Old Pension Scheme: ଅନେକ ରାଜ୍ୟରେ ସରକାରୀ କର୍ମଚାରୀଙ୍କ ତରଫରୁ ପୁରୁଣା ପେନସନ୍ ଯୋଜନା (OPS) କାର୍ଯ୍ୟକାରୀ କରିବାକୁ ଦାବି କରାଯାଉଛି । ରାଜସ୍ଥାନ, ପଞ୍ଜାବ, ହିମାଚଳ ପ୍ରଦେଶ, ଛତିଶଗଡ ଏବଂ ଝାଡଖଣ୍ଡ ସରକାରଙ୍କ ଦ୍ୱାରା ପୁରୁଣା ପେନସନ୍ ଯୋଜନା (Old Pension Scheme) କାର୍ଯ୍ୟକାରୀ ହେବା ପରେ କେନ୍ଦ୍ର ସରକାରଙ୍କୁ ସୂଚନା ଦିଆଯାଇଛି । ଏହା ସହିତ ଏହି ରାଜ୍ୟ ସରକାରମାନେ କେନ୍ଦ୍ରରୁ ନୂତନ ପେନସନ ସିଷ୍ଟମ (National Pension System-NPS) ଅଧୀନରେ ଜମା ଥିବା ଟଙ୍କା ଫେରସ୍ତ ମାଗିଛନ୍ତି । କିନ୍ତୁ କେନ୍ଦ୍ରର ମୋଦି ସରକାର ଏହି ଟଙ୍କା ଦେବାକୁ ମନା କରି ଦେଇଛନ୍ତି । ରାଜସ୍ଥାନର ଅଶୋକ ଗେହଲୋଟ୍ ସରକାର ରାଜ୍ୟ ବିଧାନସଭା ନିର୍ବାଚନ ପୂର୍ବରୁ ପୁରୁଣା ପେନସନ ସ୍କିମ୍ (OPS) କୁ ଏକ ବଡ଼ ପ୍ରସଙ୍ଗ କରିବାରେ ଲାଗି ପଡ଼ିଛନ୍ତି ।


COMMERCIAL BREAK
SCROLL TO CONTINUE READING

ରାଜସ୍ଥାନ ବ୍ୟତୀତ ପୁରୁଣା ପେନସନ (Old Pension Scheme) ପ୍ରସଙ୍ଗ ମଧ୍ୟ ନିର୍ବାଚନ ପୂର୍ବରୁ ଅନ୍ୟ ନିର୍ବାଚନ ରାଜ୍ୟରେ ଗୁରୁତ୍ୱପୂର୍ଣ୍ଣ ହୋଇପଡ଼ିଛି । ଏପ୍ରିଲ ୨୦୨୨ରେ ରାଜସ୍ଥାନ ସରକାରଙ୍କ ଦ୍ୱାରା ପୁରୁଣା ପେନସନ ବ୍ୟବସ୍ଥା (OPS) ପୁନଃ ଲାଗୁ ହୋଇଥିଲା । ଏହା ପରେ କଂଗ୍ରେସ ଶାସିତ ବାକି ରାଜ୍ୟଗୁଡ଼ିକରେ ପୁରୁଣା ପେନସନ୍ ଯୋଜନା ବା ଓପିଏସ୍ ଲାଗୁ କରାଯାଇଥିଲା । ଅନେକ ରାଜ୍ୟରେ କର୍ମଚାରୀ ସଂଗଠନଗୁଡ଼ିକ ସଂପୃକ୍ତ ସରକାରଙ୍କ ଉପରେ ଚାପ ବୃଦ୍ଧି କରିଛନ୍ତି । ତେବେ କେନ୍ଦ୍ର ସରକାର ଏନପିଏସକୁ ବିଚାର କରିବାକୁ ମନା କରିଦେଇଥିଲେ । କିନ୍ତୁ ଏକ କମିଟି ଗଠନ କରି ଜାତୀୟ ପେନସନ୍ ସ୍କିମ୍ ବା ଏନପିଏସ (NPS) କୁ କର୍ମଚାରୀଙ୍କ ଅନୁକୂଳ କରିବାକୁ ବିଚାର କରାଯାଉଛି ।


