Home Loan Subsidy:ଚଳିତ ମାସରୁ ଭଡ଼ାଟିଆଙ୍କୁ ସରକାର ଦେବେ ଖୁସିଖବର, ଗୃହଋଣ ରେ ମିଳିବ ସବସିଡି !

Home Loan Subsidy: ଏଣିକି ମଧ୍ୟବିତ୍ତଙ୍କ ପାଇଁ ଖୁସି ଖବର ଆଣିବାକୁ ଯାଉଛନ୍ତି କେନ୍ଦ୍ର ସରକାର । ଯେଉଁ ମଧ୍ୟବିତ୍ତ ପରିବାର ଅନ୍ୟ ସହରରେ କାମ କରିବା ସେଠାରେ ବସବାସ କରୁଛନ୍ତି ସେମାନେ ମଧ୍ୟ ଘର କିଣିପାରିବେ ତାହା ବି କମ ସୁଧ ଋଣହାରରେ। ଏନେଇ ଘୋଷଣା କରିଛନ୍ତି ପ୍ରଧାନମନ୍ତ୍ରୀ । ଏହାର କାମ ମଧ୍ୟ ଖୁବ ଜୋରସୋରରେ ଚାଲିଛି।

Home Loan Subsidy: କେନ୍ଦ୍ର ସରକାର ଖୁବ ଶୀଘ୍ର ଏକ ଯୋଜନା ଆଣିବାକୁ ପ୍ରସ୍ତୁତ ହେଉଛନ୍ତି। ଏହି ଯୋଜନା ଅଧୀନରେ ସହରଗୁଡିକର ଲୋକଙ୍କୁ ନିଜ ଘର ପାଇବାରେ ଆଉ କଷ୍ଟ କରିବାକୁ ପଡ଼ିବନି। ଏହା ମାଧ୍ୟମରେ ବ୍ୟାଙ୍କ ଋଣରେ ଆଶ୍ୱସ୍ତି ଯୋଗାଇ ଦିଆଯିବ। ଦେଶର ୭୭ତମ ସ୍ୱାଧୀନତା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିଲେ ଯେ ସରକାର ଖୁବ୍ ଶୀଘ୍ର ସହରରେ ବାସ କରୁଥିବା ମଧ୍ୟବିତ୍ତ ଶ୍ରେଣୀର ଲୋକଙ୍କ ପାଇଁ ଏକ ଯୋଜନା ଆଣିବେ ଯେଉଁମାନଙ୍କର ନିଜସ୍ୱ ବାସସ୍ଥାନ ବା ଘର ନାହିଁ । ଏହି ଘୋଷଣା ପରେ ଜନସାଧାରଣ ଅପେକ୍ଷା କରିଥିଲେ ଯେ ଏହି ଯୋଜନାର ତାରିଖ ଏବଂ ସମୟ କେବେ ଘୋଷଣା କରାଯିବ।

ବର୍ତ୍ତମାନ କେନ୍ଦ୍ର ଗୃହ ଓ ନଗର ବ୍ୟାପାର ମନ୍ତ୍ରୀ ହାର୍ଦ୍ଦିକ ସିଂ ପୁରୀ ଏହା ଉପରେ ଏକ ବଡ଼ ଅପଡେଟ ଦେଇଛନ୍ତି। ସେ କହିଛନ୍ତି ଯେ ସହରରେ ନିଜ ଘର କିଣିବାକୁ ସ୍ୱପ୍ନ ଦେଖୁଥିବା ଲୋକଙ୍କୁ ଘର ଋଣ ଉପରେ ସୁଧ ପ୍ରଦାନ ପାଇଁ ଚଳିତ ବର୍ଷ ଏକ ଯୋଜନା ପ୍ରଣୟନ କରାଯିବ। ଗୁରୁବାର ଦିନ ଏକ ସାମ୍ବାଦିକ ସମ୍ମିଳନୀରେ ପୁରୀ କହିଛନ୍ତି ଯେ ଏହି ଯୋଜନାର ମଡେଲ ବା ପ୍ରୋଜେକ୍ଟ ଉପରେ ଏବେ ମଧ୍ୟ କାମ ଚାଲିଛି।

