Road Accident: ଦୁର୍ଘଟଣାଗ୍ରସ୍ତ ହେଲା ଭ୍ୟାନ୍: ୧୨ କାଉଡି଼ଆ ଆହତ, ଜଣେ ଗୁରୁତର

Accident News: ଦୁଇଟି ଗାଡ଼ିରେ କେନ୍ଦ୍ରାପଡ଼ାର କିଛି ଯୁବକ ମୂର୍ଗା ମହାଦେବଙ୍କ ନିକଟକୁ ଜଳଲାଗି ପାଇଁ ଯାଉଥିଲେ । ଏହି ସମୟରେ ଘଷିପୁରା ଥାନା ଅନ୍ତର୍ଗତ ୨୦ ନଂ ଜାତୀୟ ରାଜପଥ ହୋହିରା ନିକଟରେ ଟାଟା ମାସ୍କିମା ଗାଡ଼ିଟି ଭାରସାମ୍ୟ ହରାଇ ହଠାତ୍ ଓଲଟି ପଡ଼ିଥିଲା ।

Road Accident: ପୁଣି ଦୁର୍ଘଟଣାଗ୍ରସ୍ତ ହେଲା କାଉଡି଼ଆ ଗାଡି଼ । ଏହି ଦୁର୍ଘଟଣାରେ (Accident) ୧୨ ଜଣ କାଉଡି଼ଆ ଆହତ ହୋଇଥିବା ବେଳେ ଜଣଙ୍କ ଅବସ୍ଥା ଗୁରୁତର ରହିଛି । ସମସ୍ତ ଆହତ ମାନଙ୍କୁ ଉଦ୍ଧାର କରାଯାଇ ନିକଟସ୍ଥ ଡ଼ାକ୍ତରଖାନାରେ ଭର୍ତ୍ତି କରାଯାଇଛି । ସୁଚନା ଅନୁଯାୟୀ, ଦୁଇଟି ଗାଡ଼ିରେ କେନ୍ଦ୍ରାପଡ଼ା ଜିଲ୍ଲାର (kendrapara) କିଛି ଯୁବକ ମୂର୍ଗା ମହାଦେବଙ୍କ ନିକଟକୁ ଜଳଲାଗି ପାଇଁ ଯାଉଥିଲେ । ଏହି ସମୟରେ ଘଷିପୁରା ଥାନା ଅନ୍ତର୍ଗତ ୨୦ ନଂ ଜାତୀୟ ରାଜପଥ ଗୋହିରା ନିକଟରେ ଟାଟା ମାସ୍କିମା ଗାଡ଼ିଟି ଭାରସାମ୍ୟ ହରାଇ ହଠାତ୍ ଓଲଟି ପଡ଼ିଥିଲା । ଫଳରେ ଭ୍ୟାନରେ ଥିବା ୧୨ ଜଣ କାଉଡି଼ଆ ଆହତ ହୋଇଥିବା ବେଳେ ଜଣଙ୍କ ଅବସ୍ଥା ଗୁରୁତର ହୋଇଥିଲା ।

