‘NCERT ବହିରୁ ଆମ ନାମ ମଧ୍ୟ ହଟାନ୍ତୁ,’, ଇକୋ ଯାଦବ ଓ ପାଲଶିକରଙ୍କ ପରେ ସାମ୍ନାକୁ ଆସିଲେ ୩୩ ଶିକ୍ଷାବିତ୍

ନୂଆଦିଲ୍ଲୀ: ୩୩ ଜଣ ଶିକ୍ଷାବିତ୍ ଦାବି କରୁଛନ୍ତି କି ଏନସିଇଆରଟି ରାଜନୈତିକ ବିଜ୍ଞାନ ପାଠ୍ୟପୁସ୍ତକରୁ ସେମାନଙ୍କ ନାମକୁ ହଟାଇ ଦିଆଯାଉ । ଏହି ଶିକ୍ଷାବିତଙ୍କ ମଧ୍ୟରେ ପୂର୍ବତନ ଜେଏନୟୁ ପ୍ରଫେସର କାନ୍ତୀ ପ୍ରସାଦ ବାଜପାଇ ସାମିଲ ଅଛନ୍ତି, ଯିଏ ବର୍ତ୍ତମାନ ନ୍ୟାସନାଲ ୟୁନିଭରସିଟି ସିଙ୍ଗାପୁର (National University of Singapore)ରେ ଉପାଧ୍ୟକ୍ଷ ଭାବରେ କାର୍ଯ୍ୟ କରୁଛନ୍ତି; ଅଶୋକ ବିଶ୍ୱବିଦ୍ୟାଳୟର ପୂର୍ବତନ କୁଳପତି ପ୍ରତାପ ଭାନୁ ମେହେଟ୍ଟା ଓ ଅନ୍ୟମାନଙ୍କ ମଧ୍ୟରେ ରାଜୀବ ଭାର୍ଗବ ଆଦି ସାମିଲ ଅଛନ୍ତି । ରାଜନୈତିକ ବୈଜ୍ଞାନିକ ଯୋଗେନ୍ଦ୍ର ଯାଦବ ଓ ସୁହାସ ପାଲଶିକର ନ୍ୟାସନାଲ କାଉନସିଲ୍ ଫର ଏଜୁକେସନାଲ୍ ରିସର୍ଚ୍ଚ ଆଣ୍ଡ ଟ୍ରେନିଂ (National Council for Educational Research and Training) (ଏନସିଆରଟି) ର ଯୁକ୍ତିସଙ୍ଗତ ରାଜନୈତିକ ବିଜ୍ଞାନ ପୁସ୍ତକରୁ ନିଜକୁ ଅଲଗା କରିବାର ଏକ ସପ୍ତାହ ମଧ୍ୟରେ ପାଠ୍ୟପୁସ୍ତକ ବିକାଶ କମିଟି (ଟିଡିସି) ର ୩୩ ଜଣ ଶିକ୍ଷାବିତ୍ ସେମାନଙ୍କ ନାମ ବହିରୁ ହଟାଇବାକୁ ପରିଷଦକୁ ଅନୁରୋଧ କରିଛନ୍ତି ।

