Maharastra Boat Tragedy Updates: ୪ ନୌସେନା ଅଧିକାରୀଙ୍କ ସହିତ ୧୩ ମୃତ, ୫ ଲକ୍ଷ ଟଙ୍କା କ୍ଷତିପୂରଣ ଘୋଷଣା

Maharastra Boat Tragedy ମୁମ୍ବାଇ: ମୁମ୍ବାଇ ସ୍ଥିତ ଗେଟୱେ ଅଫ ଇଣ୍ଡିଆ ନିକଟରେ ଆରବ ସାଗରରେ ଏକ ଭୟଙ୍କର ନୌକା ଦୁର୍ଘଟଣା ୧୩ ଜଣଙ୍କର ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ୪ ଝଣ ନୌସେନା ଅଧିକାରୀ ରହିଥିବା ସୂଚନା ରହିଛି। ଗେଟ ୱେ ଅଫ ଇଣ୍ଡିଆରୁ ଏଲିଫାଣ୍ଟା ଗୁମ୍ଫାକୁ ଯାଉଥିବା ନୀଲକମାଲ ନାମକ ଏକ ଡଙ୍ଗା ଦୁର୍ଘଟଣାର ସମ୍ମୁଖିନ ହୋଇ ଆରବ ସାଗରରେ ବୁଡି ଯାଇଥିଲା। ଭାରତୀୟ ନୌସେନା ଡଙ୍ଗା ସହିତ ଧକ୍କା ହେବାରୁ ଏହି ମର୍ମନ୍ତୁଦ ଦୁର୍ଘଟଣା ଘଟିଥିଲା।  ନୀଲକମଲ ଡଙ୍ଗାରେ ୧୦୦ ଅଧିକ ପର୍ଯ୍ୟଟକ ରହିଥିଲେ। ଦୁର୍ଘଟଣା ପରେ ୨୦ଜଣ ଶିଶୁଙ୍କ ସମେତ ୧୦୦ରୁ ଅଧିକ ଲୋକଙ୍କୁ ଉଧାର କରାଯାଇଛି। 

ସୂଚନାନୁସାରେ, ନୌସେନା ଡଙ୍ଗା ସହିତ ଧକ୍କା ହେତୁ ନୀଲକମଲ ଡଙ୍ଗା ବୁଡି ଯାଇଥିଲା। ଏହା ପାଣିରେ ଭରିବା ଆରମ୍ଭ କଲା। ଏହା ଦେଖି ଲୋକଙ୍କ ମଧ୍ୟରେ ପାଟିତୁଣ୍ଡ ହେଲା ଏବଂ ପରେ ଡଙ୍ଗାଟି ଓଲଟି ପଡିଲା। ସମସ୍ତେ ପାଣିରେ ପଡ଼ି ନିଜ ଜୀବନ ରକ୍ଷା କରିବାକୁ ଚିତ୍କାର କରିବାକୁ ଲାଗିଲେ। ଦୁର୍ଘଟଣା ଚିହ୍ନଟ ହେବା ମାତ୍ରେ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଥିଲେ। ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ମୃତକଙ୍କ ପରିବାରକୁ ୫ ଲକ୍ଷ ଟଙ୍କା କ୍ଷତିପୂରଣ ଘୋଷଣା କରିଛନ୍ତି। ମୁମ୍ବାଇ ପୋଲିସ ଏବଂ ଭାରତୀୟ ନୌସେନା ମିଳିତ ଭାବେ ଏହି ଦୁର୍ଘଟଣାର ତଦନ୍ତ କରିବେ। ଅପରାଧୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ ରହିଛି।

TRAGIC #Mumbai : 13 including 3 Navy officials lost their life when a ferry boat carrying more than 100 passengers to Elephanta Caves capsizes in the water after it was hit by a Indian Navy speed boat near Gateway of India.

