Bihar Assembaly Election 2020: ଏହାର କାରଣ କ'ଣ ଯେ ନୀତିଶ କୁମାର (Nitish Kumar) କାହିଁକି ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରନ୍ତି ନାହିଁ ? ଯଦି ସେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରନ୍ତି ନାହିଁ, ତେବେ ସେ କିପରି ସିଏମ୍ ପଦରେ ରହିବାର ଯୋଗ୍ୟତା ହାସଲ କରନ୍ତି ? ଆମେ ଆପଣଙ୍କୁ କହି ରଖୁଛୁ ଯେ ଯଦିଓ ନୀତିଶ ନିର୍ବାଚନ ଲଢ଼ନ୍ତି ନାହିଁ କିନ୍ତୁ ତାଙ୍କ ଦଳ ଏବଂ ସହଯୋଗୀ ଦଳ ପାଇଁ ପ୍ରଚାର କରନ୍ତି ।
Trending Photos
7
12
12
3 "ଜାଣନ୍ତୁ କାହିଁକି ୩୫ ବର୍ଷ ଧରି ବିଧାନସଭା ନିର୍ବାଚନ ଲଢ଼ୁ ନାହାଁନ୍ତି ନୀତିଶ କୁମାର ?")
ନୂଆଦିଲ୍ଲୀ: Bihar Assembly Election 2020: ବିହାର ବିଧାନସଭା ନିର୍ବାଚନ ପାଇଁ ଜୋରଦାର ପ୍ରଚାର କରୁଛନ୍ତି ସମସ୍ତ ରାଜନୈତିକ ଦଳ । ଏହି ସମୟରେ ସାରା ଦେଶର ନଜର ବିହାର ନିର୍ବାଚନ ଉପରେ ରହିଛି । ଯଦି ଏହି ରାଜ୍ୟ ବିଷୟରେ ଚର୍ଚ୍ଚା ହେଉଛି ତେବେ ନିଶ୍ଚିତ ଭାବରେ ସମସ୍ତ ଆଲୋଚନା ନୀତିଶ କୁମାର (Nitish Kumar) ଙ୍କୁ ନେଇ କରାଯିବ । କିନ୍ତୁ ଆଶ୍ଚର୍ଯ୍ୟର କଥା, ନୀତିଶ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରନ୍ତି ନାହିଁ । ଏହି ପ୍ରଶ୍ନ ଚଳିତ ନିର୍ବାଚନରେ ଜୋରସୋରରେ ଉଠିବାରେ ଲାଗିଛି । ଶେଷ ଥର ପାଇଁ ସେ ୧୯୮୫ ଅର୍ଥାତ ୩୫ ବର୍ଷ ପୂର୍ବେ ବିଧାନସଭା ନିର୍ବାଚନ ଲଢ଼ିଥିଲେ ।
ହଁ ଆଜ୍ଞା, ଏହା ସତ ଯେ ଏହା ପରେ ସେ ୬ ଥର ଲୋକସଭା ନିର୍ବାଚନରେ ଲଢ଼ିଥିଲେ ଏବଂ ଜିତିଥିଲେ ମଧ୍ୟ କୌଣସି ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିନଥିଲେ । ଅନ୍ୟପକ୍ଷେ ସେ ଏତେ ବର୍ଷ ମଧ୍ୟରେ ପାଞ୍ଚଥର ବିହାରର ମୁଖ୍ୟମନ୍ତ୍ରୀ ହୋଇଛନ୍ତି । ବର୍ତ୍ତମାନ ଯଦି ଜେଡିୟୁ (JDU) ଓ ବିଜେପି (BJP) ମେଣ୍ଟ ଅର୍ଥାତ ଅନଡିଏ (NDA) ର ସରକାର ଗଠନ ହୁଏ, ତେବେ ନୀତିଶ ଷଷ୍ଠ ଥର ପାଇଁ ସିଏମ୍ ହେବେ ।
