మామూలుగా గుడ్లని అట్టు లాగా.. పోసుకొని బుర్జీ చేయడం చూస్తూ ఉంటాము.. అయితే ఉడకపెట్టిన ఎగ్స్ తో ఎగ్ బుర్జీ చెయ్యడానికి.. ముందుగా 4 కోడి గుడ్లను ఉడకబెట్టి సన్నగా తరిగి పెట్టుకోవాలి.
తరువాత స్టవ్ పైన కళాయి పెట్టి నూనె వేసుకొని అందులో.. సన్నగా తరిగిన 1 ఉల్లిపాయ, 2 పచ్చిమిర్చి తరుగు వేసుకోవాలి.
అందులోనే కొద్దిగా అల్లం వెల్లుల్లి పేస్టు, 1 తరిగిన టమాటో వేయాలి. అందులో రుచికి సరిపడా ఉప్పు, పసుపు కూడా వేసి బాగా కలుపుకోవాలి.
అలానే అందులో ఒక స్పూను..ధనియాల పొడి, ఒక స్పూను కశ్మీరీ కారం, అరె స్కూలు గరం మసాలా వేసి కాసేపు చిన్న మంట మీ ఉడికించుకోవాలి.
ఉడికిన మిశ్రమంలో..ముందుగా తరిగి పెట్టుకున్న కోడిగుడ్లను వేసి బాగా కలుపుకొని చిన్న మంట పైన 10 నిమిషాల పాటు వేయించాలి.
చివరిగా ఈ మిశ్రమం పై కొత్తిమీర చల్లి.. స్టవ్ ఆఫ్ చేయాలి. ఈ మిశ్రమాన్ని చపాతీ తోనే కాదు.. ఉత్తదే కూడా తినేయొచ్చు.