Weather Update: ଭାରତରେ ଲୁ` ପ୍ରଭାବ, ଓଡ଼ିଶା ସମେତ ଏହି ସବୁ ରାଜ୍ୟକୁ ଆଲର୍ଟ ଜାରି କଲା ପାଣିପାଗ ବିଭାଗ

Weather Update: ନୂଆଦିଲ୍ଲୀ: ଲୁ ପ୍ରଭାବରେ ଏବେ ଭାରତରେ ଭୀଷଣ ଗରମ ଅନୁଭୂତ ହେଉଛି। ଏପରିକି ଏକାଧିକ ରାଜ୍ୟ ପାଇଁ ରେଡ ଆଲର୍ଟ ଜାରି କରିଛି ଭାରତୀୟ ପାଣିପାଗ ବିଭାଗ। ଅନେକ ରାଜ୍ୟରେ ତାପମାତ୍ରା ପ୍ରାୟ ୪୫ ଡିଗ୍ରୀ ଉପରେ ପହଞ୍ଚିଛି। ଏହି ସମୟରେ ଭାରତୀୟ ପାଣିପାଗ ବିଭାଗ (ଆଇଏମଡି) ଏପରି କିଛି କହିଛି ଯାହା ସମସ୍ତଙ୍କ ପାଇଁ ଚିନ୍ତା ବଢାଇ ଦେଇଛି। ଆସନ୍ତା ତିନି ଦିନ ପାଇଁ ପୂର୍ବ ଭାରତରେ ହିଟ ୱେଭ ଜାରି ରହିବ ବୋଲି ବୁଧବାର ପାଣିପାଗ ବିଭାଗ ପୂର୍ବାନୁମାନ କରିଛି। ଗାଙ୍ଗେୟ ପଶ୍ଚିମବଙ୍ଗରେ ତିନିଦିନ ଓ ଓଡିଶାରେ ଦୁଇ ଦିନ ପାଇଁ ପ୍ରବଳ ଗରମ ଅନୁଭୂତ ହେବ। ଏଥିପାଇଁ ରେଡ୍ ଆଲର୍ଟ ଜାରି କରିଛି ଆଇଏମଡି।

ପାଣିପାଗ ବିଭାଗ କହିଛି ଯେ ମେ ୪ ତାରିଖରୁ ଦକ୍ଷିଣ ଉପଦ୍ୱୀପ ଭାରତରେ କାଳବୈଶାଖି ଦେଖାଦେବ। ତେଲଙ୍ଗାନା, ମହାରାଷ୍ଟ୍ର ଏବଂ ମଧ୍ୟପ୍ରଦେଶ ସମେତ ରାଜ୍ୟରେ ଝଡ଼ ସୃଷ୍ଟି ହେବ। ପଶ୍ଚିମବଙ୍ଗ, ପୂର୍ବ ଝାଡଖଣ୍ଡ, ଉତ୍ତର ଓଡ଼ିଶା ଏବଂ ରୟାଲସୀମା ଉପରେ ସର୍ବାଧିକ ତାପମାତ୍ରା ୪୪ ରୁ ୪୭ ଡିଗ୍ରୀ ମଧ୍ୟରେ ତାପମାତ୍ରା ରହିବ। ଏହା ପରେ ଧିରେଧିରେ ତାପମାତ୍ରା ହ୍ରାସ ପାଇବ ବୋଲି ସୂଚନା ରହିଛି। 

ମେ ୨ ରେ ଗାଙ୍ଗେୟ ପଶ୍ଚିମବଙ୍ଗ, ଓଡିଶାର କିଛି ଅଂଶ, ବିହାର ଏବଂ ଉପ-ହିମାଳୟ ପଶ୍ଚିମବଙ୍ଗ, ଝାଡଖଣ୍ଡର ଅନେକ ସ୍ଥାନରେ ପ୍ରବଳ ଗ୍ରୀଷ୍ମ ପରିସ୍ଥିତି ସମ୍ଭାବନା ରହିଛି। ମଇ ୨ ପରେ, ହିଟ ୱେଭ ପ୍ରକୋପରେ ହ୍ରାସ ପାଇବ ଏବଂ ହିଟ ୱେଭର ଅବସ୍ଥା ଆଗାମୀ ୩ ଦିନ ପର୍ଯ୍ୟନ୍ତ ରହିବ। ଆସନ୍ତା ୪ ରୁ ୫ ଦିନ ମଧ୍ୟରେ ତେଲଙ୍ଗାନା, ଆଭ୍ୟନ୍ତରୀଣ କର୍ଣ୍ଣାଟକ, ଉପକୂଳ ଆନ୍ଧ୍ରପ୍ରଦେଶ, ୟାନାମରେ ହିଟ ୱେଭ ଅବସ୍ଥା ଜାରି ରହିବ। 

ସ୍କାଏମେଟ ପାଣିପାଗ ଅନୁଯାୟୀ, ଆସନ୍ତା ୨୪ ଘଣ୍ଟା ମଧ୍ୟରେ ଗିଲଗିଟ-ବାଲ୍ଟିସ୍ତାନ, ମୁଜାଫରବାଦ, ଲଦାଖ, ଜାମ୍ମୁ କାଶ୍ମୀର, ହିମାଚଳ ପ୍ରଦେଶ ଏବଂ ଉତ୍ତରପ୍ରଦେଶରେ ହାଲୁକା ବର୍ଷା ଏବଂ ବିସ୍ତୃତ ତୁଷାରପାତ ହୋଇପାରେ। ଅରୁଣାଚଳ ପ୍ରଦେଶରେ ହାଲୁକା ରୁ ମଧ୍ୟମ ବର୍ଷା ଏବଂ ତୁଷାରପାତ ସମ୍ଭବ। ଉତ୍ତର ପୂର୍ବ ଭାରତର କେତେକ ସ୍ଥାନରେ ହାଲୁକା ବର୍ଷା ହୋଇପାରେ। କେରଳ ଏବଂ ଦକ୍ଷିଣ ତାମିଲନାଡୁରେ ହାଲୁକା ଅଳ୍ପ ବର୍ଷା ହୋଇପାରେ। ଗାଙ୍ଗେୟ ପଶ୍ଚିମବଙ୍ଗର ଅନେକ ସ୍ଥାନରେ ଏବଂ ଉପ-ହିମାଳୟ ପଶ୍ଚିମବଙ୍ଗ, ବିହାର ଏବଂ ସୌରାଷ୍ଟ୍ର ଏବଂ କୁଚର କେତେକ ସ୍ଥାନରେ ହିଟ ୱେଭ ଅବସ୍ଥା ହୋଇପାରେ। ଝାଡଖଣ୍ଡ, କେରଳ, କୋଙ୍କଣ ଏବଂ ଗୋଆ ଏବଂ ରୟାଲାସିମାର କିଛି ଅଂଶରେ ଉତ୍ତାପ ତରଙ୍ଗ ଅବସ୍ଥା ହୋଇପାରେ।