ଅଧିକ ପଢ଼ନ୍ତୁ:-'କିଛି ବି ହେଇଯାଉ, ଏଥର ନୀତିଶ କୁମାରଙ୍କୁ ମୁଖ୍ୟମନ୍ତ୍ରୀ ହେବାକୁ ଦେବି ନାହିଁ'
କିନ୍ତୁ ଏହାର କାରଣ କ'ଣ ଯେ ନୀତିଶ କୁମାର କାହିଁକି ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରନ୍ତି ନାହିଁ ? ଯଦି ସେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରନ୍ତି ନାହିଁ, ତେବେ ସେ କିପରି ସିଏମ୍ ପଦରେ ରହିବାର ଯୋଗ୍ୟତା ହାସଲ କରନ୍ତି ? ଆମେ ଆପଣଙ୍କୁ କହି ରଖୁଛୁ ଯେ ଯଦିଓ ନୀତିଶ ନିର୍ବାଚନ ଲଢ଼ନ୍ତି ନାହିଁ କିନ୍ତୁ ତାଙ୍କ ଦଳ ଏବଂ ସହଯୋଗୀ ଦଳ ପାଇଁ ପ୍ରଚାର କରନ୍ତି ।
ଆସନ୍ତୁ ଦେଖିବା ନୀତିଶ ବର୍ତ୍ତମାନ ପର୍ଯ୍ୟନ୍ତ କେତେ ଥର ବିଧାନସଭା ନିର୍ବାଚନ ଏବଂ ଲୋକସଭା ନିର୍ବାଚନ ଲଢ଼ିଛନ୍ତି
୧୯୭୭- ହାରନୌଟରୁ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ ଓ ପରାଜିତ ହୋଇଥିଲେ ।
୧୯୮୫- ହାରନୌଟରୁ ବିଧାନସଭା ନିର୍ବାଚନ ଜିତିଥିଲେ
୧୯୮୯- ପ୍ରଥମ ଲୋକସଭା ନିର୍ବାଚନରେ ଜିତିଲେ
୧୯୯୧- ଦ୍ୱିତୀୟ ଲୋକସଭା ନିର୍ବାଚନରେ ଜିତିଲେ
୧୯୯୬- ତୃତୀୟ ଲୋକସଭା ନିର୍ବାଚନରେ ଜିତିଲେ
୧୯୯୮- ଚତୁର୍ଥ ଲୋକସଭା ନିର୍ବାଚନରେ ଜିତିଲେ
୧୯୯୯- ପଞ୍ଚମ ଲୋକସଭା ନିର୍ବାଚନରେ ଜିତିଲେ
୨୦୦୪- ଷଷ୍ଠ ଲୋକସଭା ନିର୍ବାଚନରେ ଜିତିଲେ
ଏହା ଥିଲା ନୀତୀଶଙ୍କର ଶେଷ ଲୋକସଭା ନିର୍ବାଚନ, ଯାହା ସେ ଜିତିଥିଲେ ।
ଅଧିକ ପଢ଼ନ୍ତୁ:-ଏହି ଦୀପାବଳିରେ ଚୀନକୁ ଲାଗିବ ବଡ଼ ଝଟକା ! ୪୦ ହଜାର କୋଟି ଟଙ୍କାର ହେବ କ୍ଷତି
ସେ କେତେଥର ମୁଖ୍ୟମନ୍ତ୍ରୀ ହୋଇଛନ୍ତି
୨୦୦୦ ମସିହାରେ ପ୍ରଥମ ଥର ପାଇଁ ନୀତିଶ ମୁଖ୍ୟମନ୍ତ୍ରୀ ହୋଇଥିଲେ । ତେବେ ତାଙ୍କର କାର୍ଯ୍ୟକାଳ କେବଳ ୦୭ ଦିନର ଥିଲା । ସେ ପୂର୍ବରୁ କେନ୍ଦ୍ରରେ ମନ୍ତ୍ରୀ ଥିଲେ । ଏହା ପରେ ମଧ୍ୟ ସେ କେନ୍ଦ୍ରରେ ମନ୍ତ୍ରୀ ହୋଇଥିଲେ ।
୨୦୦୫ରେ ସେ ପ୍ରଥମ ଥର ପାଇଁ ମୁଖ୍ୟମନ୍ତ୍ରୀ ହୋଇଥିଲେ । ଏଥର ସେ ମୁଖ୍ୟମନ୍ତ୍ରୀ ଭାବରେ ପାଞ୍ଚ ବର୍ଷ କାର୍ଯ୍ୟକାଳ ଶେଷ କରିଥିଲେ ।
