ଧୋନି ଖୋଲିଲେ ନିଜ ୭ ନମ୍ବର ଜର୍ସିର ରହସ୍ୟ; କହିଲେ- `ମୁଁ ଅନ୍ଧବିଶ୍ୱାସୀ ନୁଁହ`

IPL 2022: ଚେନ୍ନାଇ ସୁପର କିଙ୍ଗ୍ସ ନିଜ ୟୁଟ୍ୟୁବ୍ ଚ୍ୟାନେଲରେ ଏକ ଭିଡିଓ ସେୟାର କରିଛି । ଯେଉଁଥିରେ ଧୋନିଙ୍କୁ ୭ ନମ୍ବର ଜର୍ସି ବିଷୟରେ କିଛି କହିବାକୁ କୁହାଯାଉଛି । ଧୋନି କହିଛନ୍ତି ଯେ ସେ ଜୁଲାଇ ୭ ରେ ଜନ୍ମ ହୋଇଥିବାରୁ ସେ ପ୍ରଥମେ ଏହି ନମ୍ବର ଚୟନ କରିଥିଲେ ।

ନୂଆଦିଲ୍ଲୀ: ଚେନ୍ନାଇ ସୁପର କିଙ୍ଗ୍ସ (CSK) ଅଧିନାୟକ ଏମଏସ ଧୋନି ନିଜ କ୍ୟାରିଅରରେ ୭ ନମ୍ବର ଜର୍ସି ପିନ୍ଧିବା ପଛର ରହସ୍ୟକୁ ଖୁଲାସା କରିଛନ୍ତି । ଧୋନିଙ୍କର ସମସ୍ତ ପ୍ରଶଂସକ ବିଶ୍ୱାସ କରନ୍ତି ଯେ ଧୋନି ଏହି ନମ୍ବର ୭ ଜର୍ସି ନିଜ ପାଇଁ ଭାଗ୍ୟବାନ ମନେ କରନ୍ତି । ଧୋନି ଇଣ୍ଡିଆ ସିମେଣ୍ଟର ଏକ କାର୍ଯ୍ୟକ୍ରମରେ ଏହା ଖୁଲାସା କରିଛନ୍ତି ।

ଚେନ୍ନାଇ ସୁପର କିଙ୍ଗ୍ସ (CSK) ଏହାର ୟୁଟ୍ୟୁବ୍ ଚ୍ୟାନେଲରେ ଏକ ଭିଡିଓ ସେୟାର କରିଛି, ଯେଉଁଥିରେ ଧୋନିଙ୍କୁ ୭ ନମ୍ବର ବିଷୟରେ କିଛି କହିବାକୁ କୁହାଯାଇଛି । ଧୋନି କହିଛନ୍ତି ଯେ ସେ ଏହି ନମ୍ବରକୁ ପ୍ରଥମେ ବାଛିଥିଲେ, କାରଣ ସେ ୭ ଜୁଲାଇରେ ଜନ୍ମ ହୋଇଥିଲେ । ୪୦ ବର୍ଷୀୟ ଧୋନି ଏହା ମଧ୍ୟ କହିଛନ୍ତି ଯେ ସେ ସାଧାରଣତଃ ଅନ୍ଧବିଶ୍ୱାସୀ ବ୍ୟକ୍ତି ନୁହଁନ୍ତି । ୨୦୨୦ ରେ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିବା ଧୋନିଙ୍କୁ ଇଣ୍ଡିଆନ ପ୍ରିମିୟର ଲିଗର ଆଗାମୀ ସଂସ୍କରଣରେ କାର୍ଯ୍ୟରେ ଦେଖିବାକୁ ମିଳିବ । ଯେଉଁଠାରେ ସେ ଚେନ୍ନାଇ ସୁପର କିଙ୍ଗ୍ସର ନେତୃତ୍ୱ ନେବେ । ଧୋନି କହିଛନ୍ତି ଯେ ମୁଁ ଆରମ୍ଭରେ ଏହି ନମ୍ବରକୁ ବାଛିଥିଲି, କାରଣ ପରବର୍ତ୍ତୀ ସମୟରେ ଲୋକମାନେ ଏହି ନମ୍ବର ସହିତ ସବୁକିଛି ଯୋଡିବା ଆରମ୍ଭ କରିଥିଲେ । ମୋର ଜନ୍ମ ବର୍ଷ ୧୯୮୧ ରେ କେହି କେହି ଶେଷ ଦୁଇଟି ଶବ୍ଦ ୮- ୧ = ୭ କରିବା ଆରମ୍ଭ କଲେ, କିନ୍ତୁ ସତ କହିବାକୁ ଗଲେ ମୁଁ କେବେ ଭାବି ନ ଥିଲି ।

ଯଦିଓ ଧୋନି ଶେଷରେ ମଧ୍ୟ କହିଛନ୍ତି ଯେ ୭ ନମ୍ବର ତାଙ୍କ ହୃଦୟର ଅତି ନିକଟତର, ସେଥିପାଇଁ ସେ ଏହି ନମ୍ବରକୁ ତାଙ୍କ କ୍ୟାରିଅରରେ ରଖିଛନ୍ତି । ଚେନ୍ନାଇ ସୁପର କିଙ୍ଗ୍ସ କୋଲକାତା ନାଇଟ୍ ରାଇଡର୍ସ ବିପକ୍ଷରେ ଆଇପିଏଲ୍ ୨୦୨୨ ର ପ୍ରଥମ ମ୍ୟାଚ୍ ଖେଳିବାକୁ ଯାଉଛି ।

ଚେନ୍ନାଇ ସୁପର କିଙ୍ଗ୍ସର ଟିମ୍
ଏମଏସ ଧୋନି (ଅଧିନାୟକ), ରବିନ୍ଦ୍ର ଜାଡେଜା, ରୁତୁରାଜ ଗାଇକୱାଡ, ମୋଇନ ଅଲି, ରବିନ ଉଥାପ୍ପା, ଅମ୍ବାତି ରାୟୁଡୁ, ଡିଭନ କନୱେ, ସୁବେନ୍ଧୁ ସେନାପତି, ହରି ନିଶାନ୍ତ, ଏନ ଜଗଦୀସନ, ଦୀପକ ଚହର, କେ.ଏମ ଆସିଫ, ତୁଷାର ଦେଶପାଣ୍ଡେ, ସିମରନଜୀ ସିଂ, ମୁକେଶ ଚୌଧୁରୀ, ଡରୱେନ ବ୍ରାଭୋ, ଶିବମ ଦୁବେ, ରାଜବର୍ଦ୍ଧନ ହାଙ୍ଗରଗେକର, ଡୱେନ ପ୍ରିଟୋରିୟସ, ମିଚେଲ ସାଣ୍ଟନର୍, ପ୍ରଶାନ୍ତ ସୋଲଙ୍କି ।