Mobile Blast: ମୋବାଇଲ ଫାଟି ମହିଳା ମୃତ, ଆପଣ ବି କରୁନାହାନ୍ତି ତ ଏମିତି କାମ

Mobile Blast: ଜଣେ ଟେକ୍ ୟୁଟ୍ୟୁବରଙ୍କ ଏକ ଟୁଇଟ୍ ଅନୁଯାୟୀ ଜଣେ ବ୍ୟକ୍ତିଙ୍କ ଏମଆଇ ସ୍ମାର୍ଟଫୋନ୍ ବ୍ୟବହାର କରି ଶୋଇବା ସମୟରେ ଏହାକୁ ମୁହଁ ନିକଟରେ ତକିଆରେ ରଖିଥିଲେ ଏବଂ ସ୍ମାର୍ଟଫୋନ୍ ବିସ୍ଫୋରଣ ହୋଇ ତାଙ୍କ ଜୀବନ ଚାଲିଗଲା। ସାଓମି ଏହି ଟୁଇଟକୁ ଜବାବ ଦେଇ ଘଟଣାର ତଦନ୍ତ କରାଯାଉଥିବା କହିଛି।

Mobile Blast, ନୂଆଦିଲ୍ଲୀ: ସ୍ମାର୍ଟଫୋନ ବ୍ୟବହାରକରୀଙ୍କ ପାଇଁ ଏକ ସତର୍କ ଘଣ୍ଟି ବାଜିଛି। ଗୁରୁବାର ରାତିରେ ମୋବାଇଲ ଫାଟି ଜଣେ ମହିଳାଙ୍କ ମୃତ୍ୟୁ ହୋଇଛି। ଦିଲ୍ଲୀ-ଏନସିଆର ଅଞ୍ଚଳରେ ଏହି ଦୁର୍ଘଟଣା ଘଟିଥିବା ସୂଚନା ମିଳିଛି। ଜଣେ ଟେକ୍ ୟୁଟ୍ୟୁବରଙ୍କ ଏକ ଟୁଇଟ୍ ଅନୁଯାୟୀ ଜଣେ ବ୍ୟକ୍ତିଙ୍କ ଏମଆଇ ସ୍ମାର୍ଟଫୋନ୍ ବ୍ୟବହାର କରି ଶୋଇବା ସମୟରେ ଏହାକୁ ମୁହଁ ନିକଟରେ ତକିଆରେ ରଖିଥିଲେ ଏବଂ ସ୍ମାର୍ଟଫୋନ୍ ବିସ୍ଫୋରଣ ହୋଇ ତାଙ୍କ ଜୀବନ ଚାଲିଗଲା। ସାଓମି ଏହି ଟୁଇଟକୁ ଜବାବ ଦେଇ ଘଟଣାର ତଦନ୍ତ କରାଯାଉଥିବା କହିଛି।

ୟୁଟ୍ୟୁବର୍ ଦାବି କରିଛନ୍ତି ଯେ, ବ୍ୟାଟେରୀ ବିସ୍ଫୋରଣ ଯୋଗୁଁ ମହିଳାଙ୍କର ମୃତ୍ୟୁ ହୋଇଛି। ସେ ଟ୍ୱିଟରରେ ବିସ୍ଫୋରଣ ଘଟିଥିବା ମୋବାଇଲର  ଫଟୋ ମଧ୍ୟ ସେୟାର କରିଛନ୍ତି। ମୋବାଇଲର ସାମ୍ନା ପ୍ୟାନେଲ୍ ସଂପୂର୍ଣ୍ଣ ନଷ୍ଟ ହୋଇଯାଇଥିବା ବେଳେ ପଛ ପ୍ୟାନେଲ୍ ଦର୍ଶାଉଛି ଯେ, ସ୍ମାର୍ଟଫୋନର ବ୍ୟାଟେରୀ ବିସ୍ଫୋରଣ ହୋଇଛି। ଏହି ଟ୍ୱିଟରେ ୟୁଟ୍ୟୁବର ମହିଳାଙ୍କ ରକ୍ତ ଜୁ଼ଡୁବୁଡୁ ମୃତଦେହର ଫଟୋ ମଧ୍ୟ ସେୟାର କରିଛନ୍ତି।

ସେ ଲେଖିଛନ୍ତି, "ହାଏ, ରେଡମି ଇଣ୍ଡିଆ ଓ ମାନୁ କୁମାର ଜୈନ, ଗତକାଲି ରାତିରେ ମୋର ମାଉସିଙ୍କ ଦେହାନ୍ତ ହୋଇଛି। ସେ ରେଡମି 6A ବ୍ୟବହାର କରୁଥିଲେ। ସେ ଶୋଇଥିଲେ ଏବଂ ଫୋନକୁ ତକିଆ ପାଖରେ ରଖିଥିଲେ। କିଛି ସମୟ ପରେ ତାଙ୍କ ଫୋନ୍ ବିସ୍ଫୋରଣ ଘଟିଥିଲା। ଏହା ଆମ ପାଇଁ ଏକ ଖରାପ ସମୟ। ଏଥିପାଇଁ କମ୍ପାନୀ ଦାୟୀ।"