Maharashtra CM has announced an ex-gratia of ₹5… pic.twitter.com/WOONv47DhZ

— Amitabh Chaudhary (@MithilaWaala) December 18, 2024

ଗଣମାଧ୍ୟମ ରିପୋର୍ଟ ଅନୁଯାୟୀ, ମୁମ୍ବାଇ ପୋର୍ଟ ଟ୍ରଷ୍ଟର ପାଇଲଟ ଡଙ୍ଗା ଚାଳକ ଆରିଫ ବାମନେ ଏହି ଘଟଣାକୁ ଅତ୍ୟନ୍ତ ଛାତିଥରା ବୋଲି କହିଛନ୍ତି। ସେ କହିଛନ୍ତି ଯେ ଉଦ୍ଧାରକାରୀ ଦଳ ସହ ଘଟଣାସ୍ଥଳରେ ପହଞ୍ଚିବା ପରେ ଅତ୍ୟନ୍ତ ହୃଦୟ ବିଦାରକ ରହିଥିଲା ବୋଲି କହିଛନ୍ତି। ମହିଳା ଏବଂ ଶିଶୁ ସେମାନଙ୍କ ଜୀବନ ବଞ୍ଚାଇବାକୁ ସଂଘର୍ଷ କରୁଥିଲେ। ସେମାନେ ଚିତ୍କାର କରି ହାତ ଓ ଗୋଡ଼କୁ ପିଟୁଥିଲେ। କିଛି ଲୋକ କାନ୍ଦୁଥିଲେ। ମହିଳା ଏବଂ ଶିଶୁମାନଙ୍କୁ ବଞ୍ଚାଇବା ଆମର ପ୍ରଥମ ଲକ୍ଷ୍ୟ ରହିଥିଲା। ମତ୍ସ୍ୟଜୀବୀ ଡଙ୍ଗା ଏବଂ ପର୍ଯ୍ୟଟନ ଡଙ୍ଗା ସେମାନଙ୍କ ନିକଟରେ ପହଞ୍ଚି ଥିଲା। ସର୍ବପ୍ରଥମେ ପୀଡିତମାନଙ୍କୁ ଶାନ୍ତ କରାଯାଇଥିଲା। ତାଙ୍କ ଟିମ୍ ଜବାହର ଦୀପରୁ ମୁମ୍ବାଇ ଯାଉଥିବାବେଳେ କଣ୍ଟ୍ରୋଲ ରୁମରୁ ଦୁର୍ଘଟଣା ସମ୍ପର୍କରେ ସୂଚନା ମିଳିଥିଲା। ବାମନେ କହିଛନ୍ତି ଯେ ତାଙ୍କ ସହିତ କେବଳ ଚାରି ଜଣ ଲୋକ ଥିଲେ, କିନ୍ତୁ ଅନ୍ୟ ଉଦ୍ଧାରକାରୀ ଦଳ ଆସିବା ପୂର୍ବରୁ ସେମାନେ ବଞ୍ଚିଯାଇଥିବା ଲୋକଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ।

