SA vs NZ, World Cup 2023: ଦକ୍ଷିଣ ଆଫ୍ରିକା ଦଳ ବିଶ୍ୱକପ୍ ୨୦୨୩ ରେ ନିଜର ଉତ୍କୃଷ୍ଟ ଫର୍ମ ଜାରି ରଖିଛି ଓ ନିଜର ସପ୍ତମ ମ୍ୟାଚ୍ ରେ ନ୍ୟୁଜିଲ୍ୟାଣ୍ଡକୁ ୧୯୦ ରନରେ ପରାସ୍ତ କରିଛି । ଏହା ହେଉଛି ନ୍ୟୁଜିଲ୍ୟାଣ୍ଡର କ୍ରମାଗତ ତୃତୀୟ ପରାଜୟ । ଯେତେବେଳେ କି ଦକ୍ଷିଣ ଆଫ୍ରିକା ଭାରତ ସହ ସମାନ ଷଷ୍ଠ ବିଜୟ ପଞ୍ଜିକରଣ କରିଛି ଓ ପଏଣ୍ଟ ଟେବୁଲରେ ପ୍ରଥମ ସ୍ଥାନ ଅଧିକାର କରିଛି । ଏଥି ସହିତ ନ୍ୟୁଜିଲ୍ୟାଣ୍ଡର କ୍ରମାଗତ ପରାଜୟ ଯୋଗୁଁ ସେମିଫାଇନାଲ ପାଇଁ ରେସ୍ ଅତ୍ୟନ୍ତ ଆକର୍ଷଣୀୟ ହୋଇଯାଇଛି । କିୱି ଦଳ ସବୁଠାରୁ ଶକ୍ତିଶାଳୀ ବିବେଚନା କରାଯାଉଥିଲା କିନ୍ତୁ ଏହାର କ୍ରମାଗତ ତିନିଟି ପରାଜୟ ସମୀକରଣ ବଦଳାଇବା ଆରମ୍ଭ କରିଛି । ତେବେ ଯଦି ଟିମ୍ ଇଣ୍ଡିଆ ଗୁରୁବାର ଦିନ ଶ୍ରୀଲଙ୍କାକୁ ପରାସ୍ତ କରେ ତେବେ ଦଳ ପୁଣିଥରେ ଏକ ନମ୍ବରକୁ ଆସିଯିବ ।


COMMERCIAL BREAK
SCROLL TO CONTINUE READING

ଆଜିର ମ୍ୟାଚ୍ ବିଷୟରେ କଥାବାର୍ତ୍ତା କଲେ ପ୍ରଥମେ ବ୍ୟାଟିଂ କରି ଦକ୍ଷିଣ ଆଫ୍ରିକା ଦଳ ୩୫୭ ରନ୍ ସ୍କୋର କରିଥିଲା । କ୍ୱିଣ୍ଟନ୍ ଡି କକ୍ ଓ ରାସି ଭାନ୍ ଡେର୍ ଡୁସେନ୍ ଚମତ୍କାର ଶତକ ହାସଲ କରିଥିଲେ । ଡି କକ୍ ୧୧୪ ଓ ଡୁସେନ୍ ୧୩୩ ରନ୍ ସ୍କୋର କରିଥିଲେ । ଶେଷରେ, ମିଲର୍ ୩୦ ବଲରେ ୫୩ ରନର ଏକ ଧୁଆଁଧାର ଇନିଂସ ଖେଳିଥିଲେ । ଦକ୍ଷିଣ ଆଫ୍ରିକା ୫୦ ଓଭରରେ ମାତ୍ର ୪ ୱିକେଟ୍ ହରାଇଥିଲା ଓ କିୱି ଦଳ ପାଇଁ ୩୫୮ ରନର ଲକ୍ଷ୍ୟ ରଖିଥିଲା । ଏହାର ଜବାବରେ କିୱି ଦଳର ବ୍ୟାଟିଂ ଆଜି ସମ୍ପୂର୍ଣ୍ଣ ଫ୍ଲପ୍ ହୋଇଥିଲା ଓ ୩୫.୩ ଓଭରରେ ୧୬୭ ରନ୍ ସ୍କୋର କରି ପୂରା ନ୍ୟୁଜିଲ୍ୟାଣ୍ଡ ଦଳ ଅଲ୍ ଆଉଟ୍ ହୋଇଯାଇଥିଲା । ଦକ୍ଷିଣ ଆଫ୍ରିକା ପାଇଁ କେଶବ ମହାରାଜ ସର୍ବାଧିକ ୪ଟି ୱିକେଟ୍ ନେଇଥିଲେ ଏବଂ ମାର୍କୋ ଜାନସେନ୍ ତିନିଟି ୱିକେଟ୍ ନେଇଥିଲେ ।


ଟିମ୍ ଇଣ୍ଡିଆ ହେଲା କ୍ଷତି 
ସପ୍ତମ ମ୍ୟାଚ୍‌ରେ ଏହା ହେଉଛି ନ୍ୟୁଜିଲ୍ୟାଣ୍ଡର କ୍ରମାଗତ ତୃତୀୟ ପରାଜୟ । ଏହି ଦଳ ପ୍ରଥମେ କ୍ରମାଗତ ପ୍ରଥମ ଚାରିଟି ମ୍ୟାଚ୍ ଜିତିଥିଲା । ଦକ୍ଷିଣ ଆଫ୍ରିକାର ଏହି ବିଜୟ ଯୋଗୁଁ ଭାରତୀୟ ଦଳ କ୍ଷତି ସହିଛି ଓ ପଏଣ୍ଟ ଟେବୁଲରେ ଦ୍ୱିତୀୟ ସ୍ଥାନକୁ ଖସିଛି । ଏଥି ସହିତ ଉନ୍ନତ ନେଟ ରନ୍ ହାର ଯୋଗୁଁ ଆଫ୍ରିକା ପୁନର୍ବାର ଏକ ନମ୍ବର ଦଳ ହୋଇପାରିଛି । ଏହା ବ୍ୟତୀତ ନ୍ୟୁଜିଲ୍ୟାଣ୍ଡ ମଧ୍ୟ କ୍ଷତି ସହି ଚତୁର୍ଥ ସ୍ଥାନକୁ ଆସିଛି । ଚତୁର୍ଥରୁ ତୃତୀୟ ସ୍ଥାନକୁ ଯାଇଥିବା ଅଷ୍ଟ୍ରେଲିଆ ଏଥିରୁ ଉପକୃତ ହୋଇଛି । ପାକିସ୍ତାନ ମଧ୍ୟ ଟେବୁଲରେ ପଞ୍ଚମ ସ୍ଥାନରେ ରହିଛି । ଏଭଳି ପରିସ୍ଥିତିରେ ଯଦି ପାକିସ୍ତାନ ଅବଶିଷ୍ଟ ମ୍ୟାଚ୍ ଜିତିନିଏ ଓ ନ୍ୟୁଜିଲ୍ୟାଣ୍ଡ ଗୋଟିଏ ମ୍ୟାଟ୍ ହାରିଯାଏ ଓ ପରବର୍ତ୍ତୀ ଦୁଇଟି ମ୍ୟାଚ୍ ମଧ୍ୟରୁ ଗୋଟିଏରେ ଜିତେ ତେବେ ସମୀକରଣ ବଦଳିଯିବ ।