Purple Crying: ପର୍ପଲ କ୍ରାଇଂ କ’ଣ ? ଯେଉଁଥିରେ ପୀଡିତ ପିଲା ଲଗାତର କାନ୍ଦନ୍ତି

Purple Crying: ଆପଣ ନିଶ୍ଚିତ ଭାବରେ ଘରର ବଡବଡୁଆଙ୍କଠାରୁ ଶୁଣିଥିବେ ଯେ ସନ୍ତାନ ଜନ୍ମ କରିବା ଏବଂ ସେମାନଙ୍କୁ ପ୍ରତିପୋଷଣ କରିବା କୌଣସି ଚ୍ୟାଲେଞ୍ଜଠାରୁ କମ୍ ନୁହେଁ । ଏହି ସମୟ ମଧ୍ୟରେ, ଗୋଟିଏ ଛୋଟ ଭୁଲ ପାଇଁ ଆପଣଙ୍କୁ ବହୁମୂଲ୍ୟ ଦେବାକୁ ପଡିପାରେ ।  ଏହା ମଧ୍ୟ କୁହାଯାଏ ଯେ ପିଲା ଜନ୍ମ ହେବା ସହିତ ପିତାମାତାଙ୍କ ପାଇଁ ଏକ ନୂତନ ଜୀବନ ଆରମ୍ଭ ହୁଏ । ପିତାମାତାମାନେ ଶିଶୁର ଲାଳନପାଳନରେ କୌଣସି ଅବହେଳା କରନ୍ତି ନାହିଁ  କିନ୍ତୁ ଏହା ସତ୍ୱେ ବେଳେବେଳେ ପିଲା କିଛି ସମୟ ପାଇଁ ଜୋରରେ କାନ୍ଦନ୍ତି ।  ଏଭଳି ପରିସ୍ଥିତିରେ ଅନେକ ଥର ଅଭିଭାବକମାନେ ସେମାନଙ୍କ ପିଲା କାନ୍ଦିବାର କାରଣ ବୁଝି ପାରନ୍ତି ନାହିଁ ।  ଯଦି ଆପଣ ମଧ୍ୟ ଏପରି ପରିସ୍ଥିତି ଦେଇ ଗତି କରୁଛନ୍ତି, ତେବେ ଏହି ଆର୍ଟିକିଲ୍ ସାହାଯ୍ୟରେ ଆପଣ ନିଜ ପିଲାଙ୍କ ସମସ୍ୟା ବୁଝି ପାରିବେ ।

କାନ୍ଦୁଥିବା ପିଲାକୁ ଶାନ୍ତ କରିବା ପାଇଁ ପିତାମାତା ପ୍ରାୟତଃ  ସେମାନଙ୍କୁ ବୁଲାଇବାକୁ ନିଅନ୍ତି ।  ଏହା ସହିତ, ଅନେକ ପିତାମାତା ମଧ୍ୟ ନିଜ ପିଲାମାନଙ୍କୁ ଗୀତା ଗାଇ ଶୁଣାନ୍ତି  । ଏହା ସତ୍ୱେ ଯେତେବେଳେ ପିଲାଟି କାନ୍ଦିବା ବନ୍ଦ କରେ ନାହିଁ, ସେତେବେଳେ ପିତାମାତା କିଛି ବୁଝି ପାରନ୍ତି ନାହିଁ । ଏଥିପାଇଁ ଅଭିଭାବକମାନେ ମଧ୍ୟ ଡାକ୍ତରଙ୍କ ସହିତ ପରାମର୍ଶ କରନ୍ତି । ଡାକ୍ତରମାନେ ଶିଶୁର କ୍ରମାଗତ କାନ୍ଦିବାକୁ ପର୍ପଲ କ୍ରାଇଂ ବୋଲି କୁହନ୍ତି । ଆଜି ଏହି ଆର୍ଟିକିଲରେ ଆମେ ଆପଣଙ୍କୁ ପର୍ପଲ କ୍ରାଇଂ ବାବଦରେ କିଛି କହିବୁ ଯାହା ପ୍ରତ୍ୟେକ ପିତାମାତା ଜାଣିବା ଉଚିତ ।

ପର୍ପଲ କ୍ରାଇଂ କ’ଣ?

ଶିଶୁଟି ଜନ୍ମ ହେବା ମାତ୍ରେ ବହୁ ସମୟ ଶୋଇଥାଏ । ପିଲାର ଶୋଇବା ଅଭ୍ୟାସକୁ ସହଜରେ ନିଆଯାଏ । କିନ୍ତୁ ପିଲା ଯଦି କାନ୍ଦିବା ଆରମ୍ଭ କରେ ଓ ବନ୍ଦ କରେନାହିଁ ତେବେ ଆମେ ବ୍ୟସ୍ତ ହୋଇଥାଉ । ଡାକ୍ତରୀ ଭାଷାରେ ଏହାକୁ ପର୍ପଲ କ୍ରାଇଂ ବୋଲି କୁହାଯାଏ । ଆସନ୍ତୁ ଜାଣିବା ପର୍ପଲ୍ କ୍ରାଇଂର ଲକ୍ଷଣ କ’ଣ ?

ପର୍ପଲ କ୍ରାଇଂର ଲକ୍ଷଣ କ’ଣ ?

