షుగర్ రాకుండా ఉండాలి అనుకుంటున్నా.. ఒకవేళ మీకు షుగర్ వచ్చి కంట్రోల్లో పెట్టాలి అనుకుంటున్నా.. ఈ జొన్న దోసె తినడం ఎంతో ఉత్తమం..
మరి ఈ జొన్న దోసె తయారి విధానం ఒకసారి చూద్దాం.
ఈ దోసె కోసం కావాల్సిన పదార్థాలు మూడు కప్పుల జొన్నపిండి, పావు కప్పు అటుకులు, ఒక కప్పు మినప పప్పు, ఒక టీ స్పూన్ మెంతులు, పావు కప్పు నూనె, ఉప్పు తగినంత
ముందుగా మెంతులు, మినపప్పు కలిపి ముందుగా నాలుగు గంటలసేపు నానబెట్టుకోవాలి.
అటుకులు కూడా ఒక అరగంట సేపు నానబెట్టుకోవాలి. ఇవన్నీ బాగా నానిన తరువాత మినపప్పు, మెంతులు, అటుకులు వేసి కాస్త ఉప్పు చేర్చి దోశ పిండిలా రుబ్బుకోవాలి.
రుబ్బేటప్పుడే జొన్న పిండిని కూడా కలుపుకుంటూ.. కాస్త నీళ్లు పోసుకుంటూ బాగా కలపాలి.
ఇప్పుడు ఈ పిండిని ఒక 10 గంటల పాటూ పులియ బెట్టాలి.
ఆ తరువాత స్టవ్ పై పాన్ పెట్టుకొని.. తయారు చేసుకున్న పిండిని తీసుకొని గరిటెతో బాగా కలిపి పెనంపై దోసె లాగా పోసుకోవాలి.
పల్చటి దోసెల్లా వేసుకుంటే రుచిగా ఉంటాయి. అంతేకాకుండా ఇది ఆరోగ్యానికి కూడా చాలా మంచిది