Faruk Fatih Ozer: ୫ କିମ୍ବା ୧୦ ନୁହେଁ ଏହି ବ୍ୟକ୍ତିଙ୍କୁ ମିଳିଲା ଏତିକି ବର୍ଷର ସଜ୍ଜା, ଜାଣନ୍ତୁ କ`ଣ ଥିଲା ଅପରାଧ?

Turkey News: ମୁଖ୍ୟ ଅଭିଯୁକ୍ତ ଫାରୁକ୍ ଫାତିହ ଓଜରଙ୍କୁ ଗତ ବର୍ଷ ଆଲବାନିଆ ଠାରେ ଇଣ୍ଟରପୋଲ ଦ୍ୱାରା ଜାରି କରାଯାଇଥିବା ଆନ୍ତର୍ଜାତୀୟ ଗିରଫ ୱାରେଣ୍ଟରେ ଗିରଫ କରାଯାଇଥିଲା। ମୁଖ୍ୟ ଅଭିଯୁକ୍ତଙ୍କ ବ୍ୟତୀତ ତାଙ୍କ ଦୁଇ ଭାଇଙ୍କୁ ମଧ୍ୟ ସମାନ ବର୍ଷ ଦଣ୍ଡିତ କରାଯାଇଥିଲା।

Turkey Crypto Crrency Scam: ୫ କିମ୍ବା ୧୦ ନୁହେଁ ବରଂ ତୁର୍କୀୟେରେ ଜଣେ ବ୍ୟକ୍ତିଙ୍କୁ ୧୧, ୧୯୬ ବର୍ଷର କାରାଦଣ୍ଡରେ ଦଣ୍ଡିତ କରାଯାଇଛି। ଏହି ବ୍ୟକ୍ତି ଜଣଙ୍କ ଜଣେ କୁଖ୍ୟାତ କ୍ରିପ୍ଟୋ ପ୍ରତିଷ୍ଠାତା ବୋଲି ଜଣାପଡ଼ିଛି। ସ୍ଥାନୀୟ ନ୍ୟୁଜ ଏଜେନ୍ସି ଆନାଡୋଲୁ ସୂତ୍ରରୁ ଏହି ଖବର ମିଳିଛି। ଅର୍ଥ ହେରଫେର, ଠକେଇ ଏବଂ ଅପରାଧିକ ସଙ୍ଗଠନ ଗଠନ କରିବା ଅଭିଯୋଗରେ ଥୋଡକ୍ସ ଅଞ୍ଚଳର ୨୯ ବର୍ଷୀୟ ଫାରୁକ୍ ଫାତିହ ଓଜରଙ୍କୁ ୪୦,୫୬୨ ବର୍ଷ ଜେଲ ଦଣ୍ଡ ଦେବାକୁ ଓକିଲ ଚେଷ୍ଟା କରିଥିଲେ। ଆନାଡୋଲୁ ନ୍ୟୁଜ ଏଜେନ୍ସି ଅନୁଯାୟୀ ଫାରୁକ୍ ଫାତିହ ଓଜର ଅଦାଲତରେ କହିଛନ୍ତି ଯେ ଯଦି ମୋତେ ଏକ ଅପରାଧିକ ସଙ୍ଗଠନ ଗଠନ କରିବାକୁ ପଡିଥାନ୍ତି, ତାହେଲେ ମୁଁ ଏପରି ଏକ ଉତ୍ସାହଜନକ କାର୍ଯ୍ୟ କରି ନ ଥାନ୍ତି।

ଫାରୁକ୍ ଫାତିହ ଓଜରଙ୍କ ୨ ଭାଇଙ୍କୁ ମିଳିଲା ସଜ୍ଜା
ଏଏଫପି ନ୍ୟୁଜ ଏଜେନ୍ସି  ଅନୁସାରେ ତୁର୍କୀୟେ ଗଣମାଧ୍ୟମ ରିପୋର୍ଟ ମୁତାବକ, ଗୁରୁବାର ବିଳମ୍ବିତ ରାତିରେ ଏକ ସଂକ୍ଷିପ୍ତ ଶୁଣାଣି ପରେ ଫାରୁକ୍ ଫାତିହ ଓଜରଙ୍କ ୨ ଭାଇ ସେରାପ ଏବଂ ଗୁଭେନଙ୍କୁ ସମାନ ପରିମାଣର ଦଣ୍ଡ ଦିଆଯାଇଥିଲା। ତୁର୍କୀୟେ ବହୁତ ଲମ୍ବା ସଜ୍ଜା ଦେବା ପାଇଁ ଜଣାଶୁଣା। ୟୁରୋପୀୟ ସଂଘରେ ଯୋଗଦେବା ପାଇଁ ପ୍ରୟାସର ଏକ ଅଂଶ ଭାବରେ ଗତ ୨୦୦୪ ବର୍ଷରେ ମୃତ୍ୟୁଦଣ୍ଡ ରଦ୍ଦ ହେବା ପରେ ସଜ୍ଜା ପରିମାଣ ଧାରା ଆହୁରି ବୃଦ୍ଧି ପାଇଛି। କୁହାଯାଇଥିଲା ଯେ ଗତ ୨୦୨୧  ଅପ୍ରେଲରେ ୨ ବିଲିୟନ ଡଲାର ମୂଲ୍ୟର ନିବେଶକ ସମ୍ପତ୍ତି ନେଇ ଫାରୁକ୍ ଫାତିହ ଓଜର ତୁର୍କୀୟେ ଛାଡି ପଳାଇଥିଲେ। ହେଲେ ସେ କେତେ ଟଙ୍କା ନେଇ ପଳାୟନ କରିଥିଲେ ତାହାକୁ ନେଇ ବିବାଦ ସୃଷ୍ଟି ହୋଇଛି। 

