Free Visa Country: ਜੇਕਰ ਤੁਸੀਂ ਵੀ ਘੁੰਮਣ ਦੇ ਸ਼ੌਕੀਨ ਹੋ ਅਤੇ ਭਾਰਤ ਤੋਂ ਬਾਹਰ ਘੁੰਮਣਾ ਚਾਹੁੰਦੇ ਹੋ, ਤਾਂ ਤੁਸੀਂ ਆਪਣਾ ਪਾਸਪੋਰਟ ਬਣਾ ਸਕਦੇ ਹੋ ਅਤੇ ਬਿਨ੍ਹਾ ਵੀਜ਼ਾ ਦੇ ਘੁੰਮਣ ਜਾ ਸਕਦੇ ਹੋ। ਪਾਸਪੋਰਟ ਦੇ ਆਧਾਰ 'ਤੇ ਤੁਸੀਂ ਕਿੰਨੇ ਦੇਸ਼ ਘੁੰਮ ਸਕਦੇ ਹੋ। ਇਹ ਇਸ ਗੱਲ 'ਤੇ ਨਿਰਭਰ ਕਰਦਾ ਹੈ ਕਿ ਤੁਹਾਡਾ ਪਾਸਪੋਰਟ ਕਿੰਨਾ ਮਜ਼ਬੂਤ ​​ਹੈ ਅਤੇ ਇਹ ਕਿਸ ਦੇਸ਼ ਨਾਲ ਸਬੰਧਤ ਹੈ। ਆਓ ਦੁਨੀਆ ਦੇ ਸ਼ਕਤੀਸ਼ਾਲੀ ਪਾਸਪੋਰਟਾਂ ਅਤੇ ਉਨ੍ਹਾਂ ਦੀ ਰੈਂਕਿੰਗ ਨੂੰ ਵੇਖੀਏ।


COMMERCIAL BREAK
SCROLL TO CONTINUE READING

ਪਾਸਪੋਰਟ ਸਬੰਧੀ ਰੈਕਿੰਗ ਹੈਨਲੇ ਐਂਡ ਪਾਰਟਨਰਜ਼ ਇੰਟਰਨੈਸ਼ਨਲ ਸਰਵੇ ਕੰਪਨੀ ਵੱਲੋਂ ਜਾਰੀ ਕੀਤੀ ਜਾਂਦੀ ਹੈ। ਸਾਲ 2024 ਦੀ ਰਿਪੋਰਟ ਮੁਤਾਬਕ ਸਭ ਤੋਂ ਸ਼ਕਤੀਸ਼ਾਲੀ ਪਾਸਪੋਰਟ ਫਰਾਂਸ ਦਾ ਹੈ। ਫ੍ਰੈਂਚ ਪਾਸਪੋਰਟ ਰੱਖਣ ਵਾਲੇ ਲੋਕ ਬਿਨ੍ਹਾ ਵੀਜ਼ਾ 194 ਦੇਸ਼ਾਂ ਦੀ ਯਾਤਰਾ ਕਰ ਸਕਦੇ ਹਨ। ਕਿਸੇ ਵੀ ਦੇਸ਼ ਦੇ ਪਾਸਪੋਰਟ ਦੀ ਮਜ਼ਬੂਤੀ ਇਸ ਗੱਲ ਤੋਂ ਨਿਰਧਾਰਿਤ ਹੁੰਦੀ ਹੈ ਕਿ ਕੋਈ ਵੀਜ਼ਾ ਉਸ ਪਾਸਪੋਰਟ ਦੀ ਵਰਤੋਂ ਕਰਕੇ ਕਿੰਨੇ ਦੇਸ਼ਾਂ ਦੀ ਯਾਤਰਾ ਕਰ ਸਕਦਾ ਹੈ।


ਇਸ ਤੋਂ ਬਾਅਦ ਜਰਮਨੀ, ਫਿਰ ਇਟਲੀ, ਜਾਪਾਨ ਅਤੇ ਸਿੰਗਾਪੁਰ ਦਾ ਨੰਬਰ ਆਉਂਦਾ ਹੈ। ਰਿਪੋਰਟ ਵਿੱਚ ਫਿਨਲੈਂਡ, ਦੱਖਣੀ ਕੋਰੀਆ ਅਤੇ ਸਵੀਡਨ ਦੂਜੇ ਨੰਬਰ 'ਤੇ ਹਨ। ਆਸਟਰੀਆ 192 ਮੁਫਤ ਵੀਜ਼ਾ ਸਥਾਨਾਂ ਦੇ ਨਾਲ ਤੀਜੇ ਸਥਾਨ 'ਤੇ ਹੈ।