ଟ୍ୱିଟରରେ ଜବାବ ଦେଇ ସାଓମି କହିଛି ଯେ, କମ୍ପାନୀର ଏକ ଟିମ୍ ପିଡୀତ ପରିବାର ସହ ଯୋଗାଯୋଗ କରିବାକୁ ଏବଂ ଘଟଣାର କାରଣ ଜାଣିବାକୁ ଚେଷ୍ଟା କରୁଛି। ଅନ୍ୟ ଏକ ଟ୍ୱିଟରେ ୟୁଟ୍ୟୁବର୍ କହିଛି ଯେ ପୀଡିତାଙ୍କ ପରିବାର ଏକ ନୀରିହ ପରିବାର ଏବଂ ପୀଡିତାଙ୍କ ପୁଅ ସେନାରେ ଅଛନ୍ତି। ତାଙ୍କ ପରିବାର ବହୁତ ସରଳ, ପୁଅ ଭାରତୀୟ ସେନାରେ ଅଛନ୍ତି। ମହିଳଆ  ମୋବାଇଲ ବିଷୟରେ ଅଧିକ ଜାଣନ୍ତି ନାହିଁ।  ସେ କେବଳ ଫୋନ୍ କରିବା ଏବଂ ୟୁଟ୍ୟୁବ୍ ଦେଖିବା ପାଇଁ ମୋବାଇଲ ବ୍ୟବହାର କରୁଥିଲେ। ବର୍ତ୍ତମାନ ଯଦି ବ୍ରାଣ୍ଡ ନିଜର ଭୁଲ୍ ଗ୍ରହଣ ନକରେ କିମ୍ବା ସିଧାସଳଖ ଦାୟିତ୍ୱ ଗ୍ରହଣ ନକରେ। ଆଉ ପୀଡିତ ପରିବାରକୁ ନ୍ୟାୟ ପାଇଁ ଲଢିବାକୁ ପଡିବ ତେବେ ଏହାର ବ୍ୟବହାର କ’ଣ ପାଇଁ କରାଯିବ?

ସ୍ମାର୍ଟଫୋନ୍ ବିସ୍ଫୋରଣର ଏହା ପ୍ରଥମ ଘଟଣା ନୁହେଁ। ଏହାପୂର୍ବରୁ, ୱାନପ୍ଲସ୍ ନର୍ଡ ୨ ବିସ୍ଫୋରଣ ହୋଇଥିଲା। ଜଣେ ଉପଭୋକ୍ତା କଲ୍ କରୁଥିବା ସମୟରେ ମୋବାଇଲ ଫାଟି ତାଙ୍କ ମୁହଁ ଏବଂ ହାତରେ ଆଘାତ ଲାଗିଥିଲା। ଏହାପୂର୍ବରୁ, ଅନ୍ୟ ଏକ ୱାନ ପ୍ଲସ ମୋବାଇଲ ଫାଟିବାର ଖବର ଆସିଥିଲା। ଆଉ ବ୍ୟବହାରକାରୀ ଜଣେ ଓକିଲ ଥିଲେ ଆଉ ସେ ଆଇନଗତ ଯୁଦ୍ଧ ଲଢିବାକୁ କମ୍ପାନୀକୁ ଆମନ୍ତ୍ରଣ କରିଥିଲା। ସ୍ମାର୍ଟଫୋନ୍ ତାଙ୍କ ଜ୍ୟାକେଟ୍ ପକେଟରେ ବିସ୍ଫୋରଣ ହେବା ପରେ ସେ ଆହତ ହୋଇଥିଲେ। ୨୦୧୯ ମସିହାରେ ଆନ୍ଧ୍ରପ୍ରଦେଶର ଏକ ବ୍ୟବହାରକାରୀଙ୍କ ପକେଟରେ ଏକ ରେଡମି ୯ଏ ବିସ୍ଫୋରଣ ହୋଇଥିଲା, ଯାହାଦ୍ୱାରା ସେ ସାମାନ୍ୟ ଆଘାତ ଲାଗିଥିଲା।

ଲଗାତର ମୋବାଇଲ ଜନିତ ଦୁର୍ଘଟଣା ସଂଖ୍ୟ ବୃଦ୍ଧି ପାଇବାରେ ଲାଗିଛି। ମୋବାଇଲ ଫାଟିବା ବା ନିଆଁ ଲାଗିବାର ଅନେକ ଗୁଡାଏ କାରଣ ରହିଛି। ତେଣୁ ମୋବାଇଲକୁ ସତର୍କତା ସହ ବ୍ୟବହାର କରନ୍ତୁ। ଶୋଇବା ସମୟରେ ମୁଣ୍ଡ ଉପରେ ମୋବାଇଲ ଧରି ଶୁଅନ୍ତୁ ନାହିଁ। ଛୋଟ ପିଲାଙ୍କୁ ମୋବାଇଲ ଦିଅନ୍ତୁ ନାହିଁ। କିମ୍ବା ମୋବାଇଲକୁ ନିଆଁ ପାଖରେ ରଖନ୍ତୁ ନାହିଁ। ଏପରି କରିବା ଜୀବନ ପ୍ରତି ବିପଦ ହୋଇପାରେ।