Vigilance Raid in Kalahandi: କୋଟିପତି ସହକାରୀ ଯନ୍ତ୍ରୀଙ୍କୁ ବାନ୍ଧିଲା ଭିଜିଲାନ୍ସ
Vigilance Raid in Odisha in Today: ଭବାନୀପାଟଣା ସ୍ଥିତ ସ୍ୱତନ୍ତ୍ର ଭିଜିଲାନ୍ସ ଜଜଙ୍କ ଦ୍ୱାରା ଜାରି ହୋଇଥିବା ୱାରେଣ୍ଟ ବଳରେ ସହକାରୀ ଯନ୍ତ୍ରୀଙ୍କ ଘରେ ଚଢାଉ କରାଯାଇଥିଲା। ଚଢାଉ ବେଳେ ସହକାରୀ ଯନ୍ତ୍ରୀଙ୍କ ଘରୁ ବିପୁଳ ପରିମାଣର ସମ୍ପତ୍ତି ଜବତ କରିଛି ଭିଜିଲାନ୍ସ।
Odisha Vigilance Arrested Crorepati Assistant Engineer: ଜନସ୍ୱାସ୍ଥ୍ୟ ବିଭାଗରେ ସହକାରୀ ଯନ୍ତ୍ରୀ ଭାବରେ କାର୍ଯ୍ୟରତ ଜଣେ କୋଟିପତି ଅଧିକାରୀଙ୍କୁ ଗିରଫ କରିଛି ଭିଜିଲାନ୍ସ। ଗିରଫ ହୋଇଥିବା ସହକାରୀ ଯନ୍ତ୍ରୀଙ୍କ ପାଖରେ ଚଢାଉ ବେଳେ କୋଟି କୋଟି ଟଙ୍କାର ସମ୍ପତ୍ତି ରହିଥିବାର ଜାଣିବାକୁ ପାଇଥିଲା ଭିଜିଲାନ୍ସ। ଗିରଫ ହୋଇଥିବା କୋଟିପତି ଅଧିକାରୀ ଜଣଙ୍କ ହେଉଛନ୍ତି କିଶୋର ଚନ୍ଦ୍ର ସାହୁ। ଯିଏ କାଳାହାଣ୍ଡି ଜିଲ୍ଲାର ଭବାନୀପାଟଣା ସ୍ଥିତ ଜନସ୍ୱାସ୍ଥ୍ୟ ବିଭାଗର ସାଧାରଣ ବିଭାଗରେ କାର୍ଯ୍ୟ କରୁଥିଲେ। ଭିଜିଲାନ୍ସ ଦ୍ୱାରା ଗିରଫ ହୋଇଥିବା ଜନସ୍ୱାସ୍ଥ୍ୟ ବିଭାଗରେ ସହକାରୀ ଯନ୍ତ୍ରୀ ଜଣଙ୍କ ତାଙ୍କର ଆଇନଗତ ଆୟର ଉତ୍ସ ବାବଦରେ କୌଣସି ତଥ୍ୟ ଦେଇ ପାରିନଥିଲେ।
ଓଡିଶା ଭିଜିଲାନ୍ସ ଟିମ୍ ଦିନକ ପୂର୍ବରୁ ଜନସ୍ୱାସ୍ଥ୍ୟ ବିଭାଗରେ ସହକାରୀ ଯନ୍ତ୍ରୀ କିଶୋର ଚନ୍ଦ୍ର ସାହୁଙ୍କୁ ତିନୋଟି ଠିକଣା ଉପରେ ପୃଥକ ଭାବରେ ଏକକାଳୀନ ଚଢାଉ କରିଥିଲେ। ଭବାନୀପାଟଣା ସ୍ଥିତ ସ୍ୱତନ୍ତ୍ର ଭିଜିଲାନ୍ସ ଜଜଙ୍କ ଦ୍ୱାରା ଜାରି ହୋଇଥିବା ୱାରେଣ୍ଟ ବଳରେ ସହକାରୀ ଯନ୍ତ୍ରୀଙ୍କ ଘରେ ଚଢାଉ କରାଯାଇଥିଲା। ଚଢାଉରେ ସାମିଲ ହୋଇଥିବା ଭିଜିଲାନ୍ସ ଦଳରେ ଜଣେ ଏଏସପି, ୩ ଡିଏସପି, ୪ ଇନ୍ସପେକ୍ଟର ଏବଂ ଅନ୍ୟ କର୍ମଚାରୀଙ୍କ ସାମିଲ ହୋଇଥିଲେ। ଯେଉଁଠାରେ ଭିଜିଲାନ୍ସ ଟିମ ପକ୍ଷରୁ ଚଢାଉ କରାଯାଇଥିଲା ସେହି ସ୍ଥାନ ହେଉଛି ମନ୍ଦାରବାଗିଚାପଡାସ୍ଥିତ କିଶୋର ଚନ୍ଦ୍ର ସାହୁ ଏକ ଆବାସିକ ଘର ଏବଂ ନର୍ଲା ବ୍ଲକ ଅନ୍ତର୍ଗତ ବଳବାସପୁର ଗ୍ରାମରେ ରହିଥିବା ଜନସ୍ୱାସ୍ଥ୍ୟ ବିଭାଗରେ ସହକାରୀ ଯନ୍ତ୍ରୀଙ୍କ କାର୍ଯ୍ୟାଳୟ।
ଭିଜିଲାନ୍ସ ଟିମ ଚଢାଉ ବେଳେ ଆନୁମାନିକ ମୂଲ୍ୟ ୧.୧୦ କୋଟି ଟଙ୍କା ସହିତ ୧୦,୫୦୦ ବର୍ଗଫୁଟ ନିର୍ମାଣ କ୍ଷେତ୍ରର ଏକ ୩ ମହଲା ଘର ଏବଂ ଭବାନୀପାଟଣା ସହରରେ ଅବସ୍ଥିତ ଦୁଇଟି ପ୍ଲଟ୍। ପ୍ରଥମଟି ହେଉଛି ପ୍ଲଟ୍
ନମ୍ବର-୪୧୪/୭୩୨୨, ଖାତା ନମ୍ବର-୧୮୯/୪୭୯୮, ୦.୧୦ ଡେସିମିଲ। ଦ୍ୱିତୀୟ ପ୍ଲଟ୍ ବାବଦରେ ଅନୁସନ୍ଧାନ କରାଯାଉଛି। ୧.୦୩ କୋଟିରୁ ଅଧିକ ବ୍ୟାଙ୍କ ଜମା ଏବଂ ବୀମା, ନଗଦ ୨.୬୫ ଲକ୍ଷ ଟଙ୍କା, ପ୍ରାୟ ୨୩୫ ଗ୍ରାମ ସୁନା, ପ୍ରାୟ ୭୦୦ ଗ୍ରାମ ଓଜନର ରୂପା ଅଳଙ୍କାର ଏବଂ ଦୁଇଟି ଦୁଇ ଚକିଆ ଯାନ ସହିତ ଅନ୍ୟାନ୍ୟ ସମ୍ପତ୍ତି ଜବତ କରାଯାଇଛି। ଚଢାଉ ବେଳେ ଜବତ ହୋଇଥିବା ସମ୍ପତ୍ତିର ପରିମାଣ ଏବଂ ମୂଲ୍ୟ ଭିଜିଲାନ୍ସ ଟେକ୍ନିକାଲ୍ ୱିଙ୍ଗ୍ ମୂଲ୍ୟାଙ୍କନ କରାଯାଉଛି। ଏନେଇ ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ଏହାର ବିସ୍ତୃତ ତଦନ୍ତ କରାଯାଉଛି।