Sambalpur News: ସମ୍ବଲପୁର ହିଂସା ପୂର୍ବରୁ ସତର୍କ କରାଇଥିଲେ ଗୁଇନ୍ଦା ବିଭାଗ, ସାମ୍ନାକୁ ଆସିଲା ଏସପିଙ୍କୁ ଲେଖାଯାଥିବା ଚିଠି

Sambalpur News In Odia: ସମ୍ବଲପୁରକୁ (Sambalpur) ଫେରିଛି ଶାନ୍ତି। ସ୍ଥିତି ବର୍ତ୍ତମାନ ନିୟନ୍ତ୍ରଣାଧିନ ରହିଛି । ସମ୍ବଲପୁର (Sambalpur) ସହରରୁ ସମ୍ପୁର୍ଣ୍ଣ ହଟିଲା କଟକଣା। ସମ୍ବଲପୁରରେ ଅବସ୍ଥାରେ ସୁଧାର ଆସିବା ହୃଦୟଙ୍ଗମ କରି ଜିଲ୍ଲା ପ୍ରଶାସନ (Sambalpur District Administration)ପକ୍ଷରୁ ସହରରୁ କର୍ଫ୍ୟୁକୁ ସମ୍ପୂର୍ଣ୍ଣ ଭାବେ ପ୍ରତ୍ୟାହାର କରାଯାଇଛି(Curfew lifted from entire Sambalpur)। ଏ-ନେଇ ଏକ ବିଜ୍ଞପ୍ତି ମାଧ୍ୟମରେ ଉପଜିଲ୍ଲାପାଳ ପ୍ରଭାସ ଚନ୍ଦ୍ର ଦଣ୍ଡସେବାଙ୍କ ପକ୍ଷରୁ ସୂଚନା ଦିଆଯାଇଛି।  

ହନୁମାନ ଜୟନ୍ତୀରେ ବାଇକ୍ ଶୋଭାଯାତ୍ରା ଉପରକୁ ପଥରମାଡ ହୋଇଥିଲା। ଏ-ନେଇ ଅଶାନ୍ତ ହୋଇପଡି଼ଥିଲା ପୁରା ସହର। ସ୍ଥିତି ଅଣାୟତ୍ତ ହେବାରୁ ଗତ ୧୪ ତାରିଖ ମଧ୍ୟରାତ୍ରରୁ ସହରରରେ ପ୍ରଶାସନ ପକ୍ଷରୁ କର୍ଫ୍ୟୁ (Curfew) ଲଗାଯାଇଥିଲା। ସେପଟେ, ହିଂସାର ପ୍ରଭାବକୁ ରୋକିବାକୁ ସହରରେ ଦିର୍ଘ ଦିନ ପାଇଁ ଇଣ୍ଟରନେଟ୍ ସେବାକୁ (Internet service)ବନ୍ଦ କରି ଦିଆଯାଇଥିଲା।

ସେପଟେ, ସମ୍ବଲପୁର ହିଂସାକାଣ୍ଡକୁ ନେଇ  ଏକ ନୂଆ ଅପଡେଟ୍ ବର୍ତ୍ତମାନ ସାମ୍ନାକୁ ଆସିଛି । ହିଂସା ନେଇ ଏସପିଙ୍କୁ ଆଗୁଆ ସତର୍କ କରିଥିଲା ଗୁଇନ୍ଦା ବିଭାଗ । ସମ୍ବଲପୁର ଜିଲ୍ଲା ଏସପିଙ୍କୁ ଚିଠି ଲେଖି ସତର୍କ ରହିବାକୁ ସୂଚନା ଦେଇଥିଲେ ଗୁଇନ୍ଦା ଏସପି । ସେହି ସମୟର ଚିଠି ଏବେ ସାମ୍ନାକୁ ଆସିଛି । ହିଂସାକାଣ୍ଡର ଦିନକ ପୂର୍ବରୁ ୧୧ ତାରିଖରେ ଏହି ଚିଠି ଲେଖାଯାଇଥିଲା । ୧୨ ଏପ୍ରିଲରେ ହନୁମାନ ଜୟନ୍ତୀ ସମନ୍ୱୟ ସମିତି ବିଶେଷ କରି ବଜରଙ୍ଗ ଦଳର ସଦସ୍ୟ ବିଶାଳ ବାଇକ୍ ରାଲି କରିବା ନେଇ ଚିଠିରେ ଉଲ୍ଲେଖ ରହିଛି । ଏହି ରାଲି ସମୟରେ ସାମ୍ପ୍ରଦାୟିକ ସଦଭାବ ବିଗିଡିପାରେ ବୋଲି ଚିଠିରେ ଉଲ୍ଲେଖ ରହିଛି ।

ଚିଠିରେ ଲେଖାଯାଇଛି ଯେ, ହନୁମାନ ଜୟନ୍ତୀ ସମନ୍ୱୟ ସମିତିର ବାଇକ୍ ରାଲି ମୁସଲମାନ ପ୍ରବଣ ଅଞ୍ଚଳ ଦେଇ ଗତି କରିବ । ଏହି ସମୟରେ ଜୟ ଶ୍ରୀରାମ, ଜୟ ହନୁମାନ ଭଳି ସ୍ଲୋଗାନ୍ ଦେବା ସହ ଅଣ ହିନ୍ଦୁ ଯଦି କିଛି ସ୍ଲୋଗାନ ଦିଅନ୍ତି ତାହାଲେ ଗଣ୍ଡଗୋଳ ପରିସ୍ଥିତି ସୃଷ୍ଟି ହୋଇପାରେ ବୋଲି ସତର୍କ କରା ଯାଇଥିଲା । ଆଉ ଚିଠି ପରଦିନ ସମ୍ବଲପୁରରେ ହିଂସା ହୋଇଥିଲା । ହିଂସାକୁ ଦୃଷ୍ଟିରେ ରଖି ସମ୍ବଲପୁରରେ କର୍ଫ୍ୟୁ ଲଗାଯାଇଥିଲା ।