Mohammed Azharuddin: କ୍ରିକେଟର ମହମ୍ମଦ ଆଜହାରୁଦ୍ଦିନଙ୍କୁ ଇଡିର ସମନ, ଜାଣନ୍ତୁ କାହିଁକି?

Mohammed Azharuddin Money Laundering Case: ଭାରତୀୟ କ୍ରିକେଟର ଦଳର ପୂର୍ବତନ ଅଧିନାୟକ ତଥା କଂଗ୍ରେସ ନେତା ମହମ୍ମଦ ଆଜହାରୁଦ୍ଦିନଙ୍କୁ ସମନ। ହାଇଦ୍ରାବାଦ କ୍ରିକେଟ ଆସୋସିଏସନ ଦୁର୍ନୀତି ମାମଲାରେ ସମନ । ୨୦ କୋଟି ଟଙ୍କା ହେରଫେର୍‌ ଅଭିଯୋଗ ନେଇ  ସମନ ହୋଇଥିବା ଜଣାପଡିଛି।  କ୍ରିକେଟର ମହମ୍ମଦ ଆଜହାରୁଦ୍ଦିନ ପୂର୍ବରୁ ଏଚସିଏ (Hyderabad Cricket Association)ର  ସଭାପତି ଥିଲେ।  ସଭାପତି ଥିବା ସମୟରେ ଏଚସିଏରେ ୨୦ କୋଟି ଟଙ୍କା ଦୁର୍ନୀତି ହୋଇଥିବା ନେଇ ଅଭିଯୋଗ ଆସିଛି। ଯେଉଁଥିପାଇଁ ଆଜି ଏନଫୋର୍ସମେଣ୍ଟ ନିର୍ଦ୍ଦେଶାଳୟ ତାଙ୍କୁ ଡକାଇଛନ୍ତି। ଏବଂ ଖୁବ୍ ଶୀଘ୍ର ତାଙ୍କୁ ପଚରାଉଚରା ହେବାର ସମ୍ଭାବନା ରହିଛି।

ହାଇଦ୍ରାବାଦ କ୍ରିକେଟ୍ ଆସୋସିଏସନ୍ ସହ ଜଡିତ ମନି ଲଣ୍ଡରିଂ ମାମଲାରେ ଆଜି ସକାଳେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ ପୂର୍ବତନ କ୍ରିକେଟର ତଥା କଂଗ୍ରେସ ନେତା ମହମ୍ମଦ ଅଜହରୁଦ୍ଦିନଙ୍କୁ ଡକାଇଥିଲେ। ଏହା ହେଉଛି କଂଗ୍ରେସ ନେତାଙ୍କୁ ଦିଆଯାଇଥିବା ପ୍ରଥମ ସମନ, ଯାହା ଅଧୀନରେ ତାଙ୍କୁ ଆଜି ତଦନ୍ତକାରୀ ଏଜେନ୍ସି ସମ୍ମୁଖରେ ହାଜର ହେବାକୁ ପଡ଼ିବ। ହାଇଦ୍ରାବାଦର ଉପଲରେ ଥିବା ରାଜୀବ ଗାନ୍ଧୀ କ୍ରିକେଟ୍ ଷ୍ଟାଡିୟମ୍ ପାଇଁ ଡିଜେଲ ଜେନେରେଟର, ଅଗ୍ନିଶମ ପ୍ରଣାଳୀ ଏବଂ ରକ୍ଷାଣବେକ୍ଷଣ ପାଇଁ କ୍ରୟ ସାମଗ୍ରୀ ଉପରେ ୨୦ କୋଟି ଟଙ୍କାର ହେରଫେର୍ ହୋଇଥିବା ଅଭିଯୋଗ ଆସିଛି। 

ଭାରତୀୟ କ୍ରିକେଟ୍ ଦଳର ଅନ୍ୟତମ ଶ୍ରେଷ୍ଠ ବ୍ୟାଟ୍ସମ୍ୟାନ୍ ଭାବରେ ବିବେଚିତ ମହମ୍ମଦ ଅଜହରୁଦ୍ଦିନ ୧୯୮୪ ମସିହାରେ ଇଂଲଣ୍ଡ ବିପକ୍ଷରେ ଟିମ୍ ଇଣ୍ଡିଆ ପାଇଁ ଡେବ୍ୟୁ କରିଥିଲେ। ଆଜହାରୁଦ୍ଦିନ ନିଜ ଡେବ୍ୟୁ ମ୍ୟାଚରେ ୧୦୦ ରନ୍ ସ୍କୋର କରି ରେକର୍ଡ଼ ସୃଷ୍ଟି କରିଥିଲେ। ପରବର୍ତ୍ତୀ ଦୁଇଟି ମ୍ୟାଚରେ ଶତକ ହାସଲ କରି ହ୍ୟାଟ୍ରିକ୍ ସ୍କୋର କରିଥିଲେ ।  ଏହା ପରେ ସେ ଆନ୍ତର୍ଜାତୀୟ କ୍ରିକେଟ୍ ରେ ଖେଳିବାର ସୁଯୋଗ ପାଇଥିଲେ। ମ୍ୟାଚ୍ ଫିକ୍ସିଂ ଅଭିଯୋଗ ମଧ୍ୟ ତାଙ୍କ ନାଁରେ ଆସିଥିଲା। ସେ ତାଙ୍କ ବ୍ୟକ୍ତିଗତ ଜୀବନ ପାଇଁ ମଧ୍ୟ ଅଧିକାଂଶ ସମୟରେ ଚର୍ଚ୍ଚାରେ ରୁହନ୍ତି।