Love Story: ୨୦ ବର୍ଷ ବୟସର ପୁତୁରାକୁ ବିବାହ କଲେ ୪୦ବର୍ଷର ଖୁଡୀ

Love Story: ଦୁହିଁଙ୍କ ମଧ୍ୟରେ ୩ବର୍ଷ ହେବ ପ୍ରେମ ସମ୍ପର୍କ ଗଢି ଉଠିଥିଲା । କଥାଟି ପ୍ରଘଟ ହେବାପରେ ଗାଁରେ ଏକ ବୈଠକ କରାଯାଇଥିଲା ।

Love Story: କଥାରେ କୁହାଯାଏ ପ୍ରେମ ହେଉଛି ଅନ୍ଧ, ଯାହା ମୁଣ୍ଡରେ ପ୍ରେମ ନିଶା ଥରେ ଚଢିଯାଏ ସେ ପ୍ରେମ ପାଇଁ କିଛି ବି କରିପାରେ । ଏପରି କି ନିଜ ପ୍ରେମ ପାଇଁ ବୟସର ତାରତମ୍ୟ ବି ଭୁଲିଯାଏ ମଣିଷ । ଆମ ସମାଜରେ ଆଗରୁ ଅନେକ ପ୍ରେମଜନିତ ଘଟଣା ସାମ୍ନାକୁ ଆସିଛି । ଆପଣ ନିଜ ଆଖପାଖରେ ମଧ୍ୟ ପ୍ରେମକୁ ନେଇ ଅନେକ ଘଟଣା ଦେଖିଥିବେ । କିନ୍ତୁ ବତ୍ତମାନ ଯେଉଁ ଘଟଣା ସମ୍ପର୍କରେ ଆପଣଙ୍କୁ କହିବୁ ତାହା ଖୁବ୍ ଭିନ୍ନ । କାରଣ ଜଣେ ଖୁଡି ପୁତୁରା ସହ ମିଳାମିଶା କରିବା ପରେ ଉଭୟଙ୍କ ମଧ୍ୟରେ ଗଢି ଉଠିଥିଲା ପ୍ରେମ ସମ୍ପର୍କ (Love relation) । ଆଉ ସେହି ସମ୍ପର୍କ ଦିନେ କି ଦୁଇଦିନର ନଥିଲା ବରଂ ଥିଲା ୩ ବର୍ଷର ପ୍ରେମ ।

ଲୁଚା ଛପାରେ ମିଳାମିଶା କରୁଥିଲେ ଖୁଡୀ ପୁତୁରା । ପରେ ତାଙ୍କ ସମ୍ପର୍କ ଅନେକ ଜଣଙ୍କ ନଜରରେ ପଡ଼ିବାରୁ ଗାଁରେ ଚର୍ଚ୍ଚା ଆଲୋଚନା ଅଧିକ ହେବାରେ ଲାଗିଲା । ପରେ ଦିନେ ମହିଳାଙ୍କ ସ୍ୱାମୀ ଉଭୟଙ୍କୁ ଏକାଠି ଧରିଥିବା କୁହାଯାଉଛି । ଉଭୟ ଧରା ପଡିବା ପରେ ଗାଁରେ ଏକ ବୈଠକ ବସିଥିଲା । ବୈଠକରେ ଉଭୟେ ଉଭୟଙ୍କୁ ବାହା ହେବା ପାଇଁ ନିଷ୍ପତ୍ତି ନେଇଥିଲେ । ମହିଳାଙ୍କ ସ୍ୱାମୀ ନିଜେ ଉପସ୍ଥିତ ରହି ଗାଁ ଲୋକଙ୍କ ସାମ୍ନାରେ ନିଜ ପତ୍ନୀଙ୍କ ଇଚ୍ଛା ମୁତାବକ ପୁତୁରା ସହ ଉଭୟଙ୍କର ବିବାହ କରାଇଥିଲେ ।

