మామిడి పండ్లంటే ఇష్టపడని వారుండరు. మామిడి పండ్లతో ఎన్నో రెసిపీలు తయారు చేయవచ్చు. వేసవిలో పిల్లలు ఎంతో ఇష్టంగా తినే పండు మామడి.
అందరూ ఇష్టంగా తినే మామిడిపండుకూ ఓ రోజుంది. ప్రతి ఏడాది జులై 22న జాతీయ మామిడి దినోత్సవం జరుపుకుంటారు.
మామిడిలో 15వందల రకాలు ఉన్నాయి. ఒక్కో మామిడిపండు ఒక్కో ప్రత్యేకతను కలిగి ఉంటుంది. మనదేశంలో చాలా రాష్ట్రాల్లో మామిడిపండ్లను పండిస్తున్నారు.
మామిడిపండులో పోషకాలు దట్టంగా ఉంటాయి. విటమిన్లు, పొటాషియం, మెగ్నీషియం, కాల్షియంతోపాటు ఫైబర్, యాంటీ ఆక్సిడెంట్లు ఉంటాయి.
మామిడిపండులోని విటమిన్ సి, యాంటీ ఆక్సిడెంట్లు ఇమ్యూనిటీని పెంచుతాయని నిపుణులు చెబుతున్నారు.
మామిడిలోని విటమిన్ ఏ కళ్ల ఆరోగ్యానికి మేలు చేస్తుందని వైద్యులు చెబుతున్నారు. అంతేకాదు ఇందులోని ఫైబర్ జీర్ణక్రియను ఆరోగ్యంగా ఉంచుతుంది.
మామిడిలో పోషకాలు, విటమిన్లు, చర్మానికి మేలు చేస్తాయి. ముఖంపై ముడతలను తగ్గిస్తాయి. అంతేకాదు బరువు కూడా తగ్గుతారు. ఇందులో కేలరీలు చాలా తక్కువగా ఉంటాయి.
మామిడిలోని యాంటీ ఆక్సిడెంట్లు కొన్ని రకాల క్యాన్సర్ల ప్రమాదాన్ని తగ్గిస్తాయని నిపుణులు చెబుతున్నారు.