ବଜେଟ୍ 2024: ଟିକସ ବ୍ୟବସ୍ଥା ଅପରିବର୍ତ୍ତିତ, ଗତଥରର ଆୟକର ସ୍ଲାବ ଏଥର ଲାଗୁ

Budget 2024: ଅର୍ଥମନ୍ତ୍ରୀ କହିଛନ୍ତି ଯେ ସରକାର ଶୀଘ୍ର ଗୃହ ଯୋଜନା ଆଣିବାକୁ ପ୍ରସ୍ତୁତ ହେଉଛନ୍ତି, ଯାହା ମାଧ୍ୟମରେ ସମସ୍ତେ ସୁଲଭ ମୂଲ୍ୟରେ ଘର ପାଇବେ। ଅର୍ଥମନ୍ତ୍ରୀ କହିଛନ୍ତି ଯେ ଲୋକଙ୍କୁ ଉତ୍ତମ ରେଳ ସୁବିଧା ଯୋଗାଇବା ସରକାରଙ୍କ ଧ୍ୟାନ। ଏହି କାରଣରୁ ସରକାର ବନ୍ଦେ ଭାରତ ପ୍ରତି ବିଶେଷ ଧ୍ୟାନ ଦେଉଛନ୍ତି ଏବଂ ଏହି ଅନୁଯାୟୀ ୪୦ଟି ଟ୍ରେନର ବଗି ନବୀକରଣ କରାଯିବ।

Budget 2024: ସଂସଦରେ ଅନ୍ତରୀଣ ବଜେଟ ଉପସ୍ଥାପନ କରିଛନ୍ତି ଅର୍ଥମନ୍ତ୍ରୀ ନର୍ମଳା ସୀତାରମଣ । ୨୦୨୪-୨୫ ଆର୍ଥିକ ବର୍ଷର ବଜେଟ ଉପସ୍ଥାପିତ ହୋଇଛି । ଏହି ସମୟରେ ଅର୍ଥମନ୍ତ୍ରୀ ବଜେଟର ଲକ୍ଷ୍ୟ କଣ କହିଛନ୍ତି । ସେ କହିଛନ୍ତି ଯେ, ସରକାରଙ୍କ ଲକ୍ଷ୍ୟ ରହିଛି ୫ ବର୍ଷରେ ଆଉ ୨ କୋଟି ଘର ନିର୍ମାଣ ହେବ । ମାସକୁ ୩ଶହ ୟୁନିଟ ବିଜୁଳି ମାଗଣା ଯୋଗାଯିବ । ୧ କୋଟି ଘରର ଛାତ ଉପରେ ଲାଗିବ ସୋଲାର ପ୍ୟାନେଲ । ମିଶନ ଇନ୍ଦ୍ରଧନୁଷରେ ଟିକାକରଣ ଜୋରଦାର ହେବ । ସମସ୍ତଙ୍କୁ ପକ୍କା ଘର ଯୋଗାଇବା ଲକ୍ଷ୍ୟ ବି ରହିଛି । ଅନ୍ୟପଟେ ସବୁ ବର୍ଗଙ୍କ ପାଇଁ ସୁବିଧା କରାଯାଇଥିବା କଥା କହିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । 

ଅର୍ଥମନ୍ତ୍ରୀ କହିଛନ୍ତି ମୋଦି ସରକାରଙ୍କ(Modi Government) ଅଧୀନରେ ଶିଳ୍ପରେ ମହିଳାଙ୍କ ଅଂଶଗ୍ରହଣ ବୃଦ୍ଧି ପାଇଛି। ମହିଳା ଉଦ୍ୟୋଗରେ ୨୮ ପ୍ରତିଶତ ବୃଦ୍ଧି ଘଟିଛି। ଅର୍ଥମନ୍ତ୍ରୀ କହିଛନ୍ତି ଦେଶର ବିମାନବନ୍ଦର ସଂଖ୍ୟା ଦ୍ୱିଗୁଣିତ ହୋଇ ୧୪୯ କୁ ପହଞ୍ଚିଛି। ଦେଶ ପାଇଁ ୧୦୦୦ ରୁ ଅଧିକ ନୂଆ ଏୟାରକ୍ରାଫ୍ଟ ଅର୍ଡର ଦିଆଯାଇଛି। ସେହିପରି ମଧ୍ୟବିତ୍ତଙ୍କ ପାଇଁ ମୋଦୀ ସରକାର ଏକ ବଡ ଘୋଷଣା କରିଛନ୍ତି। ଅର୍ଥମନ୍ତ୍ରୀ କହିଛନ୍ତି ଯେ ସରକାର ଶୀଘ୍ର ଗୃହ ଯୋଜନା ଆଣିବାକୁ ପ୍ରସ୍ତୁତ ହେଉଛନ୍ତି, ଯାହା ମାଧ୍ୟମରେ ସମସ୍ତେ ସୁଲଭ ମୂଲ୍ୟରେ ଘର ପାଇବେ। ଅର୍ଥମନ୍ତ୍ରୀ କହିଛନ୍ତି ଯେ ଲୋକଙ୍କୁ ଉତ୍ତମ ରେଳ ସୁବିଧା ଯୋଗାଇବା ସରକାରଙ୍କ ଧ୍ୟାନ। ଏହି କାରଣରୁ ସରକାର ବନ୍ଦେ ଭାରତ ପ୍ରତି ବିଶେଷ ଧ୍ୟାନ ଦେଉଛନ୍ତି ଏବଂ ଏହି ଅନୁଯାୟୀ ୪୦ଟି ଟ୍ରେନର ବଗି ନବୀକରଣ କରାଯିବ।

