India vs Sri Lanka ODI 2024: ଭାରତ ଓ ଶ୍ରୀଲଙ୍କା ମଧ୍ୟରେ ହେବାକୁଥିବା ଦିନିକିଆ ସିରିଜ୍ ୨ ଅଗଷ୍ଟରୁ ଆରମ୍ଭ ହେବ, କିନ୍ତୁ ଏହା ପୂର୍ବରୁ ଲଙ୍କା ଦଳକୁ ଏକ ବଡ଼ ଝଟକା ଲାଗିଛି। ପ୍ରଥମ ମ୍ୟାଚ୍ ହେବାକୁ ୨୪ ଘଣ୍ଟାରୁ କମ୍ ସମୟ ବାକି ଅଛି କିନ୍ତୁ ଏପରି ଖବର ସାମ୍ନାକୁ ଆସିବା ଏକ ଚିନ୍ତାଜନକ। ତିନି ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ହାରି ସାରିଥିବା ଶ୍ରୀଲଙ୍କା ଦଳ ଏବେ ଆହୁରି ଅସୁବିଧାରେ ପଡିଥିବା ଜଣାପଡିଛି। କହିରଖୁଛୁ ଯେ ଶୀଘ୍ର ଶ୍ରୀଲଙ୍କା କ୍ରିକେଟ୍ ବୋର୍ଡ ଦ୍ୱାରା ଦଳରେ ନୂଆ ଖେଳାଳିଙ୍କ ନାମ ଘୋଷଣା କରାଯାଇଛି, ଏହା ସହିତ ତିନି ଖେଳାଳିଙ୍କୁ ମଧ୍ୟ ରିଜର୍ଭ ଖେଳାଳି ଭାବେ ଅନ୍ତର୍ଭୁକ୍ତ କରାଯାଇଛି, ଯାହାଦ୍ୱାରା ଯଦି କୌଣସି ସମସ୍ୟା ଉପୁଜେ ତେବେ ଏହି ଖେଳାଳି ମାନେ ଖେଳିବାର ସୁଯୋଗ ପାଇବେ।


COMMERCIAL BREAK
SCROLL TO CONTINUE READING

ଭାରତୀୟ କ୍ରିକେଟ୍ ଦଳ ବର୍ତ୍ତମାନ ରୋହିତ ଶର୍ମାଙ୍କ ଅଧିନାୟକତ୍ୱରେ ଶ୍ରୀଲଙ୍କା ଗସ୍ତରେ ଅଛନ୍ତି। ପ୍ରଥମ ମ୍ୟାଚ୍ ୨ ଅଗଷ୍ଟରେ କଲମ୍ବୋରେ ଖେଳାଯିବ। ପୂର୍ବରୁ ଖବର ଆସିଥିଲା ​​ଯେ ମାଥିଶା ପାଥିରାନା ଓ ଦିଲଶାନ ମଦୁଶଙ୍କା ଦିନିକିଆ ସିରିଜରେ ଭାଗ ନେବେ ନାହିଁ, କାରଣ ଉଭୟ ଖେଳାଳି ଆହତ ହୋଇଛନ୍ତି। ଶ୍ରୀଲଙ୍କା କ୍ରିକେଟ୍ ସୋସିଆଲ ମିଡିଆରେ ସୂଚନା ଦେଇଛି ଯେ ଦିଲଶାନ ମଦୁଶଙ୍କାଙ୍କ ହାମଷ୍ଟ୍ରିଂରେ ଶିକାର ହୋଇଛନ୍ତି, ଯାହାକି ଗ୍ରେଡ-୨ ବୋଲି କୁହାଯାଉଛି। ଅଭ୍ୟାସ ସମୟରେ ଫିଲ୍ଡିଂ କରିବାବେଳେ ସେ ଆହତ ହୋଇଥିଲେ। ଭାରତ ବିପକ୍ଷ ତୃତୀୟ ଟି-୨୦ ମ୍ୟାଚ୍ ବେଳେ କ୍ୟାଚ୍ ନେବାକୁ ଯାଉଥିବାବେଳେ ମାଥିଶା ପାଥିରାନା ତାଙ୍କ ଡାହାଣ କାନ୍ଧରେ ସାମାନ୍ୟ ସ୍ପ୍ରେନ୍ ଅନୁଭବ କରିଥିଲେ। ସେଥିପାଇଁ ସେ ମଧ୍ୟ ଦଳରୁ ବାଦ ପଡିଛନ୍ତି।



ଏହି ସମୟରେ ଶ୍ରୀଲଙ୍କା କ୍ରିକେଟର ଚୟନକର୍ତ୍ତାମାନେ ମାଥିଶା ପାଥିରାନା ଓ ଦିଲଶାନ ମଦୁଶଙ୍କାଙ୍କ ସ୍ଥାନରେ ମହମ୍ମଦ ଶିରାଜ ଏବଂ ଇଶାନ ମାଲିଙ୍ଗାଙ୍କୁ ODI ଦଳରେ ଅନ୍ତର୍ଭୁକ୍ତ କରିବାକୁ ଘୋଷଣା କରିଛନ୍ତି। କେବଳ ଏତିକି ନୁହେଁ, କୁସାଲ ଜାନିଥ, ପ୍ରମୋଦ ମଦୁଶନ ଓ ଜେଫ୍ରି ୱେଣ୍ଡର୍ସେ ମଧ୍ୟ ଦଳ ସହିତ ରିଜର୍ଭ ଖେଳାଳି ଭାବରେ ସାମିଲ ହୋଇଛନ୍ତି। ସତର୍କତାମୂଳକ ଭାବେ ଏହି ନିଷ୍ପତ୍ତି ନିଆଯାଇଛି। ଭାରତ ଓ ଶ୍ରୀଲଙ୍କା ଦୀର୍ଘ ଦିନ ପରେ ପରସ୍ପର ବିପକ୍ଷରେ ODI ସିରିଜ୍ ଖେଳୁଛନ୍ତି, ତେଣୁ ଏହା ଅଧିକ ଗୁରୁତ୍ୱପୂର୍ଣ୍ଣ। ଆସନ୍ତା ବର୍ଷ ଚାମ୍ପିଅନ୍ସ ଟ୍ରଫି ମଧ୍ୟ ଆୟୋଜିତ ହେବ। ଏହାପୂର୍ବରୁ ଉଭୟ ଦଳ ନିଜ ନିଜର ପ୍ରସ୍ତୁତି କରିବାର ସୁଯୋଗ ପାଇଛନ୍ତି।


ଭାରତ ବନାମ ଶ୍ରୀଲଙ୍କା ଦିନିକିଆ ସିରିଜ୍ କାର୍ଯ୍ୟସୂଚୀ:
ପ୍ରଥମ ଦିନିକିଆ: ୨ ଅଗଷ୍ଟ: କଲମ୍ବୋ
ଦ୍ୱିତୀୟ ଦିନିକିଆ: ୪ ଅଗଷ୍ଟ: କଲମ୍ବୋ
ତୃତୀୟ ଦିନିକିଆ ମ୍ୟାଚ୍: ୭ ଅଗଷ୍ଟ: କଲମ୍ବୋ