ଯେଉଁମାନେ ସାହାଯ୍ୟ ପାଇଁ ପାଟି କରିଥିଲେ ସେମାନଙ୍କ ମଧ୍ୟରେ ୩ ରୁ ୪ ଜଣ ବିଦେଶୀ ନାଗରିକ ମଧ୍ୟ ରହିଥିଲେ। ପ୍ରାୟ ୨୦ ରୁ ୨୫ ଲୋକଙ୍କୁ ଉଦ୍ଧାର କରାଯାଇଥିଲା, ପରେ ସେମାନଙ୍କୁ ନୌସେନାର ଡଙ୍ଗାକୁ ସ୍ଥାନାନ୍ତର କରାଯାଇଥିଲା। ମୋର ୧୮ ବର୍ଷର କ୍ୟାରିଅରରେ ଛୋଟ ଉଦ୍ଧାର କାର୍ଯ୍ୟ ଦେଖିବାକୁ ମିଳିଛି। କିନ୍ତୁ ବୁଧବାର ଦୁର୍ଘଟଣା ସବୁଠାରୁ ଭୟଙ୍କର ଏବଂ ଦୁଃଖ ଦାୟକ ରହିଥିଲା। ଏହା ସବୁଠୁ ବଡ ଉଦ୍ଧାର କାର୍ଯ୍ୟ ଥିଲା | ଫୁସଫୁସରେ ପାଣି ପ୍ରବେଶ କରିଥିବାରୁ ଏକ ଛୋଟ ଝିଅ ଅଚେତ ହୋଇପଡିଥିଲା। ଛାତିରେ ଚାପ ପ୍ରୟୋଗ କରି ତାଙ୍କୁ ନିଶ୍ୱାସ ନେବାରେ ସାହାଯ୍ୟ କଲା। ଧୀରେ ଧୀରେ ତାଙ୍କର ନିଶ୍ୱାସ ସ୍ୱାଭାବିକ ହେଲା ଏବଂ ସେ ନିଜ ଜୀବନ ରକ୍ଷା କରିବାରେ ଆରାମ ପାଇଲେ। ପର୍ଯ୍ୟଟକ ଡଙ୍ଗା ଡ୍ରାଇଭର ଇକବାଲ ଗୋଥେକର କହିଛନ୍ତି ଯେ ତାଙ୍କ ଡଙ୍ଗା ହାତୀ ଦ୍ୱୀପରୁ ଆସୁଥିଲା ଯେତେବେଳେ ସେ ଦୁର୍ଘଟଣା ବିଷୟରେ ଜାଣିଥିଲେ ଏବଂ ସେ ସଙ୍ଗେ ସଙ୍ଗେ ଘଟଣାସ୍ଥଳରେ ପହଞ୍ଚିଥିଲେ। ୨୦୦୪ରୁ ମୁଁ ଜଣେ ନାବିକ, ତେଣୁ ଉଦ୍ଧାର କୌଶଳ ବିଷୟରେ ମୁଁ ଜାଣେ। ପର୍ଯ୍ୟଟକଙ୍କ ସହ ସେ ପ୍ରାୟ ୧୬ ଜଣଙ୍କ ଜୀବନ ରକ୍ଷା କରି ସେମାନଙ୍କୁ ଭାରତର ଗେଟୱେକୁ ନେଇଯାଇଥିଲେ। 

TRAGEDY STRIKES | Heartbreaking visuals have emerged of a devastating #boat accident near Mumbai, India  (December 18, 2024)

A devastating #boataccident occurred near Mumbai's Butcher Island,

1. Death Toll:n13 lives lost, including 10 civilians and 3 Navy personnel.
2.… https://t.co/XzZ2664mq4 pic.twitter.com/VjxXjSsVeB

— Weather monitor (@Weathermonitors) December 18, 2024

ସୂଚନାଯୋଗ୍ୟ ଭାରତୀୟ ନୌସେନା, ଜବାହରଲାଲ ନେହରୁ ପୋର୍ଟ ଟ୍ରଷ୍ଟ (ଜେଏନପିଟି), କୋଷ୍ଟଗାର୍ଡ, ୟେଲୋଗେଟ ପୋଲିସ ଷ୍ଟେସନ ଏବଂ ମତ୍ସ୍ୟଜୀବୀମାନେ ମିଳିତ ଭାବେ ଉଦ୍ଧାର କାର୍ଯ୍ୟ କରିଥିଲେ। ଉଦ୍ଧାର କାର୍ଯ୍ୟରେ ନୌସେନାର ୧୧ଟି ଡଙ୍ଗା, ସାମୁଦ୍ରିକ ପୋଲିସର ୩ଟି ଡଙ୍ଗା ଏବଂ କୋଷ୍ଟଗାର୍ଡର ଗୋଟିଏ ଡଙ୍ଗା ଏବଂ ୪ଟି ହେଲିକପ୍ଟର ଯୋଗ ଦେଇଥିଲେ। ନୌସେନା ଏକ ପୋଷ୍ଟ ଲେଖିଛି ସ୍ପିଡ୍ ଡଙ୍ଗାରେ 6 ଜଣ ନୌସେନା କର୍ମଚାରୀ ଥିଲେ, ସେମାନଙ୍କ ମଧ୍ୟରୁ ୪ ଜଣଙ୍କର ମୃତ୍ୟୁ ହୋଇଥିଲା। ମୃତକଙ୍କ ମଧ୍ୟରେ ଜଣେ ନୌସେନା କର୍ମଚାରୀ ଏବଂ ୨ଟି OEM (ମୂଳ ଯନ୍ତ୍ରପାତି ଉତ୍ପାଦକ) ର କର୍ମଚାରୀ ଅଛନ୍ତି। ଜଣେ କର୍ମଚାରୀ ଗୁରୁତର ଆହତ ହୋଇଛନ୍ତି।