EPFO Rule: ଟଙ୍କା ଉଠାଣକୁ ନେଇ ନିୟମ ବଦଳାଇଲା EPFO, ଏହି ବର୍ଗର ବ୍ୟକ୍ତି ବିଶେଷଙ୍କୁ ମିଳିବ ବିଶେଷ ସୁବିଧା

ଯେଉଁ କର୍ମଚାରୀମାନଙ୍କର ଆଧାର ନାହିଁ ସେମାନେ ତଥାପି EPFO ​​ଅଧୀନରେ ଦାବି କରିପାରିବେ। ସେମାନଙ୍କ ପାଇଁ ପାସପୋର୍ଟ, ନାଗରିକତା ପ୍ରମାଣପତ୍ର କିମ୍ବା ଅନ୍ୟାନ୍ୟ ସରକାରୀ ପରିଚୟ ପତ୍ର ମାଧ୍ୟମରେ ଯାଞ୍ଚର ବିକଳ୍ପ ରଖାଯାଇଛି। ଏହା ବ୍ୟତୀତ ପ୍ୟାନ କାର୍ଡ, ବ୍ୟାଙ୍କ ଆକାଉଣ୍ଟ୍ ବିବରଣୀ ଏବଂ ଅନ୍ୟାନ୍ୟ ମାନଦଣ୍ଡ ମାଧ୍ୟମରେ ପରିଚୟ ମଧ୍ୟ ଯାଞ୍ଚ କରାଯିବ। ୫ ଲକ୍ଷରୁ ଅଧିକ ଦାବି କ୍ଷେତ୍ରରେ, ସଦସ୍ୟଙ୍କ ସତ୍ୟତା ନିଯୁକ୍ତିଦାତାଙ୍କଠାରୁ ଯାଞ୍ଚ କରାଯିବ।

କେଉଁ ମାନଙ୍କୁ ମିଳିବ ସୁବିଧା EPFO ନିୟମ ଅନୁଯାୟୀ, ଯଦି କୌଣସି କର୍ମଚାରୀ PF ଦାବି ସମାଧାନ କରିବାକୁ ଚାହାଁନ୍ତି ଯଥା PF ରୁ ଟଙ୍କା ଉଠାଣ କରିବାକୁ ଚାହାଁନ୍ତି ତାଙ୍କର ୟୁନିଭର୍ସାଲ ଆକାଉଣ୍ଟ ନମ୍ବର ଏବଂ ଆଧାର ନମ୍ବର ଲିଙ୍କ୍ ହେବା ଉଚିତ। ବର୍ତ୍ତମାନ EPFO ​​କିଛି କର୍ମଚାରୀଙ୍କୁ ଏହି ନିୟମରୁ ମୁକ୍ତ କରିଛି। ଏହି ତାଲିକାରେ ସାମିଲ ଅଛନ୍ତି ଏହି ସବୁ ବ୍ୟକ୍ତିବିଶେଷ। 

ଅନ୍ତରାଷ୍ଟ୍ରୀୟ କର୍ମଚାରୀ ଯେଉଁମାନେ ଭାରତରେ କାର୍ଯ୍ୟ ଶେଷ ହେବା ପରେ ନିଜ ଦେଶକୁ ଫେରିଛନ୍ତି। କିନ୍ତୁ ଆଧାର କାର୍ଡ ନେବାରେ ଅସମର୍ଥ ରହିଛନ୍ତି। ସେହିପରି ବିଦେଶୀ ନାଗରିକତା ହାସଲ କରିଥିବା ଭାରତୀୟ ଯେଉଁମାନଙ୍କୁ ଆଧାର କାର୍ଡ ମିଳିପାରିନାହିଁ। ନେପାଳ ଓ ଭୁଟାନ ନାଗରିକ ଯେଉଁମାନଙ୍କ ପାଇଁ ଆଧାର ବାଧ୍ୟତାମୂଳକ ନୁହେଁ। ସ୍ଥାୟୀ ଭାବେ ବିଦେଶରେ ଅବସ୍ଥାନ କରୁଥିବା ଭାରତୀୟ ନାଗରିକଙ୍କୁ ମଧ୍ୟ ଏହି ସୁବିଧା ମିଳିବ ବୋଲି ଇପିଏଫଓ ସୂଚନା ପ୍ରଦାନ କରିଛି। 

ଉଠାଣ ପ୍ରକ୍ରିୟା ନିୟମରେ ପରିବର୍ତ୍ତନ  କୌଣସି ଦାବିକୁ ଯତ୍ନର ସହ ଯାଞ୍ଚ କରାଯିବା ଉଚିତ ବୋଲି ଇପିଏଫ୍ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି। ଏହା ପରେ ଇ-ଅଫିସ୍ ଫାଇଲ୍ ମାଧ୍ୟମରେ ଅନୁମୋଦନ ଅଧିକାରୀ-ଇନ୍-ଚାର୍ଜ (OIC) ମାଧ୍ୟମରେ ଅନୁମୋଦନ ଦିଆଯିବ। ସେହିପରି, କର୍ମଚାରୀମାନଙ୍କୁ ସମାନ UAN ନମ୍ବର ବଜାୟ ରଖିବାକୁ କିମ୍ବା ସେମାନଙ୍କର ପୂର୍ବ ସେବା ରେକର୍ଡଗୁଡ଼ିକୁ ସମାନ UAN କୁ ସ୍ଥାନାନ୍ତର କରିବାକୁ ପରାମର୍ଶ ଦିଆଯାଇଛି। ଏହା ଦାବି ପ୍ରକ୍ରିୟାକୁ ସରଳ ଏବଂ ଦୃତ ବେଗରେ କରିବ।