Dehradun DM: ମଦ କିଣିବାକୁ ମଦ ଦୋକାନରେ ପହଞ୍ଚିଲେ କଲେକ୍ଟର, ଲୋକେ କାହିଁକି କରୁଛନ୍ତି ଏତେ ପ୍ରଶଂସା? ଦେଖନ୍ତୁ ଭିଡିଓ

Dehradun DM Video: କଲେକ୍ଟରଙ୍କ ମଦ କିଣିବାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଅନେକ ଉପଭୋକ୍ତା ତାଙ୍କର ଏହି କାମ ପାଇଁ DM କୁ ପ୍ରଶଂସା କରୁଛନ୍ତି। ଅନେକ ଉପଭୋକ୍ତା ଏହା ମଧ୍ୟ କହିଛନ୍ତି ଯେ ସେମାନଙ୍କ ସହରରେ ମଧ୍ୟ କର୍ତ୍ତୃପକ୍ଷ ମଦ ଦୋକାନ ଉପରେ ଚଢ଼ାଉ କରିବା ଏବଂ ବେଆଇନ ମୂଲ୍ୟ ଆଦାୟ କରୁଥିବା ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଉଚିତ୍।

Dehradun DM Viral Video: ଉତ୍ତରାଖଣ୍ଡର ରାଜଧାନୀ ଦେହରାଡୁନରେ ଥିବା 'ମଦ୍ୟପ' ମାନେ ଦୀର୍ଘ ଦିନ ଧରି ଅଭିଯୋଗ କରିଥିଲେ ଯେ ମଦ ଦୋକାନରେ ନିର୍ଦ୍ଧାରିତ ମୂଲ୍ୟ ଠାରୁ ଅଧିକ ନିଆଯାଉଛି। ଏହା ମଧ୍ୟରେ ବୁଧବାର ଦିନ ସନ୍ଧ୍ୟାରେ ଦେହରାଡୁନ୍ ଡିଏମ୍ ସଭିନ ବଂଶଲ ନିଜେ ଗାଡି ଚଲାଇ ଓଲ୍ଡ ମସୁରୀ ରୋଡରେ ଥିବା ମଦ ଦୋକାନକୁ ଯାଇଥିଲେ। ଯେତେବେଳେ ସେ ଏଠାରେ ମଦ କିଣିଥିଲେ ସେତେବେଳେ ତାଙ୍କ ଠାରୁ ମଧ୍ୟ ଅଧିକ ୨୦ ଟଙ୍କା ନିଆଯାଇଥିଲା। ସେ ସଙ୍ଗେ ସଙ୍ଗେ ଏକ୍ସାଇଜ୍ ଅଫିସରଙ୍କୁ ସେଠାକୁ ଡାକିଥିଲେ। ମଦ ଦୋକାନିଙ୍କ ଉପରେ ୫୦ ହଜାର ଟଙ୍କାର ଜରିମାନା କରିଥିଲେ। ସୋସିଆଲ ମିଡିଆରେ ଡିଏମ ସାହେବଙ୍କ ଏକ ଭିଡିଓ ଭାଇରାଲ ହେଉଛି। ଲୋକମାନେ DM ର କାର୍ଯ୍ୟକୁ ପ୍ରଶଂସା କରୁଛନ୍ତି।

ଅନ୍ୟପକ୍ଷରେ ଯେତେବେଳେ ପ୍ରଶାସନିକ ଅଧିକାରୀମାନେ ସମଗ୍ର ଜିଲ୍ଲାରେ ଡିଏମଙ୍କ ନିର୍ଦ୍ଦେଶରେ ଏକ ଅଭିଯାନ କରିଥିଲେ ସେତେବେଳେ ଅଧିକ ରେଟରେ ବିକ୍ରି ହେଉଥିବା ଦେଖିବାକୁ ମିଳିଥିଲା। ଡିଏମ୍ ସଭିନ ବଂଶଲ କହିଛନ୍ତି ଯେ ଦୀର୍ଘ ଦିନ ଧରି ସେ ମଦ ନିର୍ଦ୍ଧାରିତ ମୂଲ୍ୟ ଅଧିକ ଦରରେ ବିକ୍ରି ହେଉଥିବାର ସେ ଅଭିଯୋଗ ଗ୍ରହଣ କରୁଥିଲେ। ଯେଉଁଥିପାଇଁ ସେ ପୁରୁଣା ମୁସୁରୀ ରୋଡରେ ଅବସ୍ଥିତ ମଦ ଦୋକାନରେ ପହଞ୍ଚିଥିଲେ। ଯେତେବେଳେ ସେ ଲାଇନରେ ଠିଆ ହେବା ପରେ ମଦ କିଣିଥିଲେ ସେତେବେଳେ ତାଙ୍କଠାରୁ ୬୬୦ ଟଙ୍କା ବଦଳରେ ୬୮୦ ଟଙ୍କା ମୂଲ୍ୟର ଏକ ବୋତଲ ପାଇଁ ନିଆଯାଇଥିଲା। 

କଲେକ୍ଟରଙ୍କ ମଦ କିଣିବାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଅନେକ ଉପଭୋକ୍ତା ତାଙ୍କର ଏହି କାମ  ପାଇଁ DM କୁ ପ୍ରଶଂସା କରୁଛନ୍ତି। ଅନେକ ଉପଭୋକ୍ତା ଏହା ମଧ୍ୟ କହିଛନ୍ତି ଯେ ସେମାନଙ୍କ ସହରରେ ମଧ୍ୟ କର୍ତ୍ତୃପକ୍ଷ ମଦ ଦୋକାନ ଉପରେ ଚଢ଼ାଉ କରିବା ଏବଂ ବେଆଇନ ମୂଲ୍ୟ ଆଦାୟ କରୁଥିବା ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଉଚିତ୍।