ଲୋକସଭାରେ ଅର୍ଥମନ୍ତ୍ରୀ କହିଛନ୍ତି ଜିଡିପି ବିରୋଧରେ ଦେଶର ଆର୍ଥିକ ନିଅଣ୍ଟକୁ ୫.୮ ପ୍ରତିଶତକୁ ସଂଶୋଧନ କରାଯାଇଛି । ଟିକସ ରସିଦ ବଜେଟରେ ମଧ୍ୟ ସଂଶୋଧନ କରାଯାଇଛି। ଆର୍ଥିକ ଏକୀକରଣର ଲକ୍ଷ୍ୟକୁ ଆମେ ସଂଶୋଧନ କରୁଛୁ । ୨୦୨୪-୨୫ ପାଇଁ ଦେଶର ଆର୍ଥିକ(2024-25 Finance Year) ନିଅଣ୍ଟ ଲକ୍ଷ୍ୟ ଜିଡିପିର ମୋଟ ଆକାରର ୫.୧ ପ୍ରତିଶତକୁ ହ୍ରାସ କରାଯାଉଛି। ଏଥର ସରକାର ଆୟକରଦାତାଙ୍କୁ କୌଣସି ରିଲାକ୍ସସେସନ ଦେଇନାହାଁନ୍ତି। ଅର୍ଥାତ୍ ଟିକସ ସ୍ଲାବରେ କୌଣସି ପରିବର୍ତ୍ତନ ହେବ ନାହିଁ ବୋଲି ଅର୍ଥମନ୍ତ୍ରୀ କହିଛନ୍ତି। ଗତଥରର ଆୟକର ସ୍ଲାବ ଏଥର ବି ଲାଗୁ କରାଯାଇଛି। ଡାଇରେକ୍ଟ ଓ ଇନଡାଇରେକ୍ଟ ଟ୍ୟାକ୍ସ ଅପରିବର୍ତ୍ତିତ ରହିଛି। 

ସେପଟେ ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ ଜନଧନ ଆକାଉଣ୍ଟ(Jan dhan Account) ମାଧ୍ୟମରେ ୨.୭ ଲକ୍ଷ କୋଟି ଟଙ୍କା ସଞ୍ଚୟ ହୋଇଛି ଏବଂ ସରକାରଙ୍କ ଅର୍ଥନୈତିକ ପରିଚାଳନା ଏହି ଉଚ୍ଚସ୍ତରର ଯାହା ଦେଶକୁ ନୂଆ ଦିଗ ଓ ନୂଆ ଆଶା ଦେଇଛି। ଦେଶର ଅର୍ଥନୈତିକ ପ୍ରଗତିରୁ ଦେଶର ସମସ୍ତ ରାଜ୍ୟ ଓ ବର୍ଗ ଯେପରି ସାମୂହିକ ଭାବେ ଉପକୃତ ହୁଅନ୍ତି ସେଥିପାଇଁ ମୋଦି ସରକାର ବ୍ୟବସ୍ଥା କରିଛନ୍ତି। ଆର୍ଥିକ କ୍ଷେତ୍ରକୁ ଅଧିକ ସୁଦୃଢ଼, ସହଜରେ କାର୍ଯ୍ୟ କରିବାକୁ ସକ୍ଷମ କରାଯାଉଛି। ଦେଶର ମୁଦ୍ରାସ୍ଫୀତି କୁ ନେଇ ଯେଉଁ କଠୋର ଆହ୍ୱାନର ସମ୍ମୁଖୀନ ହୋଇଥିଲା ତାହାକୁ ଅତିକ୍ରମ କରାଯାଉଛି ଏବଂ ମୁଦ୍ରାସ୍ଫୀତି ସଂଖ୍ୟା ହ୍ରାସ ପାଇଛି ।