କ'ଣ କହିଲେ ଓକିଲ?
ଏନେଇ ଓକିଲ କହିଛନ୍ତି ଯେ ଗତ ୨୦୨୧ ଅପ୍ରେଲରେ ଫାରୁକ୍ ଫାତିହ ଓଜର  ତୁର୍କୀୟେ ଛାଡ଼଼ି ପଳାୟନ କରିବା ସମୟରେ ଅଧିକାଂଶ ସମ୍ପତ୍ତି ମାଲ୍ଟା ବ୍ୟାଙ୍କ ଠାରେ ଜମା ହୋଇଥିଲା। ଯାହାକୁ ତିନୋଟି ଗୁପ୍ତ ଆକାଉଣ୍ଟ ମାଧ୍ୟମରେ ସ୍ଥାନାନ୍ତର କରାଯାଇଥିଲା। ଯାହାର ପରିମାଣ ହେଉଛି ୨୫୦ ମିଲିୟନ୍ ଲିରା। ସେତେବେଳେ ଏହାର ମୂଲ୍ୟ ପ୍ରାୟ ୩୦ ମିଲିୟନ୍ ଡଲାର୍ ବୋଲି କୁହାଯାଉଛି। ଭାରତୀୟ ମୁଦ୍ରାରେ ଏହାର ମୂଲ୍ୟ ହେଉଛି ପ୍ରାୟ  ୨, ୪୯,୩୭,୫୦,୦୦୦.୦୦ ଟଙ୍କା।

ଏହି ଅଭିଯୋଗରେ କୁହାଯାଇଛି ଯେ ଫାରୁକ୍ ଫାତିହ ଓଜର ଏବଂ ତାଙ୍କ ଭାଇ ଗ୍ରାହକଙ୍କୁ ମୋଟ ୩୫୬ ମିଲିୟନ ଲିରା ମୂଲ୍ୟର ଚୂନ ଲଗାଇଛନ୍ତି। ଭାରତୀୟ ମୁଦ୍ରାରେ ଏହାର ମୂଲ୍ୟ ହେଉଛି ୧,୧୦,୨୩,୪୭,୮୫୦.୧୦। ଏହି ମାମଲା ସ୍ଥାନୀୟ ହେଡଲାଇନ ସୃଷ୍ଟି କରିଥିଲା। ​​କାରଣ ଏହା ତୁର୍କୀର କ୍ରିପ୍ଟୋ ବୁମ୍ ସହିତ ସମକକ୍ଷ ହୋଇଥିଲା। ଯାହା ପରେ ସରକାରୀ ନିୟମ କାରଣରୁ ହ୍ରାସ ପାଇଥିଲା। ଦୁଇ ବର୍ଷରୁ ଅଧିକ ସମୟ ପୂର୍ବରୁ ଆରମ୍ଭ ହୋଇଥିବା ଲିରା ମୂଲ୍ୟର ତୀବ୍ର ହ୍ରାସ ବିରୋଧରେ ତୁର୍କୀୟେ ବିଭିନ୍ନ କ୍ରିପ୍ଟୋକ୍ୟୁରେନ୍ସି ଆଡକୁ ମୁହାଁଇବା ଆରମ୍ଭ କରିଥିଲେ।

ସେଲିବ୍ରିଟି ହୋଇଯାଇଥିଲେ ଫାରୁକ୍ ଫାତିହ ଓଜର 
ଉଗ୍ର ଜାତୀୟତାବାଦୀ ସରକାରୀ-ସମର୍ଥକଙ୍କ ସହ ତାଙ୍କର ସାକ୍ଷାତ ହେବାର ଫଟୋ ଆସିବା ପରେ ଫାରୁକ୍ ଫାତିହ ଓଜର ସେଲିବ୍ରିଟି ହୋଇଯାଇଥିଲେ। ଗତ ବର୍ଷ ଇଣ୍ଟରପୋଲ ଦ୍ୱାରା ଜାରି ହୋଇଥିବା ଆନ୍ତର୍ଜାତୀୟ ଗିରଫ ୱାରେଣ୍ଟ ମାଧ୍ୟମରେ ତାଙ୍କୁ ଆଲବାନିଆ ଠାରେ ଗିରଫ କରାଯାଇଥିଲା।