କୋଟି କୋଟି ଗ୍ରାହକଙ୍କୁ ବଡ଼ ଝଟକା ଦେଲା SBI!

ନୂଆଦିଲ୍ଲୀ: SBI New Service Charges: ଭାରତୀୟ ଷ୍ଟେଟ୍ ବ୍ୟାଙ୍କ (State Bank of India) ର କୋଟି କୋଟି ଗ୍ରାହକଙ୍କ ପାଇଁ ଖରାପ ଖବର ରହିଛି । ଦେଶର ସର୍ବବୃହତ ସରକାରୀ ବ୍ୟାଙ୍କ SBI ମୌଳିକ ସେଭିଙ୍ଗ ବ୍ୟାଙ୍କ ଆକାଉଣ୍ଟ (BSBD) ସହ ଜଡିତ ଅନେକ ନିୟମ ପରିବର୍ତ୍ତନ କରିଛି । ଏହି ନିୟମ ପରେ ଚେକବୁକ୍ ଜାରି କରିବା ଓ ନଗଦ ଟଙ୍କା ଉଠାଇବାକୁ ନେଇ ବର୍ତ୍ତମାନ ଶୁଳ୍କ ଦେବାକୁ ପଡିବ ।

ଅଧିକ ପଢ଼ନ୍ତୁ:-ନୂଆ ବିପଦ! ପାଣିରେ ମିଳିଲା କୋରୋନା ଭୂତାଣୁ, SGPGI ର ଟେଷ୍ଟରେ ଖୁଲାସା

ଜୁଲାଇ ୧ରୁ SBI ନେବ ଅନେକ ସେବା ଉପରୁ ଚାର୍ଜ 

ଚଳିତ ବର୍ଷ ଜୁଲାଇ ୧ରୁ SBI ର ଏହି ନୂତନ ସେବା ଶୁଳ୍କ ଲାଗୁ ହେବ । ଆପଣଙ୍କୁ ଏଠାରେ କହି ରଖୁଛୁ ଯେ, ଗରିବଙ୍କ ପାଇଁ ଜିରୋ ବାଲାନ୍ସ ଥିବା ବେସିକ ସେଭିଙ୍ଗ ବ୍ୟାଙ୍କ ଡିପୋଜିଟ୍ (BSBD) ଖୋଲା ହୋଇଥାଏ । ବର୍ତ୍ତମାନ ସେମାନଙ୍କୁ ଅନେକ ସେବା ପାଇଁ ନୂତନ ଶୁଳ୍କ ଦେବାକୁ ପଡିବ । ତେବେ ଆସନ୍ତୁ ଏହା ବିଷୟରେ ଜାଣିବା...

୪ ଥର ମାଗଣା, ଏହା ପରେ ନଗଦ ଉଠାଇବା ଉପରେ ଚାର୍ଜ

ଜୁଲାଇ ୧ରୁ ମୌଳିକ ସେଭିଙ୍ଗ ବ୍ୟାଙ୍କ ଜମା ଖାତାଧାରୀମାନେ ଶାଖା କିମ୍ବା ଏଟିଏମ (ATM) ରୁ ମାସକୁ ଚାରିଥର କୌଣସି ଶୁଳ୍କ ବିନା ଟଙ୍କା ଉଠାଇ ପାରିବେ । ଏହା ପରେ ନଗଦ ଉଠାଇବା ଉପରେ ବ୍ୟାଙ୍କ ଚାର୍ଜ ଆଦାୟ କରିବ, ଏହି ନଗଦ ଏସବିଆଇ ଏଟିଏମରୁ ହେଉ ଅବା SBIରୁ । ଏହି ଚାର୍ଜ ପ୍ରତି ଟଙ୍କା ଉଠାଣ ଉପରେ ୧୫ ଟଙ୍କା ପ୍ଲସ୍ GST ହେବ । ମନେରଖନ୍ତୁ ଯେ ଏହି ସୀମା ଏଟିଏମ୍ ଓ ଶାଖାକୁ ମିଶାଇ ରଖାଯାଇଛି ।