ଯଦି ଆପଣଙ୍କର ପିଲା ଶାରୀରିକ ଭାବରେ ସକ୍ରିୟ ହେବା ପରେ ବି ବାରମ୍ବାର କାନ୍ଦିଥାଏ, ତେବେ ଏହା ପର୍ପଲ କ୍ରାଇଂର ଲକ୍ଷଣ ହୋଇପାରେ । ଏହା ପରେ, ଯଦି ଜନ୍ମର ଦ୍ୱିତୀୟ ସପ୍ତାହରେ ପିଲା ପାଖରେ ଏହି ଲକ୍ଷଣ ଦେଖାଯାଏ, ତେବେ ଏହା ପର୍ପଲ କ୍ରାଇଂ ହୋଇପାରେ ।

1. ସଠିକ୍ ଭାବରେ ଶୋଇବା ଅକ୍ଷମତା

2. ସର୍ବଦା ମୁଠି ବନ୍ଦ ରଖିବା

3. କ୍ଷୀରକୁ ସଠିକ୍ ଭାବରେ ନପିଇପାରିବା

4. କ୍ଷୀର ପିଇବା ପରେ ବାରମ୍ବାର ପାଟିରୁ ବାହାର କରିବା

ପର୍ପଲ କ୍ରାଇଂ ଲକ୍ଷଣ କେତେ ଦିନ ଦେଖାଯାଏ?

ପର୍ପଲ କ୍ରାଇଂ ପ୍ରାୟତଃ କେବଳ ନବଜାତ ଶିଶୁମାନଙ୍କଠାରେ ଦେଖାଯାଏ । ଶିଶୁର ଏହାର ଲକ୍ଷଣ ଜନ୍ମର ଦ୍ୱିତୀୟ ସପ୍ତାହରୁ ତିନିରୁ ଚାରି ମାସ ପର୍ଯ୍ୟନ୍ତ ରହିପାରେ । କେତେକ ପିଲାଙ୍କ ଜନ୍ମରୁ ୬ମାସ ପର୍ଯ୍ୟନ୍ତ ପର୍ପଲ କ୍ରାଇଂ ଲକ୍ଷଣ ଦେଖାଯାଏ ।

ପର୍ପଲ କ୍ରାଇଂ କୁ କିପରି ଠିକ୍ କରାଯିବ?

ଡାକ୍ତରମାନେ କହିଛନ୍ତି ଯେ 10 ଟି ପିଲାଙ୍କ ମଧ୍ୟରୁ 9 ଜଣଙ୍କଠାରେ ନିଶ୍ଚିତ ଭାବରେ ପର୍ପଲ କ୍ରାଇଂ ଲକ୍ଷଣ ଦେଖାଯାଏ। ଏହି ସମୟ ମଧ୍ୟରେ, ପିତାମାତାଙ୍କର ଭୟଭୀତ ହେବାର କୌଣସି ଆବଶ୍ୟକତା ନାହିଁ । ତଳେ ଦିଆଯାଇଥିବା  ଟିପ୍ସ ଦ୍ୱାରା, ଆପଣ ଶିଶୁର କାନ୍ଦିବା ସମସ୍ୟାର ସମାଧାନ କରିପାରିବେ ।

1. ଉଷୁମ ପାଣି ସେକ

ଜନ୍ମ ଠାରୁ ତିନିମାସ ପର୍ଯ୍ୟନ୍ତ, ଆପଣ ନବଜାତ ଶିଶୁକୁ ଉଷୁମ ପାଣି ସେକ ଦିଅନ୍ତୁ ।  ଅନେକ ଥର ପିଲାମାନଙ୍କ ପେଟରେ ଗ୍ୟାସ୍ ସୃଷ୍ଟି ହୁଏ ଯେଉଁଥିପାଇଁ ସେମାନେ କାନ୍ଦିବା ଆରମ୍ଭ କରନ୍ତି ।  ପିଲାମାନଙ୍କୁ ଏହି ସମସ୍ୟାରୁ ରକ୍ଷା କରିବା ପାଇଁ, ଆପଣ ସେମାନଙ୍କ ପେଟରେ ଉଷୁମ ପାଣି ସେକ ଦିଅନ୍ତୁ ।

2. ମସାଜ୍ କରନ୍ତୁ

ନବଜାତ ଶିଶୁମାନଙ୍କର ପାଦ, ହାତ ଏବଂ ପେଟକୁ ମାଲିସ୍ କରିବା ଦ୍ୱାରା ସେମାନଙ୍କର ହଜମ ପ୍ରକ୍ରିୟା ଭଲ ହୋଇଥାଏ | ଆପଣ ଶିଶୁକୁ ପ୍ରତିଦିନ ଉଷୁମ ତେଲ ସହିତ ମାଲିସ୍ କରିପାରିବେ ।

3. ପିଲାକୁ ପେଟେଇ ଶୋଇବାକୁ ଦିଅନ୍ତୁ

ଯଦି ପିଲାଟି ଦୀର୍ଘ ସମୟ ପର୍ଯ୍ୟନ୍ତ କାନ୍ଦିବାକୁ ଲାଗେ, ତେବେ ତାଙ୍କୁ ଶାନ୍ତ କରିବା ପାଇଁ ତାଙ୍କୁ ପେଟେଇ ଶୁଆଇ ଦିଅନ୍ତୁ । ଏହା କରିବା ଦ୍ୱାରା ପିଲାମାନେ ପର୍ପଲ କ୍ରାଇଂ ସମସ୍ୟାରୁ ମୁକ୍ତି ପାଆନ୍ତି