Viral News: ଚକ୍ଷୁ ଅପରେସନ୍ ସମୟରେ ରୋଗୀକୁ ଏକ ମୁଥ ମାରିଲେ ଡାକ୍ତର, ଚାଲିଗଲା ଦୃଷ୍ଟି ଶକ୍ତି
ଅସ୍ତ୍ରୋପଚାର ସମୟରେ ରୋଗୀ ଆନାସ୍ଥେସିଆ କାରଣରୁ ଅନେକ ଥର ମୁଣ୍ଡ ଓ ଆଖିକୁ ଏପଟ ସେପଟ କରୁଥିଲେ । ଅଧିକାରୀ କହିଛନ୍ତି ଯେ ରୋଗୀର କପାଳରେ ଆଘାତର ଚିହ୍ନ ରହିଛି ।
China News: ଇଶ୍ବରଙ୍କ ପ୍ରତୀକ ଭାବରେ ବିବେଚନା କରାଯାଉଥିବା ଡାକ୍ତରମାନେ ବେଳେବେଳେ ଏପରି କାର୍ଯ୍ୟ କରନ୍ତି ଯେ ଏହାଫଳରେ ସେହି ବୃତ୍ତିରେ ଲୋକଙ୍କୁ ଲଜ୍ଜା ଦେଇଥାଏ । ଏପରି ଏକ ମାମଲା ହେଉଛି ଚାଇନାରୁ ଆସିଛି, ଯେଉଁଠାରେ ଜଣେ ଡାକ୍ତର ଜଣେ ରୋଗୀଙ୍କୁ ମୁଥ ମାରିଥିଲେ। ଏହାକୁ ନେଇ ଲୋକଙ୍କ ମଧ୍ୟରେ ବହୁତ ଅସନ୍ତୋଷ ରହିଛି । ଯେତେବେଳେ ସର୍ଜନ ରୋଗୀଙ୍କର ଅପରେସନ୍ କରୁଥିଲେ, ସେତେବେଳେ ଏହି ଘଟଣା ଘଟିଥିଲା । ଏହି ଘଟଣା କ୍ୟାମେରାରେ କଏଦ ହୋଇଥିଲା ଓ ପରେ ସୋସିଆଲ ମିଡିଆରେ ଭାଇରାଲ ହୋଇଥିଲା । ଡିସେମ୍ବର ୨୦୧୯ ରେ ଏହି ଘଟଣାଟି ଘଟିଥିଲା । ବର୍ତ୍ତମାନ ଯେତେବେଳେ ଜଣେ ବିଶିଷ୍ଟ ଡାକ୍ତର ଏହାର ସିସିଟିଭି ଫୁଟେଜ୍ ସେୟାର କରିଥିଲେ, ସେତେବେଳେ ଏହା ସର୍ବସାଧାରଣଙ୍କ ଦୃଷ୍ଟି ଆକର୍ଷଣ କରିଥିଲା ।
ବିବିସି ରିପୋର୍ଟ ଅନୁଯାୟୀ, ଏହି ଘଟଣା ପରେ ଜନସାଧାରଣଙ୍କ ବିରୋଧକୁ ଦୃଷ୍ଟିରେ ରଖି ହସ୍ପିଟାଲ ଗ୍ରୁପ୍ ଏୟାର ଚାଇନା ସର୍ଜନଙ୍କୁ ନିଲମ୍ବିତ କରିଛି । ହସ୍ପିଟାଲର ସିଇଓଙ୍କୁ ମଧ୍ୟ ବରଖାସ୍ତ କରାଯାଇଛି । ରିପୋର୍ଟରେ କୁହାଯାଇଛି ଯେ ଭାଇରାଲ ଭିଡିଓରେ ସର୍ଜନ ରୋଗୀଙ୍କୁ ତାଙ୍କ ଆଖିରେ ଅପରେସନ କରୁଥିବା ସମୟରେ ମୁଣ୍ଡରେ ତିନି ଥର ମୁଥ ମାରୁଥିବାର ନଜର ଆସିଛନ୍ତି ।
ଚକ୍ଷୁ ହସ୍ପିଟାଲର ଅପରେଟିଂ କମ୍ପାନୀ ଏୟାର ଚାଇନା କହିଛି ଯେ ଏହା ଚୀନର ଦକ୍ଷିଣ-ପଶ୍ଚିମ ସହର ଗୁଇଗଙ୍ଗରେ ଘଟିଛି । ଏହି ରୋଗୀ ୮୨ ବର୍ଷୀୟା ମହିଳା ଥିଲେ । ଅସ୍ତ୍ରୋପଚାର ସମୟରେ ରୋଗୀ ଆନାସ୍ଥେସିଆ କାରଣରୁ ଅନେକ ଥର ମୁଣ୍ଡ ଓ ଆଖିକୁ ହଲାଇଥିଲେ । ରୋଗୀର ବୟାନ ଉପରେ ଡାକ୍ତର କୌଣସି ପ୍ରତିକ୍ରିୟା ଆସିନାହିଁ । ସେ କେବଳ ସ୍ଥାନୀୟ ଉପଭାଷା କହିପାରନ୍ତି । ସ୍ଥାନୀୟ ଅଧିକାରୀ କହିଛନ୍ତି ଯେ ରୋଗୀର କପାଳରେ ଆଘାତର ଚିହ୍ନ ରହିଛି ।
ଚାଲିଯାଇଛି ଗୋଟିଏ ଆଖିର ଦୃଷ୍ଟି ଶକ୍ତି
ଚୀନ୍ର ସ୍ଥାନୀୟ ଗଣମାଧ୍ୟମ ଅନୁଯାୟୀ ରୋଗୀର ପୁଅ କହିଛନ୍ତି ଯେ ଡାକ୍ତରଖାନା ପରିଚାଳନା ଏଥିପାଇଁ କ୍ଷମା ମାଗିଛନ୍ତି ଓ ତାଙ୍କୁ କ୍ଷତିପୂରଣ ମଧ୍ୟ ଦିଆଯାଇଛି । ସେ ଏହା ମଧ୍ୟ ପ୍ରକାଶ କରିଛନ୍ତି ଯେ ତାଙ୍କ ମା’ଙ୍କ ବାମ ଆଖି ବର୍ତ୍ତମାନ ଅନ୍ଧ, ଯଦିଓ ଡାକ୍ତର ତାଙ୍କୁ ପିଟିବା କାରଣରୁ ଏହା ହୋଇଛି ବୋଲି ସ୍ପଷ୍ଟ ହୋଇନାହିଁ । ନିୟମକୁ ଗୁରୁତର ଉଲ୍ଲଂଘନ କରିଥିବାରୁ ଏୟାର ଚାଇନା ଗ୍ରୁପ୍ ଡାକ୍ତରଙ୍କୁ ନିଲମ୍ବନ କରିବାକୁ ଘୋଷଣା କରିଛି ।