ਭਾਰਤੀ ਪਾਸਪੋਰਟ ਦੀ ਰੈਕਿੰਗ


ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਸਾਲ ਭਾਰਤ ਦੀ ਸਥਿਤੀ ਲੜ-ਖੜਾਈ ਹੈ। ਹੈਨਲੇ ਦੀ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਭਾਰਤ ਪਿਛਲੇ ਸਾਲ ਦੇ ਮੁਕਾਬਲੇ ਇੱਕ ਸਥਾਨ ਹੇਠਾਂ ਖਿਸਕ ਗਿਆ ਹੈ ਪਰ ਭਾਰਤੀ ਪਾਸਪੋਰਟ ਦੀ ਵਰਤੋਂ ਕਰਕੇ ਵੀਜ਼ਾ ਮੁਕਤ ਦੇਸ਼ਾਂ ਦੀ ਯਾਤਰਾ ਕਰਨ ਵਾਲੇ ਲੋਕਾਂ ਦੀ ਗਿਣਤੀ ਵਿੱਚ ਵਾਧਾ ਹੋਇਆ ਹੈ। ਜਦੋਂ ਕਿ ਪਿਛਲੇ ਸਾਲ ਪਾਸਪੋਰਟ ਧਾਰਕ 60 ਦੇਸ਼ਾਂ ਦੀ ਮੁਫਤ ਯਾਤਰਾ ਕਰ ਸਕਦੇ ਸਨ, ਇਸ ਸਾਲ ਇਹ ਅੰਕੜਾ 62 ਹੋ ਗਿਆ ਹੈ। ਇਸ ਵਾਰ ਭਾਰਤ ਦੀ ਰੈਂਕਿੰਗ 85 ਹੈ।


ਪਾਕਿਸਤਾਨੀ ਪਾਸਪੋਰਟ ਦੀ ਰੈਕਿੰਗ


ਇਸ ਰਿਪੋਰਟ 'ਚ ਪਾਕਿਸਤਾਨ ਭਾਰਤ ਤੋਂ ਕਾਫੀ ਪਿੱਛੇ ਹੈ ਅਤੇ ਇਸ ਵਾਰ ਵੀ ਉਹ 106ਵੇਂ ਸਥਾਨ 'ਤੇ ਹੈ ਜਦਕਿ ਪਾਕਿਸਤਾਨ ਦੇ ਪਾਸਪੋਰਟ ਨਾਲ ਸਿਰਫ 34 ਦੇਸ਼ਾਂ ਦੀ ਵੀਜ਼ਾ ਮੁਫਤ ਯਾਤਰਾ ਕੀਤੀ ਜਾ ਸਕਦੀ ਹੈ। ਪਿਛਲੀ ਵਾਰ ਦੀ ਤਰ੍ਹਾਂ ਆਪਣੀ ਸਥਿਤੀ ਬਰਕਰਾਰ ਰੱਖਦੇ ਹੋਏ ਪਾਕਿਸਤਾਨ ਇਸ ਸੂਚੀ 'ਚ ਹੇਠਲੇ ਤੋਂ ਚੌਥੇ ਸਥਾਨ 'ਤੇ ਹੈ।


ਚੀਨ ਅਤੇ ਅਮਰੀਕਾ ਦੀ ਦਰਜਾਬੰਦੀ


ਚੀਨ ਦੀ ਰੈਂਕਿੰਗ 'ਚ ਸੁਧਾਰ ਹੋਇਆ ਹੈ। ਪਿਛਲੇ ਸਾਲ ਇਹ 66ਵੇਂ ਸਥਾਨ 'ਤੇ ਸੀ, ਇਸ ਵਾਰ 64ਵੇਂ ਸਥਾਨ 'ਤੇ ਪਹੁੰਚ ਗਿਆ ਹੈ। ਇਸ ਸੂਚੀ 'ਚ ਅਮਰੀਕਾ 6ਵੇਂ ਸਥਾਨ 'ਤੇ ਪਹੁੰਚ ਗਿਆ ਹੈ। ਅਮਰੀਕੀ ਹੁਣ ਬਿਨ੍ਹਾ ਵੀਜ਼ਾ 189 ਦੇਸ਼ਾਂ ਦੀ ਯਾਤਰਾ ਕਰ ਸਕਦੇ ਹਨ।


ਇਸ ਸਿਲਸਿਲੇ ਵਿੱਚ ਭਾਰਤ ਦੇ ਗੁਆਂਢੀ ਦੇਸ਼ ਮਾਲਦੀਵ ਦਾ ਪਾਸਪੋਰਟ ਆਪਣੀ ਤਾਕਤ ਨੂੰ ਬਰਕਰਾਰ ਰੱਖਦੇ ਹੋਏ ਕੁੱਲ 92 ਵੀਜ਼ਾ ਮੁਕਤ ਯਾਤਰਾ ਸਥਾਨਾਂ ਦੇ ਨਾਲ 58ਵੇਂ ਸਥਾਨ 'ਤੇ ਬਣਿਆ ਹੋਇਆ ਹੈ।


ਤੁਹਾਨੂੰ ਦੱਸ ਦੇਈਏ ਕਿ ਹੈਨਲੇ ਪਾਸਪੋਰਟ ਇੰਡੈਕਸ ਪਿਛਲੇ 19 ਸਾਲਾਂ ਦੇ ਅੰਕੜਿਆਂ ਤੋਂ ਆਪਣੀ ਰਿਪੋਰਟ ਤਿਆਰ ਕਰਦਾ ਹੈ। ਇਸਦੇ ਅੰਕੜੇ ਦਰਸਾਉਂਦੇ ਹਨ ਕਿ ਪਿਛਲੇ 20 ਸਾਲਾਂ ਵਿੱਚ ਇਸ ਗਲੋਬਲ ਡਾਇਨਾਮਿਕ ਵਿੱਚ ਵੱਡੇ ਬਦਲਾਅ ਹੋਏ ਹਨ। ਪਹਿਲਾਂ ਲੋਕ ਔਸਤਨ 58 ਦੇਸ਼ਾਂ ਦੀ ਵੀਜ਼ਾ ਮੁਫਤ ਯਾਤਰਾ ਕਰ ਸਕਦੇ ਸਨ, ਹੁਣ ਇਹ ਗਿਣਤੀ ਵਧ ਕੇ 111 ਹੋ ਗਈ ਹੈ।