ਕੰਗਨਾ ਰਣੌਤ ਦੇ ਹੱਕ `ਤੇ ਨਿਤਰਿਆ ਭਾਜਪਾ ਯੂਵਾ ਮੋਰਚਾ, ਉੱਧਵ ਠਾਕਰੇ ਦਾ ਫੂਕਿਆ ਪੁਤਲਾ
ਉਨ੍ਹਾਂ ਵੱਲੋਂ ਚੰਡੀਗੜ ਭਾਜਪਾ ਦਫ਼ਤਰ ਤੋਂ ਉੱਧਵ ਠਾਕਰੇ ਦੀ ਅਰਥੀ ਬਣਾ ਕੇ ਮਾਰਚ ਕੀਤਾ ਗਿਆ ਅਤੇ ਅਰਥੀ ਨੂੰ ਸਾੜ ਕੇ ਰੋਸ ਪ੍ਰਦਰਸ਼ਨ ਕੀਤਾ ਗਿਆ।
ਨੀਤਿਕਾ ਮਹੇਸ਼ਵਰੀ/ ਚੰਡੀਗੜ: ਚੰਡੀਗੜ 'ਚ ਭਾਜਪਾ ਯੁਵਾ ਮੋਰਚਾ ਦੇ ਵਰਕਰਾਂ ਵੱਲੋਂ ਉੱਧਵ ਸਰਕਾਰ ਅਤੇ ਸ਼ਿਵਸੇਨਾ ਦੇ ਖਿਲਾਫ ਰੋਸ ਮੁਜ਼ਾਹਰਾ ਕੀਤਾ ਗਿਆ ਅਤੇ ਕੰਗਣਾ ਰਨੌਤ ਦੇ ਸਮਰਥਨ ਵਿੱਚ ਨਾਅਰੇ ਲਗਾਏ ਗਏ। ਉਨ੍ਹਾਂ ਵੱਲੋਂ ਚੰਡੀਗੜ ਭਾਜਪਾ ਦਫ਼ਤਰ ਤੋਂ ਉੱਧਵ ਠਾਕਰੇ ਦੀ ਅਰਥੀ ਬਣਾ ਕੇ ਮਾਰਚ ਕੀਤਾ ਗਿਆ ਅਤੇ ਅਰਥੀ ਨੂੰ ਸਾੜ ਕੇ ਰੋਸ ਪ੍ਰਦਰਸ਼ਨ ਕੀਤਾ ਗਿਆ।
ਭਾਜਪਾ ਯੁਵਾ ਮੋਰਚਾ ਦੇ ਵਰਕਰਾਂ ਨੇ ਕਿਹਾ ਕਿ ਅਸੀ ਇਸ ਮੁੱਦੇ ਉੱਤੇ ਰਾਜਨੀਤੀ ਨਹੀਂ ਕਰ ਰਹੇ ਹਾਂ ਰਾਜਨੀਤੀ ਤਾਂ ਸ਼ਿਵਸੇਨਾ ਨੇ ਕੀਤੀ ਹੈ ਅਤੇ ਬਦਲੇ ਦੀ ਕਾਰਵਾਈ ਉਨ੍ਹਾਂ ਦੀ ਵੱਲੋਂ ਕੀਤੀ ਗਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਕੰਗਣਾ ਰਨੌਤ ਦੇਸ਼ ਦੀ ਧੀ ਹੈ ਇਸਲਈ ਅਸੀ ਉਨ੍ਹਾਂ ਦੇ ਨਾਲ ਖੜੇ ਹਾਂ ਕਿਉਂਕਿ ਉਹ ਸੱਚ ਦੇ ਨਾਲ ਖੜੀ ਹੈ।
ਭਾਜਪਾ ਯੁਵਾ ਮੋਰਚੇ ਵੱਲੋਂ ਪ੍ਰਦਰਸ਼ਨ ਕਰਨ ਦੌਰਾਨ ਪੁਲਿਸ ਕਰਮੀਆਂ ਦੇ ਨਾਲ ਉਨ੍ਹਾਂ ਦੀ ਬਹਿਸ ਵੀ ਹੋਈ ਕਿਉਂਕਿ ਕਰੋਨਾ ਕਾਲ ਦੇ ਚਲਦੇ ਉਨ੍ਹਾਂ ਨੇ ਪੁੱਛਿਆ ਕਿ ਕੀ ਪ੍ਰਦਰਸ਼ਨ ਦੀ ਆਗਿਆ ਲਈ ਹੋਈ ਹੈ। ਇਸ ਨ੍ਹੂੰ ਲੈ ਕੇ ਬਹਿਸ ਹੋਈ ਅਤੇ ਪੁਲਿਸ ਨੇ ਕਰਮਚਾਰੀਆਂ ਨੂੰ ਸੇਕਟਰ 33 ਦੇ ਚੌਕ 'ਤੇ ਹੀ ਰੋਕ ਲਿਆ, ਜਿੱਥੇ ਵਰਕਰਾਂ ਨੇ ਉੱਧਵ ਠਾਕਰੇ ਦਾ ਪੁਤਲਾ ਸਾੜ ਕੇ ਊਧਵ ਠਾਕਰੇ ਖਿਲਾਫ ਜੰਮ ਕੇ ਨਾਅਰੇਬਾਜ਼ੀ ਕੀਤੀ।
Watch Live Tv-