ଆପଣଙ୍କୁ କହିରଖୁଛୁ ଯେ, ଜାତୀୟ ପେନସନ୍ ସ୍କିମ୍ (NPS) ଅନୁଯାୟୀ କର୍ମଚାରୀମାନଙ୍କୁ ଦିଆଯାଉଥିବା ବେତନ ଓ ମହଙ୍ଗା ଭତ୍ତାର ୧୦ ପ୍ରତିଶତ ରାଜ୍ୟ ସରକାର ଜମା କରୁଛନ୍ତି । ରାଜସ୍ଥାନରେ ଜାତୀୟ ପେନସନ୍ ସ୍କିମ୍ (NPS) ର ୫,୨୪,୦୭୨ ଖାତା ଅଛି । ଏଥିରେ ସରକାରଙ୍କ ଦ୍ୱାରା ୧୪,୧୭୧ କୋଟି ଟଙ୍କା ଓ କର୍ମଚାରୀଙ୍କ ଦ୍ୱାରା ୧୪,୧୬୭ କୋଟି ଟଙ୍କା ଜମା କରାଯାଇଛି । ସୁଧ ଯୋଗ କରି ଏହି ଟଙ୍କା ହେଉଛି ୪୦,୧୫୭ କୋଟି ଟଙ୍କା । ମେ ୧୯,୨୦୨୨ରେ ରାଜ୍ୟ ସରକାର ଦେଇଥିବା ବିଜ୍ଞପ୍ତିରେ କୁହାଯାଇଛି ଯେ କର୍ମଚାରୀମାନଙ୍କୁ ଏନପିଏସର ଅଂଶଧନକୁ ସୁଧ ସହିତ ରାଜ୍ୟ ସରକାରଙ୍କୁ ଫେରସ୍ତ କରିବାକୁ ପଡ଼ିବ ।


ବର୍ତ୍ତମାନ କେନ୍ଦ୍ର ସରକାର ଏହାକୁ ସମ୍ପୂର୍ଣ୍ଣ ଭାବେ ଦେବାକୁ ମନା କରିଥିବାରୁ ରାଜ୍ୟ ସରକାର ବିଜ୍ଞପ୍ତିରେ ପରିବର୍ତ୍ତନ ଆଣିବାକୁ ଯୋଜନା କରୁଛନ୍ତି । ଏହା ସହିତ କେନ୍ଦ୍ର ସରକାରଙ୍କ ତରଫରୁ ଆସୁଥିବା ଆପତ୍ତି ଏଡାଯାଇପାରିବ । ଅର୍ଥ ବିଭାଗର ଜଣେ ଅଧିକାରୀ କହିଛନ୍ତି ଯେ ଏହି ଟଙ୍କା କର୍ମଚାରୀଙ୍କ ଅଟେ, ତେଣୁ ରାଜ୍ୟ ସରକାର ଏହାକୁ ନିଜ ରାଜସ୍ୱରେ ଦର୍ଶାଇ ପାରିବେ ନାହିଁ । ଏହା ବଦଳରେ ସରକାର PFRDA କୁ ୧୪,୦୦୦ କୋଟି ଟଙ୍କା ଏନପିଏସରେ ଜମା କରିବାକୁ କହିବେ । ୨୦୨୧ ମସିହାରେ ଆରମ୍ଭ ହୋଇଥିବା ଜିପିଏଫରେ କର୍ମଚାରୀମାନେ ଦେଇଥିବା ଅବଦାନକୁ ସରକାର ଜମା କରିବେ ।


ଅଧିକ ପଢ଼ନ୍ତୁ-ବୁଧଙ୍କ ରାଶିରେ ଗୋଚର କରିବେ ଶୁକ୍ର ଗ୍ରହ, ଏହି ୩ଟି ରାଶି ଉପରେ ବର୍ଷିବ ବିପୁଳ ଧନ!


ଅଧିକ ପଢ଼ନ୍ତୁ-ସରକାରୀ କର୍ମଚାରୀଙ୍କ ପାଇଁ ଖୁସି ଖବର: ସରକାର କଲେ ବଡ଼ ଘୋଷଣା, ୪ ପ୍ରତିଶତ ବଢ଼ିଲା ମହଙ୍ଗା ଭତ୍ତା, ଆକାଉଣ୍ଟକୁ ଆସିବ ମୋଟା ଅଙ୍କର ଟଙ୍କା


ଅଧିକ ପଢ଼ନ୍ତୁ-କେନ୍ଦ୍ର ସରକାର ନେଲେ ବଡ଼ ନିଷ୍ପତ୍ତି; ବର୍ତ୍ତମାନ ବଢ଼ିବ ପେନସନ ଓ ଦରମା, କର୍ମଚାରୀଙ୍କ ଲାଗିଲା ଲଟେରୀ!


ଜାନୁଆରୀ ୨୦୦୪ ପରେ ନିଯୁକ୍ତ ୫.୨୪ ଲକ୍ଷ କର୍ମଚାରୀଙ୍କ ମଧ୍ୟରୁ ୩୫୫୪ କର୍ମଚାରୀ ଗୋଟିଏ ବର୍ଷେ ପୂର୍ବେ ଅବସର ନେଇଛନ୍ତି । ଏହିପରି କର୍ମଚାରୀମାନେ ପେନ୍‌ସନ୍‌ର ସୁବିଧା ପାଇବାରେ ସକ୍ଷମ ହୋଇ ନାହାଁନ୍ତି । କେନ୍ଦ୍ର ସରକାର ଏହା ପୂର୍ବରୁ ସ୍ପଷ୍ଟ କରିସାରିଛନ୍ତି ଯେ ଏନପିଏସରେ ଜମା ହୋଇଥିବା ଟଙ୍କା ରାଜ୍ୟ ସରକାରଙ୍କୁ ଫେରସ୍ତ କରାଯିବ ନାହିଁ ।