ସୂଚନା ଥାଉ କି, ଚଳିତ ବର୍ଷ କାଉଡି଼ଆଙ୍କୁ ନେଇ ଅନେକ ଦୁର୍ଘଟଣା ଖବର ସାମ୍ନକୁ ଆସିଛି । ଶ୍ରାବଣ ମାସର ଦ୍ବିତୀୟ ସୋମବାରରେ ଜଳ ଲାଗି ପାଇଁ କେତେକେଶ୍ବର ଘାଟରେ ପାଣି ଉଠାଇବା ସମୟରେ ୨ ଜଣ କାଉଡ଼ିଆ ଭାସିଯାଇଥିଲେ । ଫଳରେ ଜଣଙ୍କୁ ଉଦ୍ଧାର କରାଯାଇଥିବା ବେଳେ ଜଣେ ୧୪ ବର୍ଷିୟ କାଉଡ଼ିଆ ନିଖୋଜ ଥିଲେ ।  ସେହିପରି ଉତ୍ତରପ୍ରଦେଶ (Uttarpradesh) ମେରଟ (meerut)  ପରିକ୍ଷିତଗଡ଼ ଅଞ୍ଚଳରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଥିଲା । ୧୧ କେ.ଭି ବିଦ୍ୟୁତ ତାର ସଂସ୍ପର୍ଶରେ ଆସି ପ୍ରାୟ ୫ ଜଣ କାଉଡ଼ିଆଙ୍କ ମୃତ୍ୟୁ ହୋଇଥିଲା । କାଉଡ଼ିଆମାନେ ଜଳଲାଗି ପାଇଁ ହରିଦ୍ବାରରୁ ଗଙ୍ଗା ନଦୀରୁ ପାଣି ନେଇ ଏକ ଗାଡ଼ି ଯୋଗେ ଆସୁଥିଲେ । ଗାଡ଼ିଟି ରାଲି ଚୌହାନ ଗାଁ ଅତିକ୍ରମ କରୁଥିବା ବେଳେ ସେଠାରେ ତଳକୁ ଓହଳି ରହିଥିବା ଏକ ୧୧ କେଭି ବିଦ୍ୟୁତ୍ ତାର ସହ ଘଷି ହୋଇଯାଇଥିଲା । ବିଦ୍ୟୁତ୍ ଆଘାତରେ ମନୀଷ ନାମକ ଏକ କାଉଡ଼ିଆଙ୍କ ଘଟଣାସ୍ଥଳରେ ହିଁ ମୃତ୍ୟୁ ହୋଇଥିଲା । ଅନ୍ୟ ୪ ଜଣ କାଉଡ଼ିଆଙ୍କୁ ଡ଼ାକ୍ତରଖାନାରେ ମୃତ ଘୋଷଣା କରାଯାଇଥିଲା । ଅନ୍ୟପଟେ ଏହି ଦୁର୍ଘଟଣାରେ ୫ ଜଣ ଗୁରୁତର ହୋଇଥିବା ବେଳେ ସେମାନଙ୍କୁ ପୃଥକ ପୃଥକ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହି ଘଟଣା ପରେ ସ୍ଥାନୀୟ ଲୋକମାନେ ରାସ୍ତା ଅବରୋଧ କରିବା ସହ ବିରୋଧ ପ୍ରଦର୍ଶନ କରିଥିଲେ। ବିଦ୍ୟୁତ ଅଧିକାରୀଙ୍କୁ ଅବହେଳା ଯୋଗୁଁ ଏଭଳି ଅଘଟଣ ଘଟିଥିବା ଅଭିଯୋଗ ହୋଇଥିଲା

ସେହିପରି, ଶ୍ରାବଣ ମାସର ପ୍ରଥମ ସୋମବାରରୁ ହିଁ ଏକ ଅଘଟଣ ଖବର ସାମ୍ନାକୁ ଆସିଥିଲା । ଦେବଗଡ଼ ଝାଡ଼େଶ୍ବର ମନ୍ଦିର ପରିସରରେ ଜଣେ କାଉଡ଼ିଆଙ୍କ ମୃତ୍ୟୁ ହୋଇଥିଲା । ମୃତ କାଉଡ଼ିଆଙ୍କ ନାମ ବିଭୁତି ବେହେରା ଅଟେ । ବିଭୁତି ନିଜ ଅଞ୍ଚଳରୁ ପାଣି ଉଠାଇ ଝାଡ଼େଶ୍ବର ମନ୍ଦିରରେ ଜଳ ଲାଗି କରିବାକୁ ଆସିଥିଲେ । ରାତିରେ ଝାଡ଼େଶ୍ବର ମନ୍ଦିରରେ ପହଁଞ୍ଚିବା ପରେ ସେ ସେଠାରେ ଶୋଇଯାଇଥିଲେ । ସକାଳେ ତାଙ୍କ ସାଥୀମାନେ ତାଙ୍କୁ ଉଠାଇବାକୁ ଚେଷ୍ଟା କରିଥିଲେ କିନ୍ତୁ ସେ ଆଉ ଉଠି ନଥିଲେ । ଏହା ପରେ ତାଙ୍କୁ ତୁରନ୍ତ ହସ୍ପିଟାଲରେ ନିଆଯାଇଥିଲା । ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ ।