Irani Cup 2024: ମ୍ୟାଚ୍ ଡ୍ର ହେବା ପରେ ମଧ୍ୟ ମୁମ୍ବାଇ କାହିଁକି ପାଇଲା ଇରାନୀ କପ୍ ଟ୍ରଫି? ଜାଣନ୍ତୁ କ’ଣ ରହିଛି BCCI ର ନିୟମ
Irani Cup 2024: ୨୭ ବର୍ଷ ପରେ ମୁମ୍ବାଇ ଇରାନୀ କପ୍ ଜିତିଛି। ୧୯୯୭ ପରେ ମୁମ୍ବାଇ ପ୍ରଥମ ଥର ପାଇଁ ଟ୍ରଫି ହାସଲ କରିଛି। ରାହାଣେଙ୍କ ଅଧିନାୟକତ୍ୱରେ ମୁମ୍ବାଇ ଆଉ ଏକ ଟ୍ରଫି ଜିତିଛି। ଏହାପୂର୍ବରୁ ମୁମ୍ବାଇ ସୟଦ ମୁସ୍ତାକ ଅଲି ଟ୍ରଫି ଏବଂ ରଣଜୀ ଟ୍ରଫି ଜିତିଥିଲା। ଇରାନୀ କପ୍ ର ଏହି ମ୍ୟାଚ୍ ଡ୍ର ଥିଲା।
Mumbai Irani Cup 2024 Champion: ଇରାନୀ କପ୍ ୨୦୨୪ ଜିତି ମୁମ୍ବାଇ ଏହାର ୨୭ ବର୍ଷର ମରୁଡ଼ିକୁ ସମାପ୍ତ କରିଛି। ଅଜିଙ୍କ୍ୟ ରାହାଣେଙ୍କ ଅଧିନାୟକତ୍ୱରେ ମୁମ୍ବାଇ ଆଉ ଏକ ଟାଇଟଲ ଜିତିଛି। ମୁମ୍ବାଇ ପ୍ରଥମ ଇନିଂସରେ ୫୩୭ ରନ୍ ସ୍କୋର କରିଥିଲା। ରେଷ୍ଟ ଇଣ୍ଡିଆ ଉପରେ ପ୍ରଥମ ଇନିଂସ ଆଧାରରେ ୧୨୧ ରନର ଅଗ୍ରଣୀ ଥିଲା। ଯଦିଓ ମ୍ୟାଚ୍ ଡ୍ର ଥିଲା ତଥାପି ମୁମ୍ବାଇ ଦଳକୁ ବିଜେତା ଘୋଷିତ କରାଯାଇଥିଲା।
ଇରାନୀ କପରେ ମୁମ୍ବାଇ ଦଳ ପ୍ରଥମେ ବ୍ୟାଟିଂ କରିଥିଲା। ସରଫରାଜ ଖାନ ଏକ ଚମତ୍କାର ଇନିଂସ ଖେଳି ଏକ ଚମତ୍କାର ଦ୍ୱିଶତକ ହାସଲ କରିଥିଲେ। ସରଫରାଜ ଖାନ ୨୨୨ ରନର ଏକ ଚତ୍ମକାର ଇନିଂସ ଖେଳିଥିଲେ। ରେଷ୍ଟ ଇଣ୍ଡିଆ ନିଜ ପ୍ରଥମ ଇନିଂସରେ ୪୧୬ ରନ୍ କରି ଅଲ୍ ଆଉଟ୍ ହୋଇଥିଲା। ଦ୍ୱିତୀୟ ଇନିଂସରେ ମୁମ୍ବାଇ ୩୨୯ ରନ୍ ସ୍କୋର କରିବା ପରେ ନିଜ ଇନିଂସ ଘୋଷଣା କରିଥିଲା। ମୁମ୍ବାଇର ଦ୍ୱିତୀୟ ଇନିଂସରେ ତନୁଶ କୋଟିଆନ୍ ଏକ ଚମତ୍କାର ଶତକ ହାସଲ କରି ଦଳକୁ ଆଗରେ ରଖିଥିଲେ।
ଏହି ନିୟମ ଅନୁଯାୟୀ ମୁମ୍ୱାଇ ହେଲା ବିଜେତା
ପଞ୍ଚମ ଦିନରେ ମ୍ୟାଚ ଡ୍ର ରହିଥିଲା ଏବଂ ମୁମ୍ବାଇ ବିଜେତା ଘୋଷିତ ହୋଇଥିଲା। ଇରାନୀ କପ୍ର ନିୟମ ଅନୁଯାୟୀ ଯଦି ମ୍ୟାଚ୍ ଡ୍ର ରହିଯାଏ ତେବେ ପ୍ରଥମ ଇନିଂସରେ ଦଳ ଅଗ୍ରଣୀ ହାସଲ କରିଥିବା ଦଳ ବିଜେତା ଘୋଷିତ ହେବ। ଏହି କାରଣରୁ ମୁମ୍ବାଇ ଦଳକୁ ବିଜେତା ଘୋଷିତ କରାଯାଇଥିଲା।
୧୯୯୭ ପରେ ଟ୍ରଫି ଜିତିଲା ମୁମ୍ୱାଇ
କହିରଖୁଛୁ ଯେ ୧୯୯୭ ପରଠାରୁ ପ୍ରଥମ ଥର ପାଇଁ ମୁମ୍ବାଇ ଇରାନୀ କପ୍ ଟାଇଟଲ୍ ଜିତିବାରେ ସଫଳ ହୋଇଛି। ଏହା ହେଉଛି ୧୫ ତମ ଥର ମୁମ୍ବାଇ ଇରାନୀ କପ ଟାଇଟଲ ଜିତିବାରେ ସଫଳ ହୋଇଛି। ରାହାଣେ ନିଜ ଅଧିନାୟକତ୍ୱରେ ମୁମ୍ବାଇକୁ ଆଉ ଏକ ଟ୍ରଫି ଜିତିବାରେ ସାହାଯ୍ୟ କରିଥିଲେ। ଏହାପୂର୍ବରୁ ମୁମ୍ବାଇ ସୟଦ ମୁସ୍ତାକ୍ ଅଲି ଓ ପରେ ରଣଜୀ ଟ୍ରଫି ଜିତିଥିଲେ।