Sri Akal Takht Sahib Letter: ਅਕਾਲ ਤਖ਼ਤ ਸਾਹਿਬ ਵੱਲੋਂ ਲਿਖੀ ਚਿੱਠੀ ਹੋਈ ਜਨਤਕ, ਚਿੱਠੀ ਵਿੱਚ ਇਨ੍ਹਾਂ ਮੰਤਰੀ ਨੂੰ ਪੇਸ਼ ਹੋਣ ਦੇ ਹੁਕਮ ਦਿੱਤੇ
Sri Akal Takht Sahib Letter: ਜਿਸ ਚਿੱਠੀ ਵਿਚ ਸਾਲ 2007 ਤੋਂ 2017 ਤਕ ਦੇ ਬਾਦਲ ਸਰਕਾਰ ਦੇ ਕਾਰਜਕਾਲ ਦੌਰਾਨ ਮੰਤਰੀ ਰਹੇ 17 ਹੋਰਨਾ ਕੋਲੋਂ ਵੀ ਸਪੱਸ਼ਟੀਕਰਨ ਮੰਗਿਆ ਗਿਆ ਹੈ।
Sri Akal Takht Sahib: ਸ੍ਰੀ ਅਕਾਲ ਤਖਤ ਸਾਹਿਬ ਵੱਲੋਂ ਸੁਖਬੀਰ ਸਿੰਘ ਬਾਦਲ ਨੂੰ ਤਨਖਈਆ ਕਰਾਰ ਦੇਣ ਤੋਂ ਬਾਅਦ ਅਤੇ ਬਾਕੀਆਂ ਮੰਤਰੀਆਂ ਨੂੰ ਲਿਖੀ ਗਈ ਚਿੱਠੀ ਦੀ Exclusive ਜ਼ੀ ਮੀਡੀਆ ਕੋਲ ਮੌਜ਼ੂਦ ਹੈ। ਇਸ ਚਿੱਠੀ ਵਿੱਚ 17 ਸਾਬਕਾ ਮੰਤਰੀਆਂ ਨੂੰ 15 ਦਿਨਾਂ ਦੇ ਅੰਦਰ-ਅੰਦਰ ਸ੍ਰੀ ਅਕਾਲ ਤਖਤ ਸਾਹਿਬ ਵਿਖੇ ਨਿੱਜੀ ਤੌਰ ਤੇ ਪੇਸ਼ ਹੋ ਕੇ ਦੇਣ ਆਪਣਾ ਸਪਸ਼ਟੀਕਰਨ ਪੇਸ਼ ਕਰਨ ਲਈ ਆਖਿਆ ਗਿਆ ਹੈ।
ਇਸ ਚਿੱਠੀ ਵਿੱਚ ਲਿਖਿਆ ਗਿਆ ਹੈ ਕਿ ਆਪ ਨੂੰ ਸੂਚਿਤ ਕੀਤਾ ਜਾਂਦਾ ਹੈ ਕਿ ਮਿਤੀ ੧੫ ਭਾਦੋਂ ਨਾਨਕਸ਼ਾਹੀ ਸੰਮਤ ੫੫੬ ਮੁਤਾਬਿਕ ੩੦ ਅਗਸਤ ੨੦੨੪ ਨੂੰ ਪੰਜ ਸਿੰਘ ਸਾਹਿਬਾਨ ਦੀ ਇਕੱਤਰਤਾ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਿਖੇ ਹੋਈ। ਜਿਸ ਵਿਚ ਸ਼੍ਰੋਮਣੀ ਅਕਾਲੀ ਦਲ ਦਾ ਕੇਸ ਵਿਚਾਰਿਆ ਗਿਆ।ਪੰਜ ਸਿੰਘ ਸਾਹਿਬਾਨ ਵੱਲੋਂ ਸਰਬ ਸੰਮਤੀ ਨਾਲ ਹੋਏ ਫੈਸਲੇ ਮੁਤਾਬਿਕ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ ਦੇ ਨਾਲ ਉਸ ਸਮੇਂ ਕੈਬਿਨਟ ਮੰਤਰੀ ਵਜੋਂ ਆਪ ਵੀ ਬਰਾਬਰ ਦੇ ਜਿੰਮੇਵਾਰ ਹੋ।ਜਿਸ ਲਈ ਆਪ ਨੇ ਆਪਣਾ ਸਪੱਸ਼ਟੀਕਰਨ ੧੫ ਦਿਨਾਂ ਦੇ ਅੰਦਰ-ਅੰਦਰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਜੀ ਵਿਖੇ ਨਿੱਜੀ ਰੂਪ ਵਿਚ ਪੇਸ਼ ਹੋ ਕੇ ਦੇਣਾ ਹੈ।