୨୦୧୦ରେ ତୃତୀୟ ଥର ପାଇଁ ମୁଖ୍ୟମନ୍ତ୍ରୀ ହୋଇଥିଲେ ।
୨୦୧୫ରେ ସେ ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କ ସହ ବିହାର ବିଧାନସଭା ନିର୍ବାଚନରେ ଓହ୍ଲାଇଥିଲେ । ନିଜେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିନଥିଲେ କିନ୍ତୁ ମହାମେଣ୍ଟର ବିଜୟ ପରେ ମୁଖ୍ୟମନ୍ତ୍ରୀ ହୋଇଥିଲେ ।
୨୦୧୭ ଲାଲୁ ସହିତ ମେଣ୍ଟ ଭାଙ୍ଗିଲା । ଏଥର ନୀତିଶ ବିଜେପି ସହ ହାତ ମିଳାଇ ପଞ୍ଚମ ଥର ପାଇଁ ମୁଖ୍ୟମନ୍ତ୍ରୀ ହୋଇଥିଲେ ।
ଯଦି ନୀତିଶ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରନ୍ତି ନାହିଁ ତେବେ ସେ କିପରି ମୁଖ୍ୟମନ୍ତ୍ରୀ ପଦରେ ରହୁଛନ୍ତି ।
ନୀତୀଶ ବିଶ୍ୱାସ କରନ୍ତି ଯେ ଯଦି ସେ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ, ତେବେ ସେ ଦଳର ପ୍ରଚାର ଅଭିଯାନରେ ସମୟ ଦେଇ ପାରିବେ ନାହିଁ । ତାଙ୍କର ଧ୍ୟାନ ନିଜ ବିଧାନସଭା କ୍ଷେତ୍ର ଉପରେ ରହିବ । ତେଣୁ ସେ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁନାହାଁନ୍ତି ।
ଅଧିକ ପଢ଼ନ୍ତୁ:-ଅର୍ଣ୍ଣବ ଗୋସ୍ୱାମୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଆରମ୍ଭ କଲା ମୁମ୍ୱାଇ ପୋଲିସ! ଜାଣନ୍ତୁ କ'ଣ ହୋଇଥାଏ ଚାପ୍ଟର ପ୍ରୋସିଡିଙ୍ଗ ?
ସାମ୍ବିଧାନିକ ଦୃଷ୍ଟିରୁ ମୁଖ୍ୟମନ୍ତ୍ରୀ ରାଜ୍ୟର ବିଧାନସଭାର ସଦସ୍ୟ ହେବା ଆବଶ୍ୟକ । ତେଣୁ ସେ ବିହାର ବିଧାନ ପରିଷଦ ମାଧ୍ୟମରେ ବିଧାନସଭାର ସଦସ୍ୟ ହୁଅନ୍ତି । ୨୦୦୫ ମସିହାରେ ଯେତେବେଳେ ସେ ଦ୍ୱିତୀୟ ଥର ପାଇଁ ବିହାରର ମୁଖ୍ୟମନ୍ତ୍ରୀ ହୋଇଥିଲେ, ସେତେବେଳେ ସେ ୨୦୦୬ ମସିହାରେ ବିହାର ବିଧାନ ପରିଷଦକୁ ନିର୍ବାଚିତ ହୋଇଥିଲେ । ସେବେଠାରୁ ସେ ବର୍ତ୍ତମାନ ପର୍ଯ୍ୟନ୍ତ ତିନିଥର ବିଧାନ ପରିଷଦ ମାଧ୍ୟମରେ ବିଧାନସଭାକୁ ପହଞ୍ଚିଛନ୍ତି । ଏବଂ ସିଏମ୍ ପଦରେ ରହିଛନ୍ତି । ବର୍ତ୍ତମାନର ବିଧାନ ପରିଷଦରେ ତାଙ୍କର କାର୍ଯ୍ୟକାଳ ୨୦୨୪ ପର୍ଯ୍ୟନ୍ତ ରହିଛି ।
