23 July 2024 Top 10 News: H1. Budget 2024: ଅର୍ଥମନ୍ତ୍ରୀ ନିର୍ମଳା ସୀତାରମଣ ମଙ୍ଗଳବାର ଦିନ ଲୋକସଭାରେ ସାଧାରଣ ବଜେଟ୍ ୨୦୨୪-୨୫ ଉପସ୍ଥାପନ କରିଥିଲେ। ଏହି ବଜେଟରେ ଅର୍ଥମନ୍ତ୍ରୀ ସାଧାରଣ ଜନତା, କୃଷି କ୍ଷେତ୍ର, ନିଯୁକ୍ତି, ଦକ୍ଷତା ବିକାଶ ଏବଂ ଶିକ୍ଷା କ୍ଷେତ୍ର ପାଇଁ ଅନେକ ବଡ଼ ଘୋଷଣା କରିଛନ୍ତି। ଅର୍ଥମନ୍ତ୍ରୀ ବଜେଟ୍ ଅଭିଭାଷଣରେ କହିଛନ୍ତି ଯେ ଏହି ବଜେଟରେ ଗରିବ, ମହିଳା, ଯୁବକ ଏବଂ କୃଷକ ଉପରେ ଗୁରୁତ୍ୱ ଦିଆଯାଇଛି। ଆଜି ବିଶ୍ୱ ଅର୍ଥନୀତି ଟଳମଟଳ ହେଉଥିବାବେଳେ ଭାରତୀୟ ଅର୍ଥନୀତି ସ୍ଥିର ରହିଛି।


COMMERCIAL BREAK
SCROLL TO CONTINUE READING

H2. Odisha Assembly adjourned: ଶାସକ ଦଳରେ ଥିବା ବେଳେ ବିଜେଡି ଯାହାକୁ ନିନ୍ଦା କରୁଥିଲା ଆଜି ସେହି ପନ୍ଥା ଆପଣାଇଛି। ବଚସ୍ପତିଙ୍କ ପୋଡ଼ିୟମ୍‍କୁ ଉଠି ରାଜନଗର ବିଧାୟକ ଧ୍ରୁବ ଚରଣ ସାହୁ ବାଚସ୍ପତିଙ୍କ ମାଇକ୍‍ ଉପାଡ଼ିଛନ୍ତି। ଏପରି ବିରୋଧ ଦ୍ୱାରା ଗୃହ ଚାଲିବା ସମ୍ଭବ ନହେବାରୁ ଗୃହକୁ ବାରମ୍ବାର ମୁଲତବୀ କରାଯାଇଛି। ଆଜି ସକାଳେ ଗୃହ କାର୍ଯ୍ୟ ଆରମ୍ଭ ହେବା କ୍ଷଣି ମୁଖ୍ୟ ବିରୋଧୀ ଦଳ ପକ୍ଷରୁ ପ୍ରତିବାଦ ଆରମ୍ଭ ହୋଇଥିଲା। 


H3. Odisha Minister Seeks Naveen Patnaik's Arrest: ନବୀନ ପଟ୍ଟନାୟକଙ୍କ ବ୍ୟକ୍ତିତ୍ୱକୁ ଭୁରି ଭୁରି ବିଜେପିର ଶୀର୍ଷ ନେତା ପ୍ରଶଂସା କରୁଛନ୍ତି ଏବଂ ନୂଆ ପରମ୍ପରା ସୃଷ୍ଟି କରିବାକୁ ଯାଇ ମୁଖ୍ୟମନ୍ତ୍ରୀ ଯାହାଙ୍କୁ ଘରୁ ବିଧାନସଭାରେ ଯୋଗ ଦେବାକୁ ନିବେଦନ କରୁଛନ୍ତି ତାଙ୍କୁ ଗିରଫ ପାଇଁ ବିଧାନସଭାରେ ଦାବି କରିଛନ୍ତି ସଂସଦୀୟ ବ୍ୟାପାର ମନ୍ତ୍ରୀ ମୁକେଶ ମହାଲିଙ୍ଗ। ଆଜି ବିଧାନସଭାରେ ବିରୋଧୀ ବିଜେଡିର ଆଚରଣରେ ଗୃହ କାର୍ଯ୍ୟ ନଚାଲିବା ଏବଂ ଏହାକୁ ସମାଲୋଚନା କରି ସବୁ ଦୋଷକୁ ନବୀନଙ୍କ ମୁଣ୍ଡରେ ଲଦିଛନ୍ତି ଶ୍ରୀ ମହାଲିଙ୍ଗ।