1.ਉਪਿੰਦਰਜੀਤ ਕੌਰ
2.ਆਦੇਸ਼ ਪ੍ਰਤਾਪ ਸਿੰਘ ਕੈਰੋਂ
3.ਗੁਲਜਾਰ ਸਿੰਘ ਰਣੀਕੇ
4.ਪਰਮਿੰਦਰ ਸਿੰਘ
5.ਸੁੱਚਾ ਸਿੰਘ ਲੰਗਾਹ
6.ਜਨਮੇਜਾ ਸਿੰਘ
7.ਹੀਰਾ ਸਿੰਘ
8.ਸਰਵਨ ਸਿੰਘ ਫਲੌਰ
9.ਸੋਹਨ ਸਿੰਘ
10.ਦਲਜੀਤ ਸਿੰਘ
11.ਸਿਕੰਦਰ ਸਿੰਘ ਮਲੂਕਾ
12.ਬੀਬੀ ਜਗੀਰ ਕੌਰ
13.ਬਿਕਰਮ ਸਿੰਘ ਮਜੀਠੀਆ
14.ਮਨਪ੍ਰੀਤ ਸਿੰਘ ਬਾਦਲ
15.ਸ਼ਰਨਜੀਤ ਸਿੰਘ
16.ਸੁਰਜੀਤ ਸਿੰਘ
17.ਮਹੇਸ਼ਇੰਦਰ ਸਿੰਘ
ਦੱਸਦਈਏ ਕਿ ਸੁਖਬੀਰ ਸਿੰਘ ਬਾਦਲ ਤਨਖਈਆ ਕਰਾਰ ਹੋਣ ਮਗਰੋਂ ਆਪਣਾ ਮੁਆਫੀਨਾਮਾ ਸ੍ਰੀ ਅਕਾਲ ਤਖਤ ਸਾਹਿਬ ਵਿਖੇ ਪਹਿਲਾਂ ਹੀ ਦੇ ਚੁੱਕੇ ਹਨ। ਇਸ ਤੋਂ ਇਲਾਵਾ ਸਾਬਕਾ ਕੈਬਨਿਟ ਮੰਤਰੀ ਸ਼ਰਨਜੀਤ ਸਿੰਘ, ਡਾ. ਦਲਜੀਤ ਸਿੰਘ, ਮਹੇਸ਼ਇੰਦਰ ਸਿੰਘ ਅਤੇ ਗੁਲਜਾਰ ਸਿੰਘ ਰਣੀਕੇ ਵਲੋਂ ਅਪਣਾ ਸਪੱਸ਼ਟੀਕਰਨ ਅਕਾਲ ਤਖ਼ਤ ਦੇ ਦਫ਼ਤਰ ਵਿਖੇ ਸੋਂਪ ਦਿਤਾ ਗਿਆ ਹੈ ਅਤੇ ਬਾਕੀ ਦੇ ਸਾਬਕਾ ਮੰਤਰੀਆਂ ਦੇ ਸਪੱਸ਼ਟੀਕਰਨ ਦਿੱਤੇ ਜਾਣ ਹਾਲੇ ਬਾਕੀ ਹਨ। ਜ਼ਿਕਰਯੋਗ ਹੈ ਕਿ ਇਸ ਲਿਸਟ ਵਿਚੋਂ ਬੀਬੀ ਜਗੀਰ ਕੌਰ ਅਤੇ ਪਰਮਿੰਦਰ ਸਿੰਘ ਢੀਂਡਸਾ ਅਕਾਲੀ ਦਲ ਦੇ ਬਾਗੀ ਧੜ੍ਹੇ ਵਿਚ ਸ਼ਾਮਲ ਹਨ। ਸਿਕੰਦਰ ਸਿੰਘ ਮਲੂਕਾ, ਆਦੇਸ਼ ਪ੍ਰਤਾਪ ਸਿੰਘ ਕੈਰੋਂ ਤੇ ਸੁੱਚਾ ਸਿੰਘ ਲੰਗਾਹ ਬਾਦਲ ਦਲ ਨਾਲੋਂ ਨਰਾਜ਼ ਚੱਲ ਰਹੇ ਹਨ, ਜਦਕਿ ਮਨਪ੍ਰੀਤ ਸਿੰਘ ਬਾਦਲ ਅਕਾਲੀ ਦਲ ਨੂੰ ਅਲਵਿਦਾ ਆਖ ਕੇ ਭਾਜਪਾ ਵਿਚ ਸ਼ਾਮਲ ਹੋ ਚੁੱਕੇ ਹਨ।