ୟୁରୋପରେ ପୁଣି ଆରମ୍ଭ ହେଲା କୋରୋନାର ତାଣ୍ଡବ, ଫ୍ରାନ୍ସରେ ସ୍ଥିତି ଅତ୍ୟନ୍ତ ଭୟାବହ

ୟୁରୋପ (Europe) ର ଅନେକ ଦେଶରେ କୋରୋନା ଭୂତାଣୁର ଦ୍ୱିତୀୟ ୱେବ୍ ବା ତରଙ୍ଗ (Second wave of coronavirus) ଆରମ୍ଭ ହୋଇଯାଇଛି । ଯାହା କେତେକ ସ୍ଥାନରେ ପୂର୍ବାପେକ୍ଷା ବହୁତ ବିପଜ୍ଜନକ ପାଲଟିଛି । ଏହି କାରଣରୁ କେତେକ ଦେଶରେ ଲକଡାଉନ୍ ପୁଣି ଫେରି ଆସିଛି । ଅନ୍ୟପକ୍ଷେ ଫ୍ରାନ୍ସ (France) ରେ କର୍ଫ୍ୟୁ ସ୍ଥିତି ସୃଷ୍ଟି ହୋଇଛି ।

ନୂଆଦିଲ୍ଲୀ: କୋରୋନା ଭାଇରସ (Coronavirus) ର ତାଣ୍ଡବ ସାରା ବିଶ୍ୱରେ ଜାରି ରହିଛି । ଏହା ମଧ୍ୟରେ ଭାରତରେ ଅନଲକ୍ ପ୍ରକ୍ରିୟା ଚାଲିଛି, କିନ୍ତୁ କୋରୋନା ମାମଲା କ୍ରମାଗତ ଭାବେ ବୃଦ୍ଧି ପାଉଛି । ଏସବୁ ମଧ୍ୟରେ ୟୁରୋପ (Europe) ରୁ ଚିନ୍ତାଜନକ ଖବର ସାମ୍ନାକୁ ଆସିଛି । ୟୁରୋପର ଅନେକ ଦେଶରେ କୋରୋନା ଭୂତାଣୁର ଦ୍ୱିତୀୟ ୱେବ୍ ବା ତରଙ୍ଗ (Second wave of coronavirus) ଆରମ୍ଭ ହୋଇଯାଇଛି । ଯାହା କେତେକ ସ୍ଥାନରେ ପୂର୍ବାପେକ୍ଷା ବହୁତ ବିପଜ୍ଜନକ ପାଲଟିଛି । ଏହି କାରଣରୁ କେତେକ ଦେଶରେ ଲକଡାଉନ୍ ପୁଣି ଫେରି ଆସିଛି । ଅନ୍ୟପକ୍ଷେ ଫ୍ରାନ୍ସ (France) ରେ କର୍ଫ୍ୟୁ ସ୍ଥିତି ସୃଷ୍ଟି ହୋଇଛି । ଏଭଳି ପରିସ୍ଥିତିରେ ବିଶ୍ୱର ଗୋଟିଏ ପ୍ରାନ୍ତରେ ପୁଣି ଲକଡାଉନ୍ (Lockdown) ଫେରିବା ବେଳେ ଭାରତରେ ଅନଲକ୍ ଜାରି ରହିଛି । ଏପରି ପରିସ୍ଥିତିରେ କୋରୋନା କିପରି ସଙ୍କେତ ଦେଉଛି, ତାହା ବୁଝନ୍ତୁ...