H4. Supreme Court Verdict On NEET UG 2024: ସୁପ୍ରିମକୋର୍ଟରେ NEET UG ଉପରେ ଶୁଣାଣି ଶେଷ ହୋଇଛି। ଏହି ମାମଲାରେ କୋର୍ଟ ଏହାର ରାୟ ଦେଇଛନ୍ତି। କୋର୍ଟ କହିଛନ୍ତି ଯେ NEET UG ପରୀକ୍ଷା ଆଉ ଅନୁଷ୍ଠିତ ହେବ ନାହିଁ। କ୍ୱାଣ୍ଟମ୍ ଫିଜିକ୍ସର ଏକ ପ୍ରଶ୍ନର ବିକଳ୍ପ ୪ କୁ ଯଥାର୍ଥ କହି କୋର୍ଟ ପୁନର୍ବାର ଫଳାଫଳ ଘୋଷଣା କରିବାକୁ NTA କୁ କହିଛନ୍ତି।


H5. Dharmendra Pradhan On NEET UG: ମଙ୍ଗଳବାର ଦିନ NEET UG ମାମଲାରେ ସୁପ୍ରିମକୋର୍ଟରେ ଶୁଣାଣି ଶେଷ ହେବା ପରେ ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କଠାରୁ ଏକ ବଡ଼ ବୟାନ ଆସିଛି। ଗଣମାଧ୍ୟମକୁ ଦେଇଥିବା ବୟାନରେ କେନ୍ଦ୍ର ମନ୍ତ୍ରୀ କହିଛନ୍ତି ଯେ ସୁପ୍ରିମକୋର୍ଟଙ୍କ ନିଷ୍ପତ୍ତିକୁ ସରକାର ସ୍ୱାଗତ କରୁଛନ୍ତି। ସେ ଆହୁରି କହିଛନ୍ତି ଯେ NTA ଏକରୁ ଦୁଇ ଦିନ ମଧ୍ୟରେ NEET ଫଳାଫଳ ପ୍ରକାଶ କରିବ।


H6. Congress on Budget 2024: ଅର୍ଥମନ୍ତ୍ରୀ ନିର୍ମଳା ସୀତାରମଣ କେନ୍ଦ୍ର ବଜେଟ୍ ୨୦୨୪-୨୫ ରେ ପ୍ରଧାନମନ୍ତ୍ରୀ ଇଣ୍ଟର୍ନସିପ୍ ସ୍କିମ୍ ଘୋଷଣା କରିଛନ୍ତି, ଯେଉଁଥିରେ ଯୁବକମାନେ ପ୍ରତି ମାସରେ ଇଣ୍ଟର୍ନସିପ୍ ସହିତ ୫୦୦୦ ଟଙ୍କା ପାଇବେ। ଏହି ଘୋଷଣା ପରେ କଂଗ୍ରେସ ନେତା ପି ଚିଦାମ୍ବରମ୍ ମୋଦୀ ସରକାରଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି ଯେ ମୋତେ ଏହି କଥାରେ ଖୁସି ଲାଗିଲା ଯେ ଲୋକସଭା ନିର୍ବାଚନ ପରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ମୁଖ୍ୟ ବିରୋଧୀ ଦଳର ମନିଫେଷ୍ଟୋ ପଢ଼ିଛିନ୍ତି।


