హైదరాబాద్‌కు దగ్గరలో ఉన్న కొన్ని అందమైన జలపాతాలు..

ఎత్తిపోతల జలపాతం, ఆంధ్రప్రదేశ్ రాష్ట్రంలోని గుంటూరు జిల్లాలో ఉంది. నాగార్జునసాగర్ నుంచి మాచర్ల వెళ్లే దారిలో, 11 కిలోమీటర్ల దూరంలో ఈ జలపాతం కనిపిస్తుంది. హైదరాబాద్‌ కు 150 కిలోమీటర్ల దూరంలో ఉంది.

మల్లెల తీర్థం జలపాతం హైదరాబాద్ నుంచి శ్రీశైలం వెళ్ళే మార్గంలో సుమారు 190 కిలోమీటర్ల దూరంలో ఉంది.ఈ జలపాతం మహబూబ్ నగర్ జిల్లాలోని అమ్రాబాద్ మండలంలో నల్లమల అటవీ ప్రాంతంలో దాగి ఉంది. ఈ ప్రదేశం ప్రకృతి ప్రేమికులకు స్వర్గధామం లాంటిది.

భీముని పాదం అనేది తెలంగాణ రాష్ట్రంలోని మహబూబాబాద్ జిల్లాలో 1౦ కిల్లోమీటర్ల దూరంలో ఉంది. పాండవులు అజ్ఞాతవాసం గడుపుతున్న సమయంలో, ఒకసారి భీముడు ఈ ప్రాంతానికి వచ్చి, తన దాహాన్ని తీర్చుకోవడానికి ఒక శిలపై తన పాదాన్ని నొక్కినట్లు చెబుతారు.

బొగత జలపాతం తెలంగాణ రాష్ట్రంలోని ములుగు జిల్లాలో వాజేడు మండలంలోని బోగత గ్రామంలో ఉంది. హైదరాబాద్‌ నుంచి 329 కిలోమీటర్ల దూరంలో ఉంది. ఇది చుట్టూ ఉన్న దట్టమైన అడవులు, కొండలకు చాలా అందంగా ఉంటుంది.

తెలంగాణలోని ఆదిలాబాద్ జిల్లాలోని బోథ్ మండలానికి వెళ్లే మార్గంలో జాతీయ రహదారికి 6 కిలోమీటర్ల దూరంలో పొచ్చెర గ్రామ సమీపంలో పొచ్చెర జలపాతం ఉంది. ఇది చిన్న చిన్న కొండవాగు రాళ్ల నుంచి ఎగసిపడే అందమైన జలపాతం.

గాయత్రి జలపాతం ఒక అందమైన ప్రకృతి అద్భుతం. హైదరాబాద్‌ నుంచి 270 కిలోమీటర్ల దూరంలో ఈ జలపాతాలు ఉన్నాయి. సుమారు 70 మీటర్ల ఎత్తు నుండి కిందకు జాలువారుతూ, చూసేవారిని మంత్రముగ్ధులను చేస్తుంది.

సహస్రకుండ్ జలపాతం భారతదేశంలోని మహారాష్ట్ర రాష్ట్రంలోని నాందేడ్ జిల్లాలో పెయింగాంగా నదిపై ఉన్న జలపాతం. హైదరాబాద్ నుంచి సుమారు 300 కిలోమీటర్ల దూరంలో ఉంది. 200 అడుగుల ఎత్తు నుంచి పడిపోయే ఈ జలపాతం చాలా అందంగా ఉంటుంది.

నల్లగొండ జిల్లా, మర్రిగూడ మండలంలోని అజలాపురం గ్రామంలో ఈ అందమైన జలపాతం ఉంది. హైదరాబాద్‌కు 50 కిలోమీటర్ల సమీపంలో ఉంది.