କେନ୍ଦ୍ର ଗୃହ ଏବଂ ନଗର ବ୍ୟାପାର ମନ୍ତ୍ରଣାଳୟର ସଚିବ ମନୋଜ ଯୋଶୀ କହିଛନ୍ତି ଯେ ସହରରେ ଘର କିଣିବାକୁ ସ୍ୱପ୍ନ ଦେଖୁଥିବା ମଧ୍ୟବିତ୍ତ ଲୋକଙ୍କୁ ଋଣ ଉପରେ ସୁଧ ପ୍ରଦାନ (Home Loan Interest Rate) ପାଇଁ ସେପ୍ଟେମ୍ବରରେ ଏକ ଯୋଜନା ଆରମ୍ଭ କରାଯିବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ୱାଧୀନତା ଦିବସରେ ତାଙ୍କ ଅଭିଭାଷଣରେ ସହରରେ ରହୁଥିବା ଏଭଳି ମଧ୍ୟବିତ୍ତ ପରିବାରଙ୍କ ପାଇଁ ଏହି ଯୋଜନା ଘୋଷଣା କରିଛନ୍ତି। ସେ କହିଥିଲେ ଯେ ଭଡା ଘର, ଅନଧିକୃତ ବସତି ଏବଂ ବସ୍ତିରେ ରହୁଥିବା ପରିବାରକୁ ନିଜ ଘର ନିର୍ମାଣ ପାଇଁ ବ୍ୟାଙ୍କ ଋଣ ଉପରେ ସୁଧ ପ୍ରଦାନ କରିବାକୁ ଆମେ ନିଷ୍ପତ୍ତି ନେଇଛୁ।

୨୦୧୫ ମସିହାରରେ PMAY ସହରୀ ଯୋଜନା ଆରମ୍ଭ କରାଯାଇଥିଲା। ସହରାଞ୍ଚଳରେ 'ସମସ୍ତଙ୍କ ପାଇଁ ଗୃହ' ଯୋଗାଇବା ହେଉଛି ପ୍ରଧାନମନ୍ତ୍ରୀ ଆୱାସ ଯୋଜନା (PMAYU) ଯୋଜନାର ଉଦ୍ଦେଶ୍ୟ ।  କ୍ରେଡିଟ୍ ଲିଙ୍କଡ୍ ସର୍ଭିସ୍ ସ୍କିମ୍ (CLSS) ଅଧୀନରେ ଯୋଗ୍ୟ ହିତାଧିକାରୀଙ୍କ ଦ୍ୱାରା ୨୦ ବର୍ଷ ପାଇଁ ନିଆଯାଇଥିବା ଗୃହ ଋଣ (Home Loan) ଉପରେ ସରକାର ସୁଧ ସବସିଡି ପ୍ରଦାନ କରୁଛନ୍ତି।

ଚଳିତ ବର୍ଷ ଜୁଲାଇ ୩୧ ପର୍ଯ୍ୟନ୍ତ PMAYU ଅଧୀନରେ ୧.୧୮କୋଟି ଘର ମଞ୍ଜୁର ହୋଇଛି, ସେଥିମଧ୍ୟରୁ ୭୬.୦୨ ଲକ୍ଷ ଘର ହିତାଧିକାରୀଙ୍କୁ ଦିଆଯାଇଛି। ପ୍ରଧାନମନ୍ତ୍ରୀ ମୋଦି (Prime Minister Narendra Modi) କହିଛନ୍ତି ଯେ ଆମେ ମଧ୍ୟବିତ୍ତଙ୍କ ପାଇଁ ଏକ ଯୋଜନା ପ୍ରସ୍ତୁତ କରୁଛୁ। ଯେଉଁ ଲୋକମାନେ ସହରରେ ରୁହନ୍ତି କିନ୍ତୁ ଭଡା ଘରେ ବାସ କରନ୍ତି, ବସ୍ତିରେ ରୁହନ୍ତି, ଅନଧିକୃତ କଲୋନୀରେ ରହୁଛନ୍ତି ସେମାନଙ୍କୁ ଏହି ଯୋଜନା ବହୁତ ସାହାଯ୍ୟ କରିବ। ଯଦି ଏହିପରି ପରିବାର ସଦସ୍ୟମାନେ ସେମାନଙ୍କ ଘର ନିର୍ମାଣ କରିବାକୁ ଚାହାଁନ୍ତି, ତେବେ ଆମେ ବ୍ୟାଙ୍କରୁ ପାଇଥିବା ଋଣ ଉପରେ ଲକ୍ଷ ଲକ୍ଷ ଟଙ୍କା ସୁଧ ପ୍ରଦାନ କରି ସେମାନଙ୍କୁ ସାହାଯ୍ୟ କରିବାକୁ ନିଷ୍ପତ୍ତି ନେଇଛୁ।