ଆପଣଙ୍କୁ କହିରଖୁଛୁ ଯେ, ମହିଳା ଜଣକ ୨୦ ବର୍ଷ ପୂର୍ବରୁ ଲଖପୁର ଗାଁର ଇନ୍ଦ୍ରଦେବ ପାସୱାନଙ୍କୁ ବିବାହ (Marriage) କରିଥିଲେ । ବର୍ତ୍ତମାନ ତାଙ୍କର ୧୦ ବର୍ଷର ଗୋଟେ ପୁଅ (Son) ମଧ୍ୟ ଅଛି । ସ୍ୱାମୀ ଏବଂ ପୁଅ ଥାଇ ମଧ୍ୟ ୩ ବର୍ଷ ହେବ ତାଙ୍କ ପୁତୁରା ପଙ୍କଜ ପାସୱାନ୍ (ଯାହାଙ୍କର ବୟସ ମାତ୍ର ୨୦) ତାଙ୍କ ସହ ସମ୍ପର୍କ ରଖିଆସୁଥିଲେ । ୩ ବର୍ଷ ଧରି ବିଭିନ୍ନ ସ୍ଥାନରେ ଉଭୟେ ଭେଟିଥିବା ମଧ୍ୟ ଜଣାପଡିଛି । ପତ୍ନୀଙ୍କ କିଛି ହରକତ ଦେଖି ସ୍ୱାମୀ ଅନେକ ସମୟରେ ସନ୍ଦେହ କରିବା ସହ ତାଗିଦ ମଧ୍ୟ କରିଥିଲେ । ତେବେ ଘର ପାଖ ଅଞ୍ଚଳର ପୁତୁରା ସହ ଏପରି ସମ୍ପର୍କ ରଖିବା ଘଟଣା ସମ୍ପର୍କରେ ଜାଣିବା ପରେ ସ୍ୱାମୀ ମଧ୍ୟ ଲଜ୍ଜିତ ଅନୁଭବ କରିଥିଲେ ।

ମହିଳା ଜଣକ ଶନିବାର ରାତିରେ ତାଙ୍କ ପ୍ରେମିକ ପଙ୍କଜଙ୍କୁ ଭେଟିବାକୁ ଏକ ସ୍ଥାନକୁ ଆସିଥିଲେ। କୌଣସି ମାଧ୍ୟମରୁ ସ୍ୱାମୀ ମଧ୍ୟ ଏ ବିଷୟରେ ସୂଚନା ପାଇଥିଲେ । ସ୍ୱାମୀ ଜାଣିବା ପରେ କିଛି ଗାଁ ଲୋକଙ୍କୁ ସାଥୀରେ ନେଇ ଉଭୟଙ୍କୁ ଏକାଠି ଧରିବାରେ ସକ୍ଷମ ହୋଇଥିଲେ । ତାପରେ ଉଭୟଙ୍କୁ ଗାଁ ବୈଠକକୁ ନିଆଯାଇଥିଲା । ଉଭୟଙ୍କୁ ପଚରାଉଚରା କରିବା ପରେ ଅଭିଯୁକ୍ତ ପଙ୍କଜ ପାସୱାନ ଏବଂ ରୁବି ଦେବୀ ପରସ୍ପର ସହ ରହିବା ବିଷୟରେ ସହମତି ପ୍ରକାଶ କଲେ । କଥାଟି ମହିଳାଙ୍କ ସ୍ୱାମୀଙ୍କୁ ସାମାନ୍ୟ କଷ୍ଟ ଦେଇଥିଲେ ମଧ୍ୟ ଦୁହିଁଙ୍କ ଜିଦ୍ ଆଗରେ ଶେଷରେ ମୁଣ୍ଡ ନୁଆଁଇବାକୁ ପଡିଲା । ଗାଁଲୋକ ସାଇ ପଡୋଶୀ ଯେତେ ବୁଝାଇଲେ ମଧ୍ୟ ପ୍ରେମୀଯୁଗଳଙ୍କ ମନକୁ ଭାଙ୍ଗିବା ସମ୍ଭବ ହୋଇପାରିଲା ନାହିଁ । ପରେ ନିଷ୍ପତ୍ତି ହେଲା ଯେ, ଉଭୟଙ୍କର ବିବାହ କରାଯିବ ।  ଏହା ପରେ ଇନ୍ଦ୍ରଦେବ ପାସୱାନ୍ ନିଜେ ପଞ୍ଚାୟତ ଲୋକଙ୍କ ମଧ୍ୟରେ ଉପସ୍ଥିତ ରହିଥିଲେ ଏବଂ ତାଙ୍କ ପତ୍ନୀ ରୁବି ଦେବୀଙ୍କୁ ହିନ୍ଦୁ ରୀତିନୀତି ଅନୁଯାୟୀ ଲଖପୁର ଗାଁର କାଳୀ ମନ୍ଦିରରେ ପୁତୁରା ପଙ୍କଜ ପାସୱାନଙ୍କ ସହ ବିବାହ କାର୍ଯ୍ୟ କରିଥିଲେ।