ప్రస్తుతం ఎంతోమంది బరువు తగ్గడం కోసం.. ఏమి తినాలి అని తెగ సెర్చ్ చేస్తూ ఉంటారు. అలాంటి వారి కోసమే ఈ క్యాప్సికం రైస్.
క్యారేజ్ బాక్స్ లో ఈ బ్రౌన్ రైస్ తో చేసిన క్యాప్సికం రైస్ పెట్టుకొని వెళ్ళండి. నెల రోజుల్లో తప్పకుండా బరువు తగ్గటం ఖాయం.
ముందుగా ఒక గ్లాస్ బ్రౌన్ రైస్.. రెండు గ్లాసులు నీళ్లు పోసి కుక్కర్లో మూడు విజిల్లు వచ్చేదాకా.. మీడియం ఫ్లేమ్ లో ఉంచి ఉడికించుకోవాలి.
తరువాత అన్నాన్ని చల్లార్చుకోవాలి. ఒక కడాయిలో మూడు స్పూన్లు నూనె..వేడి చేసుకుని అందులో ఒక స్పూన్ జీలకర్ర వేసుకొని.. చిటపటలాడించాలి.
తరువాత క్యాప్సికం ని సన్న ముక్కలుగా కట్ చేసుకుని.. అందులో వేయాలి. క్యాప్సికం కొంచెం వేగిన తర్వాత.. అందులో రుచికి సరిపడా ఉప్పు వేసుకోవాలి.
ఇంకొక కడాయిలో మూడు స్పూన్ల వేరుసెనగపప్పును వేయించుకోవాలి.. చల్లారిన వేరుశనగపప్పుని, ఒక స్పూన్ కారం, ఆరేడు వెల్లుల్లిపాయలతో.. కలిపి గ్రైండ్ చేసుకుని పక్కన పెట్టుకోవాలి.
క్యాప్సికం వేగిన తర్వాత అందులో ఉడికించిన.. బ్రౌన్ రైస్ వేసి.. మనం గ్రైండ్ చేసుకున్న పౌడర్ ని రుచికి తగినంత వేసుకొని..బాగా కలుపుకోవాలి.
చివరిగా కొత్తిమీరతో గార్నిష్ చేసుకుంటే ఎంతో రుచికరమైన క్యాప్సికం రైస్ రెడీ . ఒకరోజు క్యాప్సికం తో చేసుకుంటే.. మరొక రోజు ఇదే రైస్ ని క్యారెట్ తో చేసుకోండి. ఇలా రోజుకొక వెజిటేబుల్ తో చేసుకుంటే.. తప్పకుండా నెలలోనే మీ బరువు.. తగ్గటం మీరు చూడొచ్చు.