நடிகர் சூர்யாவின் கங்குவா படத்தின் படப்பிடிப்பு கிட்டதட்ட நிறைவடைந்துள்ளது. இந்த படத்தை சிறுத்தை சிவா இயக்கி உள்ளார்.
இந்தப் படத்தின் படப்பிடிப்பு சென்னை, கோவா, கொடைக்கானல் போன்ற இடங்களில் நடத்தி முடிக்கப்பட்டுள்ளது.
இந்தப் படத்தை அடுத்து சுதா கொங்கரா இயக்கத்தில் நடிக்க உள்ளார் சூர்யா. இந்தப் படத்தின் படப்பிடிப்பு விரைவில் தொடங்க உள்ளது.
சூர்யா - சுதா கொங்கரா கூட்டணியில் உருவாகும் இந்தப் படத்திற்கு தற்காலிகமாக புறநானூறு என்று தலைப்பு வைக்கபட்டுள்ளது.
இந்த படத்தில் சூர்யா கல்லூரி மாணவராக நடிக்கிறார் என்றும், இதற்க்காக உடல் எடையை குறைக்கும் முயற்சியில் உள்ளார் என்றும் கூறப்படுகிறது.
இந்தப் படத்தை தொடர்ந்து வெற்றிமாறனின் வாடிவாசல் படத்தில் சூர்யா நடிக்க உள்ளார். ஜல்லிக்கட்டை மையமாக கொண்டு இந்தப் படத்தின் கதைக்களம் உருவாகவுள்ளது.
இதன் பின்பு, பாலிவுட் இயக்குனர் ராகேஷ் ஓம் பிரகாஷ் மெஹ்ரா இயக்கத்தில் மகாபாரத கர்ணன் குறித்த கதையில் சூர்யா நடிக்க உள்ளார்.
கர்ணனின் வாழ்க்கையை சொல்லும் படமாக இந்தப் படம் உருவாகவுள்ளது. இந்த படத்தில் கர்ணனாக சூர்யா நடிக்கவுள்ளார். சுமார் 500 கோடி ரூபாய் பட்ஜெட்டில் இந்தப் படம் உருவாகவுள்ளது.
இந்தப் படத்தில் சூர்யாவின் ஜோடியாக ஸ்ரீதேவியின் மகள் ஜான்வி கபூர் நடிக்கவுள்ளதாகவும் தகவல்கள் வெளியாகியுள்ளன.