ଏହି ରାଜ୍ୟର ସରକାରୀ କର୍ମଚାରୀଙ୍କ ପାଇଁ ବହୁତ ବଡ଼ ଖୁସି ଖବର, ମିଳିବ ଡବଲ ମହଙ୍ଗା ଭତ୍ତାର ଲାଭ

ନୂଆଦିଲ୍ଲୀ: 7th Pay Commission: ବିହାରର ସରକାରୀ କର୍ମଚାରୀଙ୍କୁ (Bihar Government Employees)  ଦଶହରା ପୂର୍ବରୁ ଏକ ଉତ୍ସବ ଉପହାର ମିଳିବାକୁ ଯାଉଛି । ନିକଟ ଅତୀତରେ ନୀତିଶ କୁମାର ସରକାର (Nitish Kumar government) ଙ୍କ ଦ୍ୱାରା ୧୧ ପ୍ରତିଶତ ମହଙ୍ଗା ଭତ୍ତା (Dearness Allowance) ବୃଦ୍ଧି ହେବା ପରେ ସେପ୍ଟେମ୍ବର-ଅକ୍ଟୋବରରେ ଦରମା ବୃଦ୍ଧି ସହ ମିଳିବ । ଏନେଇ ଅର୍ଥ ବିଭାଗ ସଚିବ (ସମ୍ବଳ) ଲୋକେଶ କୁମାର ସିଂ ଏକ ଆଦେଶ ଜାରି କରିଛନ୍ତି । ପ୍ରତ୍ୟେକ ସ୍ତରର ପେନସନଭୋଗୀମାନେ ମଧ୍ୟ ମହଙ୍ଗା ଭତ୍ତା (DA) ବୃଦ୍ଧିର ଲାଭ ପାଇବେ । ପାର୍ବଣ ଋତୁ ପୂର୍ବରୁ ମହଙ୍ଗା ଭତ୍ତା (DA) କାରଣରୁ ଦରମା ବୃଦ୍ଧି ଯୋଗୁଁ ବଡ଼ ଆଶ୍ୱସ୍ତି ମିଳିବ ।

ଗଣମାଧ୍ୟମ ରିପୋର୍ଟ ଅନୁଯାୟୀ, ଏହି ମାସରେ ବିହାରର ସରକାରୀ କର୍ମଚାରୀମାନେ ବର୍ଦ୍ଧିତ ମହଙ୍ଗା ଭତ୍ତା (DA) ସହିତ ସେପ୍ଟେମ୍ବର ମାସର ଦରମା ପାଇବେ । ସେପ୍ଟେମ୍ବରର ଦରମା ସହିତ କେବଳ ଚଳିତ ମାସର ମହଙ୍ଗା ଭତ୍ତା (DA) ର ଲାଭ ମଧ୍ୟ ମିଳିବ । ସେପଟେ ଜୁଲାଇ ମାସର ମହଙ୍ଗା ଭତ୍ତାର ପେମେଣ୍ଟ ଅକ୍ଟୋବରର ଦରମାରେ ପ୍ରଦାନ କରାଯିବ । ଅଗଷ୍ଟ ପାଇଁ ସମାନ ବର୍ଦ୍ଧିତ ପରିମାଣ ନଭେମ୍ବର ମାସର ବେତନ ସହିତ ଯୋଡା ଯିବ । ଏହା ଦ୍ୱାରା କର୍ମଚାରୀଙ୍କ ବେତନରେ ଦୁଇଗୁଣ ବୃଦ୍ଧି ପାଇବ, ତେଣୁ ପୂଜା ପୂର୍ବରୁ ଏହା ରାଜ୍ୟ ସରକାରଙ୍କ କର୍ମଚାରୀଙ୍କ ପାଇଁ ଏକ ବଡ଼ ରିହାତି ହୋଇପାରେ ।

ବାସ୍ତବରେ ବିହାର ମୁଖ୍ୟମନ୍ତ୍ରୀ ନୀତିଶ କୁମାର (Chief Minister Nitish Kumar) ଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକ (Bihar Cabinet Meeting) ରେ କେନ୍ଦ୍ରର ଭଳି ୧୧ ପ୍ରତିଶତ ମହଙ୍ଗା ଭତ୍ତା ଅନୁମୋଦନ କରାଯାଇଥିଲା । ଏହା ଅନୁଯାୟୀ, ଷଷ୍ଠ ବେତନ ସ୍କେଲରେ ବେତନ କିମ୍ବା ପେନସନ୍ ପାଇଥିବା କର୍ମଚାରୀମାନେ ଜୁଲାଇ ମାସରୁ ୧୬୪ ପ୍ରତିଶତ ବଦଳରେ ୧୮୯ ପ୍ରତିଶତ ମହଙ୍ଗା ଭତ୍ତା ପାଇବେ । ପଞ୍ଚମ ବେତନ ଅଧୀନରେ ବେତନ / ପେନସନ୍ ପାଇଥିବା କର୍ମଚାରୀ କିମ୍ବା ପେନସନଭୋଗୀଙ୍କୁ ୩୧୨ ପ୍ରତିଶତ ପରିବର୍ତ୍ତେ ୩୫୬ ପ୍ରତିଶତ ମହଙ୍ଗା ଭତ୍ତା ବା ରିଲିଫ୍ ଦିଆଯିବ ।

ସୂଚନାଯୋଗ୍ୟ, ନିକଟ ଅତୀତରେ କେନ୍ଦ୍ରର ମୋଦି ସରକାର  (Modi Government) କେନ୍ଦ୍ର କର୍ମଚାରୀଙ୍କ ମହଙ୍ଗା ଭତ୍ତା (DA) ଓ ରିଲିଫ (DR) କୁ ୨୮ ପ୍ରତିଶତ ବୃଦ୍ଧି କରିଛନ୍ତି । ଏହା ପରେ ଅଗଷ୍ଟ ୧୫ ରେ ବିହାରର ନୀତିଶ କୁମାର ସରକାର ରାଜ୍ୟ ସରକାରଙ୍କ ଅଧିକାରୀ, କର୍ମଚାରୀ ଏବଂ ପେନସନଭୋଗୀଙ୍କ ମହଙ୍ଗା ଭତ୍ତା ବୃଦ୍ଧି କରିବାକୁ ଘୋଷଣା କରିଥିଲେ ଓ କହିଥିଲେ ଯେ କେନ୍ଦ୍ର ସରକାର ଭଳି ରାଜ୍ୟ ସରକାରୀ କର୍ମଚାରୀ, ଅଧିକାରୀ ଏବଂ ପେନସନଭୋଗୀ ଜୁଲାଇ ୧, ୨୦୨୧ରୁ ମହଙ୍ଗା ଭତ୍ତା ହାର ୧୧ ପ୍ରତିଶତ ବୃଦ୍ଧି କରି ୨୮ ପ୍ରତିଶତ ଦିଆଯିବ । ଏହା ଦ୍ୱାରା ରାଜ୍ୟ ସରକାରଙ୍କ ରାଜକୋଷ ଉପରେ ଅତିରିକ୍ତ ୨୨୫୬.୨୫ କୋଟି ଟଙ୍କାର ବ୍ୟୟ ହେବ ।