One Mistake should not define the Cricketer,ਤੇਜ਼ ਗੇਦਬਾਜ਼ ਅਰਸ਼ਦੀਪ ਸਿੰਘ ਦੇ ਹੱਕ `ਚ ਆਏ ਕ੍ਰਿਕਟਰ ਤੇ ਲੋਕ

ਏਸ਼ੀਆ ਕੱਪ ਵਿੱਚ ਭਾਰਤ-ਪਾਕਿਸਤਾਨ ਦੇ ਮੈਚ ਦੌਰਾਨ ਤੇਜ਼ ਗੇਦਬਾਜ਼ ਅਰਸ਼ਦੀਪ ਸਿੰਘ ਤੋਂ ਆਸਿਫ ਅਲੀ ਦਾ ਕੈਚ ਛੱਡੇ ਜਾਣ ਬਾਅਦ ਮੈਚ ਦੇਖ ਰਹੇ ਭਾਰਤੀ ਪ੍ਰਸ਼ੰਸਕਾਂ ਨੇ ਟਵਿੱਟਰ `ਤੇ ਅਰਸ਼ਦੀ ਸਿੰਘ ਦਾ ਵਿਰੋਧ ਕੀਤਾ ਤੇ ਮੀਮਜ਼ ਸਾਂਝੇ ਕੀਤੇ, ਕ੍ਰਿਕਟਰ ਨੂੰ ਟ੍ਰੋਲ ਕੀਤਾ ਅਤੇ ਗਾਲ੍ਹਾਂ ਕੱਢੀਆਂ। ਜਿਸ ਤੋਂ ਬਾਅਦ ਇੱਕ ਇੱਕ ਕਰਕੇ ਭਾਰਤੀ ਕ੍ਰਿਕਟਰ ਤੇ ਲੋਕ ਅਰਸ਼ਦੀਪ ਸਿੰਘ ਦੇ ਹੱਕ `ਚ ਆਏ।

ਚੰਡੀਗੜ੍ਹ- ਐਤਵਾਰ ਨੂੰ ਚੱਲ ਰਹੇ ਏਸ਼ੀਆ ਕੱਪ ਵਿੱਚ ਭਾਰਤ-ਪਾਕਿਸਤਾਨ ਦੇ ਸੁਪਰ 4 ਮੈਚ ਵਿੱਚ ਦੋਵੇਂ ਧਿਰਾਂ ਨੇ ਰੋਮਾਂਚਕ ਖੇਡ ਖੇਡੀ ਅਤੇ ਅੰਤ ਵਿੱਚ, ਪਾਕਿਸਤਾਨ ਨੇ ਪੰਜ ਵਿਕਟਾਂ ਨਾਲ ਜਿੱਤ ਦਰਜ ਕੀਤੀ। ਹੁਣ ਭਾਰਤ ਨੂੰ ਫਾਈਨਲ 'ਚ ਜਗ੍ਹਾ ਬਣਾਉਣ ਲਈ ਸ਼੍ਰੀਲੰਕਾ ਅਤੇ ਅਫਗਾਨਿਸਤਾਨ ਵਿਰੁੱਧ ਆਪਣੇ ਮੈਚ ਜਿੱਤਣੇ ਹੋਣਗੇ। 
ਹਾਲਾਂਕਿ, ਖੇਡ ਦਾ ਸਭ ਤੋਂ ਵੱਡਾ ਚਰਚਾ ਪਾਰੀ ਦੇ 18ਵੇਂ ਓਵਰ ਵਿੱਚ ਹੋਇਆ ਜਦੋਂ ਨੌਜਵਾਨ ਤੇਜ਼ ਗੇਂਦਬਾਜ਼ ਅਰਸ਼ਦੀਪ ਸਿੰਘ ਨੇ ਰਵੀ ਬਿਸ਼ਨੋਈ ਦੀ ਗੇਂਦਬਾਜ਼ੀ 'ਤੇ ਆਸਿਫ ਅਲੀ ਦਾ ਕੈਚ ਛੱਡ ਦਿੱਤਾ। ਨਤੀਜੇ ਵਜੋਂ ਆਸਿਫ ਅਲੀ ਨੂੰ ਜੀਵਨ ਮਿਲਿਆ। ਆਸਿਫ਼ ਅਲੀ ਨੇ ਮੌਕੇ ਦਾ ਵੱਧ ਤੋਂ ਵੱਧ ਫਾਇਦਾ ਉਠਾਇਆ ਅਤੇ ਭਾਰਤ ਨੂੰ  ਪੰਜ ਵਿਕਟਾਂ ਨਾਲ ਹਰਾਉਣ ਵਿੱਚ ਮਦਦ ਕੀਤੀ।

