IND vs WI ODI Series: ଟିମ୍ ଇଣ୍ଡିଆକୁ ଲାଗିଲା ବଡ଼ ଝଟକା, ଦିନିକିଆ ସିରିଜରୁ ବାଦ ଏହି ତୂଫାନୀ ବୋଲର

IND vs WI ODI Series: ଟେଷ୍ଟ ଦଳର ସାମିଲ ଥିବା ମହମ୍ମଦ ସିରାଜଙ୍କ ସମେତ ମହମ୍ମଦ ଶାମି, ରବିଚନ୍ଦ୍ରନ ଅଶ୍ୱିନ, କେ.ଏସ୍ ଭରତ ଓ ନବଦୀପ ସାଇନି ଘରକୁ ଫେରିଛନ୍ତି । ଏମାନେ ODI ସିରିଜରେ ଭାଗ ନେବେ ନାହିଁ ।

WI vs IND ODI Series: ଜୁଲାଇ ୨୭ ରୁ ଭାରତ ଓ ୱେଷ୍ଟଇଣ୍ଡିଜ୍ ମଧ୍ୟରେ ହେବାକୁଥିବା ODI ସିରିଜ୍ ପୂର୍ବରୁ ଟିମ୍ ଇଣ୍ଡିଆ ଏକ ବଡ଼ ଅସୁବିଧାର ସମ୍ମୁଖୀନ ହୋଇଛି । ଦ୍ରୁତ ବୋଲର ମହମ୍ମଦ ସିରାଜ (Mohammad Siraj) ହଠାତ୍ ଭାରତ ଫେରି ଆସିଛନ୍ତି । ତାଙ୍କୁ ODI ସିରିଜ୍ ପାଇଁ ଚୟନ କରାଯାଇଥିଲା, କିନ୍ତୁ ଟେଷ୍ଟ ସିରିଜ୍ ପରେ ମ୍ୟାନେଜମେଣ୍ଟ ତାଙ୍କୁ ହଠାତ୍ ବିଶ୍ରାମ ନେବାକୁ ସ୍ଥିର କଲା, ତାଙ୍କ ସମେତ ଆର ଅଶ୍ୱିନ୍, ଅଜିଙ୍କ୍ୟ ରାହାଣେ, କେ.ଏସ୍ ଭରତ ଓ ନବଦୀପ ସାଇନିଙ୍କ ସହ ଘରକୁ ଫେରିଛନ୍ତି ।

ଦ୍ୱିତୀୟ ଟେଷ୍ଟରେ ନେଇଥିଲେ ୫ ୱିକେଟ୍ 
ବାସ୍ତବରେ ମହମ୍ମଦ ସିରାଜ ଜବରଦସ୍ତ ଫର୍ମରେ ଅଛନ୍ତି । ଟେଷ୍ଟ ସିରିଜରେ ଏହି ବୋଲର ଆଶ୍ଚର୍ଯ୍ୟଜନକ ଭାବେ ବୋଲିଂ କରିଥିଲେ । ଦ୍ୱିତୀୟ ଟେଷ୍ଟ ମ୍ୟାଚରେ ସିରାଜ ୫ ୱିକେଟ୍ ନେଇଥିଲେ । ଏହି ପ୍ରଦର୍ଶନ ପାଇଁ ତାଙ୍କୁ ଟେଷ୍ଟରେ ପ୍ରଥମ ଥର ପାଇଁ ପ୍ଲେୟାର ଅଫ୍ ଦି ମ୍ୟାଚ୍ ଭାବେ ମନୋନୀତ କରାଯାଇଥିଲା । ପ୍ରଥମ ଟେଷ୍ଟରେ ମଧ୍ୟ ସିରାଜ ୨ଟି ୱିକେଟ୍ ନେଇଥିଲେ, ଯେଉଁଠାରେ ସ୍ପିନରମାନେ ଉଚ୍ଚ ମାନର ପଦର୍ଶନ କରିଥିଲେ ।