ଅଧିକ ପଢ଼ନ୍ତୁ:-କୋରୋନାର ଦ୍ୱିତୀୟ ଲହରରେ ଏପର୍ଯ୍ୟନ୍ତ ୫୧୩ ଡାକ୍ତରଙ୍କ ମୃତ୍ୟୁ, ଏହି ରାଜ୍ୟରେ ସର୍ବାଧିକ ମୃତ୍ୟୁ

ଗୋଟିଏ ବର୍ଷରେ ୧୦ ଚେକ୍ ମାଗଣା, ଏଥିରୁ ଅଧିକ ହେଲେ ଦେବାକୁ ପଡ଼ିବ ଚାର୍ଜ 

ବେସିକ୍ ସେଭିଂ ବ୍ୟାଙ୍କ ଡିପୋଜିଟ୍ ଖାତାଧାରୀମାନେ ଗୋଟିଏ ବର୍ଷରେ ଗୋଟିଏ ଚେକବୁକ୍ ମାଗଣାରେ ପାଇବେ ଯେଉଁଥିରେ ୧୦ଟି ଚେକ୍ ରହିବ । ଯାହା ପରେ ଯଦି ସେମାନେ ୧୦ଟି ଚେକ୍ ସହିତ ଏକ ନୂତନ ଚେକ୍ବୁକ୍ ଚାହୁଁଛନ୍ତି, ତେବେ ସେମାନଙ୍କୁ ୪୦ ଟଙ୍କା ପ୍ଲସ୍ GST ଦେୟ ଦେବାକୁ ପଡିବ । ଯଦି ଆପଣ ୨୫ ଚେକ୍ ସହିତ ଏକ ନୂତନ ଚେକବୁକ୍ ଚାହୁଁଛନ୍ତି, ତେବେ ଆପଣଙ୍କୁ ୭୫ ଟଙ୍କା ପ୍ଲସ୍ GST ଦେବାକୁ ପଡିବ । ଯଦି ଜରୁରୀକାଳୀନ ପରିସ୍ଥିତି ଅଛି ଓ ଆପଣଙ୍କୁ ତୁରନ୍ତ ଏକ ଚେକ୍ ବୁକ୍ ଦରକାର, ତେବେ ୧୦ଟି ଚେକ୍ ଥିବା ଚେକବୁକ୍ ପାଇଁ ଆପଣଙ୍କୁ ୪୦ ଟଙ୍କା ବଦଳରେ ୫୦ ଟଙ୍କା  ପ୍ଲସ୍ GST ଦେବାକୁ ପଡିବ । କିନ୍ତୁ ବରିଷ୍ଠ ନାଗରିକମାନଙ୍କୁ ଚେକବୁକ୍ ଉପରେ କୌଣସି ଶୁଳ୍କ ଦେବାକୁ ପଡିବ ନାହିଁ ।

ଅଧିକ ପଢ଼ନ୍ତୁ:-କୋଭିଡ ନିୟମ ଉଲ୍ଲଂଘନ କରି ନିସିଦ୍ଧାଞ୍ଚଳରେ ଜନ୍ମଦିନ ପାଳନ କଲେ ଡାକ୍ତର

ଆର୍ଥିକ କାରବାର ବର୍ତ୍ତମାନ ମାଗଣା

ଯଦି SBI ଓ ଅଣ- SBI ବ୍ୟାଙ୍କ ଶାଖାରେ BSBD ଆକାଉଣ୍ଟଧାରୀମାନେ ଅଣ-ଆର୍ଥିକ ନେଣଦେଣ କରନ୍ତି, ତେବେ ସେମାନଙ୍କ ଠାରୁ କୌଣସି ପ୍ରକାରର ଶୁଳ୍କ ଆଦାୟ କରାଯିବ ନାହିଁ । ଯଦି ଆକାଉଣ୍ଟଧାରୀମାନେ NEFT, RTGS ପରି ମାଧ୍ୟମରେ କାରବାର କରନ୍ତି, ତେବେ ଏଥିପାଇଁ ମଧ୍ୟ କୌଣସି ଦେୟ ଲାଗିବ ନାହିଁ ।