କେଉଁଠୁ ଆସିଛି କୋରୋନା ଭୂତାଣୁ? ଜାଣିବା ପାଇଁ ସବୁକିଛି କରିବ WHO

ନୂଆଦିଲ୍ଲୀ: କୋରୋନା ସଙ୍କଟ ମଧ୍ୟ ଦେଇ ଗତି କରୁଛି ସମଗ୍ର ବିଶ୍ୱ । ଅନ୍ୟପକ୍ଷେ ବର୍ତ୍ତମାନ ଯାଏ ଜଣାପଡ଼ିନାହିଁ ଯେ ଏହି ମହାମାରୀ ଭୂତାଣୁ କେଉଁଠାରୁ ଓ କିପରି ସୃଷ୍ଟି ହୋଇଛି । ଏହା ମଧ୍ୟରେ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ମହାନିର୍ଦ୍ଦେଶକ ଟେଡ୍ରୋସ୍ ଆଡାନୋମ୍ ଗେବ୍ରେଏସସ୍ ((Tedros Adhanom Ghebreyesus)) କହିଛନ୍ତି ଯେ, "କୋରୋନା ଭାଇରସ୍ (Coronavirus) କେଉଁଠାରୁ ଆସିଛି ତାହା ଜାଣିବା ଜରୁରୀ ଅଟେ । ଏହା ଉପରେ WHO ର ଆଭିମୁଖ୍ୟ ସମ୍ପୂର୍ଣ୍ଣ ସ୍ପଷ୍ଟ ରହିଛି ।  ଏହା କରିବା ଦ୍ୱାରା ଭବିଷ୍ୟତରେ ଏପରି ସମସ୍ୟାକୁ ରୋକିବାରେ ଆମକୁ ସାହାଯ୍ୟ କରିପାରେ ।" 

ଅଧିକ ପଢ଼ନ୍ତୁ:-ମହାମେଣ୍ଟର ଏହି ପ୍ରସ୍ତାବକୁ ପ୍ରତ୍ୟାଖ୍ୟାନ କଲେ ଚିରାଗ ପାସୱାନ

ଟେଡ୍ରୋସ୍ ଆହୁରି କହିଛନ୍ତି ଯେ, " ଏହାର ଉତ୍ସ ଜାଣିବା ପାଇଁ ଆମେ ସମସ୍ତ ପ୍ରକାର ଉଦ୍ୟମ କରୁଛୁ । ଏଥିପାଇଁ ଚାଇନା (China) ର ୱୁହାନ (Wuhan) ରୁ ଏକ ଅଧ୍ୟୟନ ଆରମ୍ଭ କରାଯିବ । ଅନୁସନ୍ଧାନ କରାଯିବ ଯେ ସେଠାରେ କ'ଣ ଘଟିଥିଲା । ଏହା ବ୍ୟତୀତ, ଏହା ଦେଖାଯିବ ଯେ କୌଣସି ନିଷ୍କର୍ଷରେ ପହଞ୍ଚିବାର ଅନ୍ୟ ଉପାୟ କ'ଣ ଅଛି ।" 

ସେପଟେ କୋରୋନାରୁ ସର୍ବାଧିକ ମୃତ୍ୟୁ ବର୍ତ୍ତମାନ ୟୁରୋପରେ ଘଟୁଛି । ପ୍ରତିଦିନ ୩-୪ ହଜାର ଲୋକ ସଂକ୍ରମଣରେ ମରୁଛନ୍ତି । ଇଟାଲୀ, ପୋଲାଣ୍ଡ, ଋଷ, ବ୍ରିଟେନ, ଫ୍ରାନ୍ସ ସହିତ ୧୦ଟି ଦେଶ ଅଛି ଯେଉଁଠାରେ ପ୍ରତିଦିନ ୧୦୦ ରୁ ୭୦୦ ଲୋକ ପ୍ରାଣ ହରାଉଛନ୍ତି । ୟୁରୋପର ୪୮ଟି ଦେଶରେ ଏପର୍ଯ୍ୟନ୍ତ ୩.୮୬ ଲକ୍ଷ ଲୋକଙ୍କର ମୃତ୍ୟୁ ଘଟିଛି । ପ୍ରତ୍ୟେକ ଦିନ ମୃତ୍ୟୁ ହେଉଥିବା ସଂଖ୍ୟାରେ ଉତ୍ତର ଆମେରିକା ଦ୍ୱିତୀୟ ଏବଂ ଏସିଆ ତୃତୀୟ ସ୍ଥାନରେ ରହିଛି । ଉତ୍ତର ଆମେରିକାରେ ପ୍ରତିଦିନ ୧୫୦୦ ରୁ ୨୦୦୦ ରୋଗୀ ମୃତ୍ୟୁ ବରଣ କରୁଥିବାବେଳେ ଏସିଆରେ ୧୪୦୦ ରୁ ୧୮୦୦ ସଂକ୍ରମିତ ଲୋକ ଜୀବନ ହରାଉଛନ୍ତି ।

ଅଧିକ ପଢ଼ନ୍ତୁ:-କିଏ ସେ ଯୋଗିନ୍ଦର ସିଂ ଉଗ୍ରାହାନ, ଯିଏ ଚାଷୀ ଆନ୍ଦୋଳନ ମାଧ୍ୟମରେ ମୋଦି ସରକାରଙ୍କ ହଜାଇ ଦେଇଛନ୍ତି ନିଦ!

ଅନ୍ୟପକ୍ଷରେ, ଖୁସି ଖବର ହେଉଛି ଆମେରିକାର ଫାର୍ମାସ୍ୟୁଟିକାଲ୍ କମ୍ପାନୀ ମୋଡର୍ନା ଏହାର କୋରୋନା ଟିକାର ଜରୁରୀକାଳୀନ ବ୍ୟବହାରକୁ ଅନୁମୋଦନ କରିବା ପାଇଁ ଆମେରିକା ଏବଂ ୟୁରୋପୀୟ ନିୟାମକଙ୍କ ନିକଟରେ ଆବେଦନ କରିବ । ଟିକାର ଶେଷ ପର୍ଯ୍ୟାୟ ପରୀକ୍ଷା ପରେ କମ୍ପାନୀ ଦାବି କରିଛି ଯେ ଏହା କୋରୋନା ସହିତ ଲଢ଼ିବାରେ ୯୪ ପ୍ରତିଶତ ପ୍ରଭାବଶାଳୀ ଅଟେ ।