ସିରାଜଙ୍କୁ କାହିଁକି ଦିଆଗଲା ବିଶ୍ରାମ?
କାର୍ଯ୍ୟଭାରକୁ ଦେଖି ବିସିସିଆଇ ସିରାଜଙ୍କୁ ବିଶ୍ରାମ ନେବାକୁ ନିଷ୍ପତ୍ତି ନେଇଛି । କାରଣ ଟିମ୍ ଇଣ୍ଡିଆକୁ ଆଗରେ ଏସିଆ କପ୍ ଓ ବିଶ୍ୱକପ୍ ଖେଳିବାକୁ ପଡିବ, ଯେଉଁଥିରେ ସିରାଜ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ । ବର୍ତ୍ତମାନ ପର୍ଯ୍ୟନ୍ତ ତାଙ୍କ ରିପ୍ଲେସମେଣ୍ଟ ଘୋଷଣା ହୋଇନାହିଁ ।

କ୍ରମାଗତ ଭାବରେ ଚମତ୍କାର ବୋଲିଂ ପ୍ରଦର୍ଶନ କରି ଆସୁଛନ୍ତି ସିରାଜ 
ୱେଷ୍ଟଇଣ୍ଡିଜ୍ ଗସ୍ତ ପୂର୍ବରୁ ମହମ୍ମଦ ସିରାଜ ମଧ୍ୟ ବିଶ୍ୱ ଟେଷ୍ଟ ଚାମ୍ପିୟନଶିପ୍‌ର ଫାଇନାଲରେ ଅଂଶଗ୍ରହଣ କରିଥିଲେ, ଯେଉଁଥିରେ ସେ ପ୍ରଥମ ଇନିଂସରେ ୪ଟି ୱିକେଟ୍ ସମେତ ମୋଟ ୫ଟି ୱିକେଟ୍ ହାସଲ କରିଥିଲେ । ଏହାପୂର୍ବରୁ ସିରାଜ ଆଇପିଏଲ ୨୦୨୩ ରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ପାଇଁ ଭଲ ପ୍ରଦର୍ଶନ କରିଥିଲେ ଓ ୧୪ ଟି ମ୍ୟାଚରେ ୧୯ ୱିକେଟ୍ ନେଇଥିଲେ । ଏହି ସିଜିନରେ ସେ ଆରସିବି ପାଇଁ ସର୍ବାଧିକ ୱିକେଟ୍ ନେଇଥିଲେ, ଏହା ପରେ ମଧ୍ୟ ଆରସିବି ପ୍ଲେ ଅଫ୍‌ରୁ ବଞ୍ଚିତ ହୋଇଥିଲା ।

ODI ସିରିଜ୍ ପାଇଁ ଘୋଷଣା ହୋଇଥିବା ଟିମ୍ ଇଣ୍ଡିଆ
ରୋହିତ ଶର୍ମା (ଅଧିନାୟକ), ଶୁଭମନ ଗିଲ, ରାଉତରାଜ ଗାଇକୱାଡ, ବିରାଟ କୋହଲି, ସୂର୍ଯ୍ୟ କୁମାର ଯାଦବ, ସଞ୍ଜୁ ସାମସନ (ୱିକେଟ୍ କିପର), ଇଶାନ କିଶନ (ୱିକେଟ୍ କିପର), ହାର୍ଦ୍ଦିକ ପାଣ୍ଡ୍ୟା (ଉପ-ଅଧିନାୟକ), ଶାର୍ଦ୍ଦୁଲ ଠାକୁର, ରବିନ୍ଦ୍ର ଜାଡେଜା, ଅକ୍ଷର ପଟେଲ, ୟୁଜବେନ୍ଦ୍ର ଚହଲ, କୁଲଦୀପ ଯାଦବ, ଜୟଦେବ ଉନାଦକତ, ମହମ୍ମଦ ସିରାଜ, ଉମ୍ରାନ ମଲିକ, ମୁକେଶ କୁମାର ।

ODI ସିରିଜ୍ କାର୍ଯ୍ୟସୂଚୀ-
ପ୍ରଥମ ODI - ୨୭ ଜୁଲାଇ - କେନ୍ସିଙ୍ଗଟନ୍ ଓଭାଲ୍, ବାରବାଡୋସ୍ 
ଦ୍ୱିତୀୟ ODI - ୨୯ ଜୁଲାଇ - କେନ୍ସିଙ୍ଗଟନ୍ ଓଭାଲ୍, ବାରବାଡୋସ୍ 
ତୃତୀୟ ODI - ୧ ଅଗଷ୍ଟ - ବ୍ରାଏନ୍ ଲାରା କ୍ରିକେଟ୍ ଏକାଡେମୀ, ତ୍ରିନିଦାଦ