍ଥାତ ସମାଧି ନିର୍ମାଣ କରିନାହାଁନ୍ତି ବରଂ ସେଠାରେ ଜାତୀୟ ସଂଗୀତ ଗାନ କରିବା ମଧ୍ୟ ବନ୍ଦ କରି ଦେଇଥିଲେ। ଏନେଇ ଅଭିଯୋଗ ପାଇବା ପରେ ବର୍ତ୍ତମାନ ମଧ୍ୟ ସରକାର ଏହି ଘଟଣାର ତଦନ୍ତ ଆରମ୍ଭ କରିଛନ୍ତି। ଏହା ସହିତ ଅଭିଯୁକ୍ତ ପ୍ରଧାନ ଶିକ୍ଷୟିତ୍ରୀଙ୍କୁ ଅନ୍ୟତ୍ର ବଦଳି କରାଯାଇଛି।

ଏହି ଘଟଣାରେ ପ୍ରତିକ୍ରିୟା ରଖି ମଧ୍ୟ ପ୍ରଦେଶ (Madhya Pradesh) ବିଦିଶା ଜିଲ୍ଲା ଶିକ୍ଷା ଅଧିକାରୀ (Vidisha District Education Officer) ଅତୁଲ କୁମାର ମୌଦାଗିଲଙ୍କ କହିବା ଅନୁସାରେ ଜିଲ୍ଲାର କୁରୱାଇ ତହସିଲ ଅଧିନରେ ଏକ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ରହିଛି। ଚଳିତ ବର୍ଷ ଫେବୃଆରୀରେ ବିଦ୍ୟାଳୟରେ ମରାମତି କାର୍ଯ୍ୟ କରା ଯାଇଥିଲା। ଏହି ସମୟ ମଧ୍ୟରେ ସେଠାରେ ଏକ କବରସ୍ଥାନ (Mazar) ଭଳି ଏକ ନିର୍ମାଣ କରାଯାଇଥିଲା। ଏହି ନିର୍ମାଣ ଶାହୀନା ଫିରଦୌସଙ୍କ ଦ୍ୱାରା ନିର୍ମାଣ କରା ଯାଇଥିଲା। ଯିଏ ସେହି ସମୟରେ ସେଠାକାର ପ୍ରଧାନ ଶିକ୍ଷୟିତ୍ରୀ ଥିଲେ। ଅଗଷ୍ଟ ମାସରେ ସେ ଏହି ଘଟଣା ବାବଦରେ ଏକ ଅଭିଯୋଗ ପାଇଥିଲେ। ଯାହା ପରେ ଏହି ଘଟଣାର ଅନୁସନ୍ଧାନ କରାଯାଇଥିଲା ଏବଂ ପରେ ଅଭିଯୋଗ ନିଶ୍ଚିତ ହୋଇ ଯାଇଥିଲା।

ଯେତେବେଳେ ଘଟଣା ବାବଦରେ ଶାହୀନା ଫିରଦୌସ ପଚରା ଯାଇଥିଲା, ସେତେବେଳେ ସେ କହିଥିଲେ ଯେ ସେଠାରେ ପୂର୍ବରୁ ଏକ କ୍ଷତିଗ୍ରସ୍ତ ମଞ୍ଚ ରହିଥିଲା। ଏହାର ମରାମତି କରାଯାଇଥିଲା ହେଲେ ଅନୁସନ୍ଧାନ ସମୟରେ ଏହା ଭୁଲ ବାହାରି ଥିଲା। ପ୍ରକୃତରେ ଏହା ଏକ ମଞ୍ଚ ଭଳି ଦେଖା ଯାଉ ନାହିଁ ବରଂ ନିଜେ ଏକ ସମାଧିସ୍ଥଳ (Graveyard) ଭଳି ଦେଖାଯାଉଛି। ବର୍ତ୍ତମାନ ଏହି ଘଟଣା ସାମ୍ନାକୁ ଆସିବା ପରେ ପ୍ରଧାନ ଶିକ୍ଷୟିତ୍ରୀ ଶାହୀନା ଫିରଦୌସଙ୍କୁ ଅନ୍ୟତ୍ର ସ୍ଥାନାନ୍ତର କରାଯାଇଛି। ଏପରିକି ତାଙ୍କ ବିରୋଧରେ ନିଲମ୍ବନ କାର୍ଯ୍ୟାନୁଷ୍ଠାନ ମଧ୍ୟ ଗ୍ରହଣ କରା ଯାଇପାରେ। ସେଠାରେ ନିର୍ମିତ ବେଆଇନ କବରସ୍ଥାନକୁ ଭାଙ୍ଗିବା ପାଇଁ ନିର୍ଦ୍ଦେଶ ଦିଆଯାଇଛି।