ଅଧିକ ପଢ଼ନ୍ତୁ:-ଏହି ଦୀପାବଳିରେ ଚୀନକୁ ଲାଗିବ ବଡ଼ ଝଟକା ! ୪୦ ହଜାର କୋଟି ଟଙ୍କାର ହେବ କ୍ଷତି

ପ୍ରାରମ୍ଭରେ ଚୀନ୍ ପରେ କୋରୋନା ୟୁରୋପରେ ନିଜର ପ୍ରଭାବ ଦେଖାଇଥିଲା । କିନ୍ତୁ ଏହା ପରେ ଏହା ଆମେରିକା ଦେଇ ଏସିଆକୁ ବ୍ୟାପି ଥିଲା । ଫ୍ରାନ୍ସ, ବ୍ରିଟେନ, ଇଟାଲୀ, ଜର୍ମାନୀ ସମେତ ୟୁରୋପର ଅନେକ ଦେଶ ସେମାନଙ୍କ ଦେଶରୁ କୋରୋନାର ପ୍ରତିବନ୍ଧକ ହଟା ଦେଇଥିଲେ । ଏବଂ ଜୀବନ ପୁଣିଥରେ ସାମ୍ନାକୁ ହେବାକୁ ଲାଗିଥିଲା । କିନ୍ତୁ ଗତ ଦଶ ଦିନ ମଧ୍ୟରେ ଦୃଶ୍ୟ ସଂପୂର୍ଣ୍ଣ ବଦଳି ଯାଇଛି । ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଅନୁଯାୟୀ, ଗତ ଏକ ସପ୍ତାହ ମଧ୍ୟରେ ୟୁରୋପରେ କୋରୋନା କାରଣରୁ ବର୍ତ୍ତମାନ ଯାଏ ମୋଟ ମୃତ୍ୟୁର ୧୬ ପ୍ରତିଶତ ରେକର୍ଡ କରାଯାଇଛି, ଯାହା ଭୟାବହ ସ୍ଥିତି ସୃଷ୍ଟି କରିଛି । ଏଥି ମଧ୍ୟରୁ ଫ୍ରାନ୍ସ ଓ ଜର୍ମାନୀ ହେଉଛି ସେହି ଦେଶ ଯେଉଁଠାରେ ସର୍ବାଧିକ ସଂଖ୍ୟକ କୋରୋନା ମାମଲା ସାମ୍ନାକୁ ଆସୁଛି ।

ଅଧିକ ପଢ଼ନ୍ତୁ:-ଜାଣନ୍ତୁ କାହିଁକି ୩୫ ବର୍ଷ ଧରି ବିଧାନସଭା ନିର୍ବାଚନ ଲଢ଼ୁ ନାହାଁନ୍ତି ନୀତିଶ କୁମାର ?

କୋରୋନାର ବଢ଼ୁଥିବା ପ୍ରଭାବକୁ ଦେଖି  ୟୁରୋପୀୟ ଦେଶଗୁଡ଼ିକରେ ପୁଣି କର୍ଫ୍ୟୁ ଫେରି ଆସିଛି । ଫ୍ରାନ୍ସରେ ରାତି ୯ ଟାରୁ ସକାଳ ୬ ଟା ପର୍ଯ୍ୟନ୍ତ କର୍ଫ୍ୟୁ ଲାଗୁ ରହୁଛି । ଅବଶ୍ୟ ବର୍ତ୍ତମାନ ପାଇଁ ଏହା ପ୍ୟାରିସ୍ (Paris) ଏବଂ କିଛି ନିକଟ ସହରରେ ସୀମିତ ରହିବ । ଅନ୍ୟ ଆଠଟି ମେଟ୍ରୋ ସହରରେ ମଧ୍ୟ କଠୋରତା ବୃଦ୍ଧି କରାଯାଇଛି । ଫ୍ରାନ୍ସ ସ୍ୱାସ୍ଥ୍ୟ ଜରୁରୀକାଳୀନ ପରିସ୍ଥିତି ଘୋଷଣା କରିଛି । ଫ୍ରାନ୍ସ ବ୍ୟତୀତ ଜର୍ମାନୀ ପୁଣିଥରେ ସ୍ୱାସ୍ଥ୍ୟ ସେବାକୁ ସତର୍କ କରାଇ ଡାକ୍ତରଖାନାରେ କୋଭିଡ ସ୍ୱତନ୍ତ୍ର ୱାର୍ଡ ସ୍ଥାପନ କରିବାକୁ କହିଛି ।

ଅଧିକ ପଢ଼ନ୍ତୁ:-ଅର୍ଣ୍ଣବ ଗୋସ୍ୱାମୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଆରମ୍ଭ କଲା ମୁମ୍ୱାଇ ପୋଲିସ! ଜାଣନ୍ତୁ କ'ଣ ହୋଇଥାଏ ଚାପ୍ଟର ପ୍ରୋସିଡିଙ୍ଗ ?

ଏହି ଦୁଇ ଦେଶ ବ୍ୟତୀତ ଇଂଲଣ୍ଡ, ଚେକ୍ ରିପବ୍ଲିକ୍ ଏବଂ ଅନ୍ୟାନ୍ୟ ଦେଶରେ ମାମଲା ବୃଦ୍ଧି ପାଇଛି । WHO ଅନୁଯାୟୀ, ଗତ ଏକ ସପ୍ତାହ ମଧ୍ୟରେ ୟୁରୋପରେ ଦୈନିକ ୧ ଲକ୍ଷ ମାମଲା ରୁଜୁ ହୋଇଛି ।