Chess World Cup 2023: ପରାଜୟ ସତ୍ତ୍ୱେ ପ୍ରଜ୍ଞାନ୍ନନ୍ଦାଙ୍କ ଉପରେ ହେଲା ଧନ ବର୍ଷା, ରନର୍ସ ଅପ୍ ଭାବରେ ପାଇଲେ ଏତିକି ଟଙ୍କା

Chess World Cup 2023 Final: ଚେସ୍ ବିଶ୍ୱକପ୍ ୨୦୨୩ ରେ ଭାରତର ୧୮ ବର୍ଷୀୟ ପ୍ରଜ୍ଞାନ୍ନନ୍ଦାଙ୍କୁ ନରୱେର ମାଗ୍ନୁସ୍ କାର୍ଲସେନଙ୍କ ଠାରୁ ପରାଜୟର ସମ୍ମୁଖୀନ ହେବାକୁ ପଡିଛି । ରନର୍ସ ଅପ୍ ଭାବରେ ୫୦ ଲକ୍ଷରୁ ଅଧିକ ଧନରାଶି ପାଇଛନ୍ତି ।

Chess World Cup 2023 Prize Money, R Praggnanandha: ଚେସ୍ ବିଶ୍ୱକପ୍ ୨୦୨୩ ରେ ଭାରତର ୧୮ ବର୍ଷୀୟ ବୟସ୍କା ଆର ପ୍ରଜ୍ଞାନ୍ନନ୍ଦା ହୁଏତ ଫାଇନାଲ୍ ମ୍ୟାଚ୍ ରେ ନରୱେର ମାଗ୍ନୁସ୍ କାର୍ଲସେନଙ୍କ ଠାରୁ ହାରିଯାଇଛନ୍ତି କିନ୍ତୁ ଏହା ସତ୍ତ୍ୱେ ସେ ବିପୁଳ ପରିମାଣରେ ଧନରାଶି ଜିତିବାରେ ସଫଳ ହୋଇଥିଲେ । ରନର୍ସ ଅପ୍ ଆର ପ୍ରଜ୍ଞାନ୍ନନ୍ଦା ହେଉଛନ୍ତି ଦ୍ୱିତୀୟ ଭାରତୀୟ ଖେଳାଳି ଯିଏକି FIDE ବିଶ୍ୱକପ୍ ର ଫାଇନାଲ ମ୍ୟାଚ୍ ଖେଳିଛନ୍ତି । ନମ୍ବର -୧ ଚେସ ଖେଳାଳି ମାଗ୍ନୁସ କାର୍ଲସେନଙ୍କ ସହ ପ୍ରାରମ୍ଭିକ ୨ଟି ମ୍ୟାଚ ଡ୍ରରେ ଶେଷ ହେବା ପରେ ଫଳାଫଳ ଟାଇବ୍ରେକର ମାଧ୍ୟମରେ ଅଙ୍କାଯାଇଥିଲା, ଯେଉଁଥିରେ ପ୍ରଜ୍ଞାନ୍ନନ୍ଦାଙ୍କୁ ଉଭୟ ରେ ପରାଜୟର ସମ୍ମୁଖୀନ ହେବାକୁ ପଡିଥିଲା ।

ଫାଇନାଲ ମ୍ୟାଚରେ ପରାଜୟ ପରେ ଆର. ପ୍ରଜ୍ଞାନ୍ନନ୍ଦାଙ୍କୁ ରନର୍ସଅପ୍ ଭାବେ ୮୦ ହଜାର ଆମେରିକୀୟ ଡଲାର ମିଳିଥିଲା, ଯାହାକି ଭାରତୀୟ ଟଙ୍କା ଅନୁସାରେ ୬୬ ଲକ୍ଷ ଟଙ୍କା । ଅନ୍ୟପକ୍ଷରେ ଫାଇନାଲରେ ଜିତିଥିବା ମାଗ୍ନୁସ କାର୍ଲସେନଙ୍କୁ ୧୧୦ ହଜାର ଆମେରିକୀୟ ଡଲାର ପ୍ରଦାନ କରାଯାଇଛି ଯାହାକି ଭାରତୀୟ ଟଙ୍କା ଅନୁଯାୟୀ ପ୍ରାୟ ୯୧ ଲକ୍ଷ ଟଙ୍କା ।

ଭାରତର ଭେଟେରାନ୍ ଚେସ ଖେଳାଳି ବିଶ୍ୱନାଥ ଆନନ୍ଦ ପ୍ରଥମ ଖେଳାଳି ଯିଏକି ଫିଡ ବିଶ୍ୱକପର ଫାଇନାଲ ମ୍ୟାଚ ଖେଳିଥିଲେ । ଏହା ପରେ, ବର୍ତ୍ତମାନ ପ୍ରଜ୍ଞାନ୍ନନ୍ଦା ଏହି କୀର୍ତ୍ତିମାନ କରିବାରେ ଦ୍ୱିତୀୟ ଖେଳାଳି ହୋଇଛନ୍ତି । ଚେସ ବିଶ୍ୱକପ୍‌ର ଫାଇନାଲରେ ପ୍ରବେଶ କରିଥିବା  ପ୍ରଜ୍ଞାନ୍ନନ୍ଦା ମଧ୍ୟ ତୃତୀୟ କନିଷ୍ଠ ଖେଳାଳି ଅଟନ୍ତି ।

ତିନି ଦିନ ଧରି ଚାଲିଥିଲା ​​ଫାଇନାଲ ମ୍ୟାଚ୍ 
ଚେସ୍ ବିଶ୍ୱକପ୍ ର ଫାଇନାଲ୍ ମ୍ୟାଚ୍ ୩ ଦିନ ଧରି ଆୟୋଜିତ ହୋଇଥିଲା । ୨୨ ଅଗଷ୍ଟରେ ପ୍ରଥମ ଦିନରେ ଖେଳାଯାଇଥିବା ମ୍ୟାଚ୍ ୭୦ ରୁ ଅଧିକ ଗତି ପରେ ଡ୍ରରେ ଶେଷ ହୋଇଥିଲା ଓ 23 ଅଗଷ୍ଟରେ, ଯେତେବେଳେ ଦ୍ୱିତୀୟ ମ୍ୟାଚ୍ ୩୦ ଟି ଷ୍ଟେପ୍ ପରେ ଡ୍ରରେ ଶେଷ ହୋଇଥିଲା, ଫଳାଫଳ ପାଇବା ପାଇଁ ପୁନର୍ବାର ଟାଇବ୍ରେକରରେ ପ୍ରତିଦ୍ୱନ୍ଦ୍ୱିତା ହୋଇଥିଲା । ଯେଉଁଠାରେ ମାଗ୍ନୁସ୍ କାର୍ଲସେନ୍ ୨୫-୨୫ ମିନିଟର ଦୁଇ ରାଉଣ୍ଡରେ ଟାଇଟଲ୍ ଜିତିଥିଲେ ।