NCERT ନିର୍ଦ୍ଦେଶକ (Director) ଦୀନେଶ ପ୍ରସାଦ ସାକଲାନିଙ୍କୁ ସମ୍ବୋଧିତ କରି ଏକ ଚିଠିରେ, ୨୦୦୬-୨୦୦୭ ମସିହାରେ ଯେତେବେଳେ ୩୩ ଶିକ୍ଷାବିତ୍ ପାଠ୍ୟପୁସ୍ତକ ବିକାଶ କମିଟିର ସଦସ୍ୟ ଥିଲେ, ସେତେବେଳେ ରାଜନୈତିକ ବିଜ୍ଞାନ ପାଠ୍ୟପୁସ୍ତକ (ବର୍ତ୍ତମାନ ବିଦ୍ୟାଳୟରେ ବ୍ୟବହୃତ ହେଉଛି) କୁ ପ୍ରସ୍ତୁତ କରାଯାଇଥିଲା, ସେମାନେ ପ୍ରକାଶ କରିଛନ୍ତି ଯେ,  ସମ୍ପ୍ରତି ଯୁକ୍ତିକରଣ ଅଭ୍ୟାସ ସେମାନଙ୍କର “ରଚନାତ୍ମକ ସାମୂହିକ ପ୍ରୟାସ” କୁ ବିପଦରେ ପକାଇଛି । ବୁଧବାର ଦିଆଯାଇଥିବା ଚିଠିରେ ଉଲ୍ଲେଖ ରହିଛି କି , "ଯେହେତୁ ମୂଳ ଗ୍ରନ୍ଥଗୁଡ଼ିକରେ ଅନେକ ସଂଶୋଧନ କରାଯାଇଛି, ଯାହା ଦ୍ବାରା ସେଗୁଡିକ ବିବିଭିନ୍ନ ପୁସ୍ତକରେ ପରିଣତ ହୋଇଛି , ତେଣୁ ଆମେ ଏହି ପୁସ୍ତକକୁ ରଚନା କରିଛୁ, ତାହା ଦାବି କରିବା ଆମ ପାଇଁ ସହଜ ନୁହେଁ। ଯାଦବ ଓ ପାଲଶିକର NCERT କୁ ଦେଇଥିବା ପ୍ରଥମ ପତ୍ରର ଏକ ସପ୍ତାହ ମଧ୍ୟରେ ସେମାନଙ୍କ ଚିଠି ଆସିଛି, ଯେଉଁଥିରେ ସେମାନେ ପାଠ୍ୟପୁସ୍ତକର ଯୁକ୍ତିକରଣ ପ୍ରକ୍ରିୟା ପାଇଁ କୌଣସି ଶୈଖିକ ତର୍କ ଚିହ୍ନଟ କରିବାରେ ସେମାନଙ୍କର ଅସମର୍ଥନତା ପ୍ରକାଶ କରିଥିଲେ “ ପୁସ୍ତକରୁ ପାଠ କରାଯିବା ପରେ ପୁସ୍ତକ ସହିତ ଜଡିତ ଥିବାରୁ ଲଜ୍ଜା ପ୍ରକାଶ କରିଥିଲେ । 

ଏହାର ପ୍ରତିକ୍ରିୟାରେ, NCERT ଜୁନ୍ ୯ ରେ ଏକ ସାର୍ବଜନୀନ ବିବୃତ୍ତି ଜାରି କରି ଦର୍ଶାଇଥିଲା ଯେ, ପାଠ୍ୟ ପୁସ୍ତକ ବିକାଶ କମିଟିରେ  ଯାଦବ ଏବଂ ପାଲଶିକର ସଦସ୍ୟ ଥିଲେ - ପୁସ୍ତକ ପ୍ରକାଶ ପାଇବା ପରେ ସେମାନ ଏଥିରେ ଆଉ ସଦସ୍ୟ ରହୁନାହାଁନ୍ତି । ଏହା ମଧ୍ୟ କହିଛନ୍ତି କି ସେବେଠାରୁ ଶିକ୍ଷାଗତ ସାମଗ୍ରୀର କପିରାଇଟ୍ NCERT ପାଖରେ ଅଛି, ଯାହା କମିଟିଠାରୁ ସ୍ୱତନ୍ତ୍ର ଅଟେ । ବିଚାରାଧୀନ ଯୁକ୍ତିକରଣ ଅଭ୍ୟାସ ଗତ ବର୍ଷ ପରିଷଦ ଦ୍ୱାରା କରାଯାଇଥିଲା, ଯାହା ପରବର୍ତ୍ତୀ ସମୟରେ ଚଳିତ ବର୍ଷ ପୁନଃ ମୁଦ୍ରିତ ପାଠ୍ୟପୁସ୍ତକରେ ପ୍ରତିଫଳିତ ହୋଇଥିଲା । ଏହି ଅଭ୍ୟାସ କୋଭିଡ -୧୯ ମହାମାରୀ (covid 19 pandamic) ଦ୍ବାରା ସୃଷ୍ଟି ହୋଇଥିବା ଶିକ୍ଷଣ ବ୍ୟାଘାତରୁ ମୁକ୍ତି ପାଇବାରେ ଛାତ୍ର (student)ମାନଙ୍କୁ ସାହାଯ୍ୟ କରିବା ପାଇଁ ପାଠ୍ୟକ୍ରମ ହ୍ରାସ କରିବାର ବାହାନାରେ ବିଭିନ୍ନ ଅଧ୍ୟାୟ, ପାରାଗ୍ରାଫ, ଏବଂ ଏପରିକି ସବୁ ବିଷୟର ପାଠ୍ୟ ପୁସ୍ତକରୁ ବାକ୍ୟ ହଟା ଯାଇଥିଲା।