H7. PM Modi On Budget 2024: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ  (Union Finance Minister Nirmala Sitharaman) ଆଜି ମୋଦୀ ସରକାରଙ୍କ (Modi Government) ତୃତୀୟ କାର୍ଯ୍ୟକାଳର ପ୍ରଥମ ସାଧାରଣ ବଜେଟ୍ ଉପସ୍ଥାପନ କରିଛନ୍ତି। ବଜେଟରେ ଦିଆଯାଇଥିବା ବ୍ୟବସ୍ଥାକୁ ନେଇ ପ୍ରଧାନମନ୍ତ୍ରୀ ମୋଦୀ ଖୁସି ବ୍ୟକ୍ତ କରିଛନ୍ତି ଓ ଦେଶକୁ ବଜେଟ୍ ବିଷୟରେ କହିଛନ୍ତି।


H8. Mamata Banerjee On Budget 2024: ମଙ୍ଗଳବାର ଦିନ ସଂସଦରେ ଉପସ୍ଥାପିତ ହୋଇଥିବା ସାଧାରଣ ବଜେଟ୍ ଉପରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ତୀବ୍ର ପ୍ରତିକ୍ରିୟା ପ୍ରକାଶ କରି ଏହାକୁ ଲୋକ ବିରୋଧୀ ଏବଂ ଗରିବ ବିରୋଧୀ ବଜେଟ୍ ବୋଲି କହିଛନ୍ତି। ବିଧାନସଭାରେ ସାମ୍ବାଦିକମାନଙ୍କ ସହ କଥାବାର୍ତ୍ତା ବେଳେ ମମତା କହିଛନ୍ତି ଯେ ସାଧାରଣ ବଜେଟରେ ବେଙ୍ଗଲକୁ ପୁନର୍ବାର ସାବତ ମାଆ ପରି ବ୍ୟବହାର କରାଯାଇଛି। ସେ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀ ପଶ୍ଚିମବଙ୍ଗ ପ୍ରତି ଈର୍ଷା କରୁଛନ୍ତି।


H9. Terrorist Encounter In Poonch: ଜମ୍ମୁ-କଶ୍ମୀରର କୃଷ୍ଣ ଘାଟି ବେଲ୍ଟର ବଟାଲ ଅଞ୍ଚଳରେ ଅନୁପ୍ରବେଶ କରିବାକୁ ଚେଷ୍ଟା କରୁଥିବା ଆତଙ୍କବାଦୀଙ୍କୁ ସୁରକ୍ଷା ବାହିନୀ ବିଫଳ କରିଛି। ଯେଉଁଥିରେ ଜଣେ ସୈକ ସହିଦ ହୋଇଛନ୍ତି।


H10. Yuvraj Singh ready to return to IPL: ଆଇପିଏଲ୍ ୨୦୨୫ ମେଗା ନିଲାମ ପୂର୍ବରୁ ଗୁଜୁରାଟ ଟାଇଟାନ୍ସ ଦଳକୁ ନେଇ ଏକ ବଡ ଅପଡେଟ୍ ଆସିଛି। ମୁଖ୍ୟ ପ୍ରଶିକ୍ଷକ ଆଶିଷ ନେହେରା ଏବଂ କ୍ରିକେଟ୍ ନିର୍ଦ୍ଦେଶକ ବିକ୍ରମ ସୋଲାଙ୍କି ଗୁଜୁରାଟ ଟାଇଟାନ୍ସ ସହିତ କିଛି ଅଂଶ ଭାଗ କରିପାରନ୍ତି। ମିଡିଆ ରିପୋର୍ଟ ଅନୁଯାୟୀ ଯୁବରାଜ ସିଂ ଦଳର ପରବର୍ତ୍ତୀ ମୁଖ୍ୟ ପ୍ରଶିକ୍ଷକ ହୋଇପାରନ୍ତି। ତେବେ ଏହା ଏପର୍ଯ୍ୟନ୍ତ ନିଶ୍ଚିତ ହୋଇନାହିଁ।