ପ୍ରଧାନ ଶିକ୍ଷୟିତ୍ରୀଙ୍କ ସ୍ୱାମୀ ଶୌହର ବନେ ଖାନ ଏହି ବିଦ୍ୟାଳୟର କ୍ରୀଡ଼ା ଶିକ୍ଷକ ଅଛନ୍ତି। ସେ ତାଙ୍କ ପତ୍ନୀଙ୍କ ସହ ବିଦ୍ୟାଳୟରେ ଏକ କବରସ୍ଥାନ ନିର୍ମାଣ କରିଥିଲେ। ଏହା ପରେ ଦୁହେଁ ଏକାଠି ହୋଇ ବିଦ୍ୟାଳୟ ପରିସରରେ ଜାତୀୟ ସଙ୍ଗୀତ ଗାନ କରିବା ମଧ୍ୟ ବନ୍ଦ କରି ଦେଇଥିଲେ। ଏହି ମାମଲା ସାମ୍ନାକୁ ଆସିବା ପରେ ଜାତୀୟ ଶିଶୁ ଅଧିକାର ଆୟୋଗ ଏହି ଘଟଣା ବାବଦରେ ଅବଗତ ହେବା ପରେ ଏହାର ତଦନ୍ତ ଆରମ୍ଭ କରିଛନ୍ତି। ଆୟୋଗ ଜାତୀୟ ଅଧ୍ୟକ୍ଷ ପ୍ରିୟଙ୍କ କାନୁନଗୋ ଗୁରୁବାର ବିଭାଗୀୟ ଅଧିକାରୀଙ୍କ ସହ ବିଦ୍ୟାଳୟ ପରିଦର୍ଶନ କରିଛନ୍ତି। ଏହି ସମୟରେ ଆହୁରି ଅନେକ ଆଶ୍ଚର୍ଯ୍ୟଜନକ ତଥ୍ୟ ସାମ୍ନାକୁ ଆସିଛି।

ଅନୁସନ୍ଧାନରୁ ଜଣାପଡ଼ିଛି ପ୍ରଧାନ ଶିକ୍ଷୟିତ୍ରୀ ଶାହୀନା ଫିରଦୌସ ଏହି ବିଦ୍ୟାୟଳର ମୁସଲମାନ ଶିକ୍ଷକଙ୍କୁ ନମାଜ ପଢିବା ପାଇଁ ଏଠାର ଏକ ସ୍ୱତନ୍ତ୍ର କୋଠରୀ ଆବଣ୍ଟିତ କରି ରଖିଥିଲେ। ଯେଉଁଠାରେ ସେମାନେ କ୍ଲାସ ଛାଡି ପ୍ରତି ଶୁକ୍ରବାର ନମାଜ ପଢୁଥିଲେ। କେବଳ ଏତିକି ନୁହେଁ ବିଦ୍ୟାଳୟରେ ପଢୁଥିବା ମୁସଲମାନ ଛାତ୍ରଙ୍କୁ ନମାଜ ପଢିବା ପ୍ରତି ଶୁକ୍ରବାର ଛୁଟି ପ୍ରଦାନ କରା ଯାଉଥିଲା। ଯେତେବେଳେ ବିଦ୍ୟାଳୟର ଜଣେ ଅବସରପ୍ରାପ୍ତ ହିନ୍ଦୁ ଶିକ୍ଷକ ବିଦ୍ୟାଳୟରେ ଦେବୀ ସରସ୍ୱତୀଙ୍କ ପ୍ରତିମୂର୍ତ୍ତି ସ୍ଥାପନ କରିବାକୁ ପ୍ରଧାନଶିକ୍ଷୟିତ୍ରୀଙ୍କ ଠାରୁ ଅନୁମତି ମାଗିଥିଲେ ସେତେବେଳେ ସେ ଏହାକୁ ମନା କରି ଦେଇଥିଲେ। ଏହା ପଛରେ ଏକ ବଡ଼ ଷଡ଼ଯନ୍ତ୍ର ରହିଥିବା ଆଶଙ୍କା କରିଛନ୍ତି ଜାତୀୟ ଶିଶୁ ଅଧିକାର ଆୟୋଗ ଅଧ୍ୟକ୍ଷ ପ୍ରିୟଙ୍କ କାନୁନଗୋ।  ଏନେଇ ସେ କହିଛନ୍ତି ଯେ ଏହି ମାମଲାରେ ପିଏଫଆଇ କିମ୍ବା ସିମି ଭଳି ମୌଳିବାଦୀ ସଙ୍ଗଠନ ସହ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀଙ୍କ ରହିଥିବା ସାମ୍ଭାବ୍ୟ ସମ୍ପର୍କ ବାବଦରେ ଯାଞ୍ଚ କରାଯିବା ଆବଶ୍ୟକ।