ਅਰਸ਼ਦੀਪ ਦੇ ਕੈਚ ਛੱਡਣ ਤੋਂ ਬਾਅਦ, ਮੈਚ ਦੇਖ ਰਹੇ ਭਾਰਤੀ ਪ੍ਰਸ਼ੰਸਕਾਂ ਨੇ ਟਵਿੱਟਰ 'ਤੇ ਮੀਮਜ਼ ਸਾਂਝੇ ਕੀਤੇ, ਕ੍ਰਿਕਟਰ ਨੂੰ ਟ੍ਰੋਲ ਕੀਤਾ ਅਤੇ ਗਾਲ੍ਹਾਂ ਕੱਢੀਆਂ। ਕਈਆਂ ਨੇ ਉਸ ਨੂੰ ਦੇਸ਼ ਵਿਰੋਧੀ ਟੈਗ ਵੀ ਕੀਤਾ। ਹਾਲਾਂਕਿ, ਕਈ ਅਜਿਹੇ ਵੀ ਸਨ ਜੋ ਅਰਸ਼ਦੀਪ ਦੇ ਸਮਰਥਨ ਵਿੱਚ ਇਹ ਕਹਿੰਦੇ ਹੋਏ ਆਏ ਇੱਕ ਗਲਤੀ ਨਾਲ ਕ੍ਰਿਕਟਰ ਨੂੰ ਪਰਿਭਾਸ਼ਤ ਨਹੀਂ ਕਰਨਾ ਚਾਹੀਦਾ। 

ਹਾਲਾਂਕਿ, ਅਰਸ਼ਦੀਪ ਆਪਣੇ ਆਖ਼ਰੀ ਓਵਰ ਦੌਰਾਨ ਵਿਕਟ ਲੈਣ 'ਚ ਸਫਲ ਰਹੇ। ਪਰ ਉਹ ਸੱਤ ਦੌੜਾਂ ਦਾ ਬਚਾਅ ਕਰਨ ਵਿੱਚ ਅਸਫਲ ਰਹੇ ਅਤੇ ਪਾਕਿਸਤਾਨ ਨੇ ਇਹ ਮੈਚ 5 ਵਿਕਟਾਂ ਨਾਲ ਜਿੱਤ ਲਿਆ। ਅਰਸ਼ਦੀਪ ਨੇ ਪਾਰੀ ਦੌਰਾਨ ਗੇਂਦਬਾਜ਼ੀ ਰਾਹੀ 3.5 ਓਵਰਾਂ ਵਿੱਚ 27 ਦੌੜਾਂ ਦੇ ਕੇ ਆਸਿਫ਼ ਦਾ ਵਿਕਟ ਲਿਆ।

ਵਿਰਾਟ ਕੋਹਲੀ ਆਏ ਅਰਸ਼ਦੀਪ ਸਿੰਘ ਦੇ ਹੱਕ 'ਚ

ਮੈਚ ਤੋਂ ਬਾਅਦ ਦੀ ਪ੍ਰੈਸ ਕਾਨਫਰੰਸ ਵਿੱਚ ਬੋਲਦਿਆਂ, ਭਾਰਤੀ ਬੱਲੇਬਾਜ਼ ਵਿਰਾਟ ਕੋਹਲੀ ਨੇ ਵੀ ਅਰਸ਼ਦੀਪ ਲਈ ਆਪਣਾ ਸਮਰਥਨ ਜ਼ਾਹਰ ਕਰਦੇ ਹੋਏ ਕਿਹਾ: "ਕੋਈ ਵੀ ਗਲਤੀ ਕਰ ਸਕਦਾ ਹੈ, ਸਥਿਤੀ ਤੰਗ ਸੀ। ਇਹ ਇੱਕ ਉੱਚ ਦਬਾਅ ਵਾਲੀ ਖੇਡ ਸੀ ਅਤੇ ਗਲਤੀਆਂ ਹੋ ਸਕਦੀਆਂ ਹਨ। ਮੈਨੂੰ ਅਜੇ ਵੀ ਯਾਦ ਹੈ। ਮੈਂ ਆਪਣੀ ਪਹਿਲੀ ਚੈਂਪੀਅਨਸ ਟਰਾਫੀ ਖੇਡ ਰਿਹਾ ਸੀ ਅਤੇ ਮੈਚ ਪਾਕਿਸਤਾਨ ਦੇ ਖਿਲਾਫ ਸੀ, ਮੈਂ ਸ਼ਾਹਿਦ ਅਫਰੀਦੀ ਦੇ ਖਿਲਾਫ ਬਹੁਤ ਖਰਾਬ ਸ਼ਾਟ ਖੇਡਿਆ ਸੀ, ਮੈਂ ਸਵੇਰੇ 5 ਵਜੇ ਤੱਕ ਛੱਤ ਨੂੰ ਦੇਖ ਰਿਹਾ ਸੀ, ਮੈਨੂੰ ਨੀਂਦ ਨਹੀਂ ਆ ਰਹੀ ਸੀ ਅਤੇ ਮੈਂ ਸੋਚਿਆ ਕਿ ਮੇਰਾ ਕਰੀਅਰ ਖਤਮ ਹੋ ਗਿਆ ਹੈ ਪਰ ਇਹ ਚੀਜ਼ਾਂ ਹਨ ਕੁਦਰਤੀ। ਸੀਨੀਅਰ ਖਿਡਾਰੀ ਤੁਹਾਡੇ ਆਲੇ-ਦੁਆਲੇ ਮਿਲਦੇ ਹਨ, ਇਸ ਸਮੇਂ ਟੀਮ ਵਿੱਚ ਚੰਗਾ ਮਾਹੌਲ ਹੈ, ਮੈਂ ਕਪਤਾਨ ਅਤੇ ਕੋਚ ਨੂੰ ਇਸ ਦਾ ਸਿਹਰਾ ਦਿੰਦਾ ਹਾਂ। ਖਿਡਾਰੀ ਆਪਣੀਆਂ ਗਲਤੀਆਂ ਤੋਂ ਸਿੱਖਦੇ ਹਨ। 

ਸਾਬਕਾ ਸਪਿਨਰ ਹਰਭਜਨ ਸਿੰਘ ਨੇ ਕੀਤਾ ਅਰਸ਼ਦੀਪ ਸਿੰਘ ਦੇ ਹੱਕ 'ਚ ਟਵੀਟ

ਹੁਣ ਭਾਰਤ ਦੇ ਸਾਬਕਾ ਸਪਿਨਰ ਹਰਭਜਨ ਸਿੰਘ ਵੀ ਅਰਸ਼ਦੀਪ ਦੇ ਬਚਾਅ 'ਚ ਆਏ ਉਨ੍ਹਾਂ ਕਿਹਾ ਹੈ ਕਿ ਕੋਈ ਵੀ ਵਿਅਕਤੀ ਜਾਣਬੁੱਝ ਕੇ ਕੈਚ ਨਹੀਂ ਸੁੱਟਦਾ ਅਤੇ ਨੌਜਵਾਨ ਤੇਜ਼ ਗੇਂਦਬਾਜ਼ ਦੀ ਆਲੋਚਨਾ ਨਹੀਂ ਕੀਤੀ ਜਾਣੀ ਚਾਹੀਦੀ।

ਇੱਕ ਤੋਂ ਬਾਅਦ ਇੱਕ ਖਿਡਾਰੀ, ਕ੍ਰਿਕੇਟ ਜਗਤ ਨਾਲ ਪਿਆਰ ਕਰਨ ਵਾਲਿਆਂ ਵੱਲੋਂ ਅਰਸ਼ਦੀਪ ਸਿੰਘ ਦਾ ਸਮਰਥਨ ਕੀਤਾ ਗਿਆ। ਸੋਸ਼ਲ ਮੀਡੀਆ 'ਤੇ IStandWithArshdeepSingh ਦੀ ਝੜੀ ਲੱਗ ਗਈ।  ਸਿਰਫ ਖਿਡਾਰੀ ਹੀ ਨਹੀਂ ਹਰ ਕਿੱਤੇ ਦੇ ਲੋਕਾਂ ਵੱਲੋਂ ਅਰਸ਼ਦੀਪ ਸਿੰਘ ਦਾ ਸਮਰਥਨ ਕੀਤਾ ਜਾਣ ਲੱਗਿਆ।