ନିର୍ବାଚନ ଲଢ଼ିବା ପାଇଁ ୪ ବର୍ଷରେ କଂଗ୍ରେସର ୧୭୦ ବିଧାୟକ ବଦଳାଇଲେ ଦଳ, ଜାଣନ୍ତୁ ବିଜେପିରୁ ଯାଇଛନ୍ତି କେତେ ଜଣ?

ନୂଆଦିଲ୍ଲୀ: ୨୦୧୪ରେ ମୋଦି ସରକାର (Modi Govt) କ୍ଷମତାକୁ ଆସିବା ପରେ କଂଗ୍ରେସ (Congress) ରୁ ନେତାଙ୍କ ପଳାୟନ ପ୍ରକ୍ରିୟା ଜାରି ରହିଛି । ଆସୋସିଏସନ୍ ଫର ଡେମୋକ୍ରାଟିକ୍ ରିଫର୍ମସ୍ (ADR) ରିପୋର୍ଟ ଅନୁଯାୟୀ, ୨୦୧୬-୨୦ ମଧ୍ୟରେ ହୋଇଥିବା ନିର୍ବାଚନ ସମୟରେ ୧୭୦ରୁ ଅଧିକ ବିଧାୟକ କଂଗ୍ରେସ (Congress MLA) ଛାଡିଥିବାବେଳେ କେବଳ ୧୮ ଜଣ ବିଜେପି ବିଧାୟକ (BJP MLA) ଦଳ ଛାଡିଛନ୍ତି ।

ଅଧିକ ପଢ଼ନ୍ତୁ:-ମହାରାଷ୍ଟ୍ରରେ କୋରୋନାର ପ୍ରକୋପ, ଚଳିତ ବର୍ଷ ଗୋଟିଏ ଦିନରେ ରେକର୍ଡ ସଂଖ୍ୟକ ସଂକ୍ରମିତ ଚିହ୍ନଟ

ADR ଏକ ନୂତନ ରିପୋର୍ଟରେ କହିଛି ଯେ, ୨୦୧୬-୨୦ ମଧ୍ୟରେ ପୁନଃ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରୁଥିବା ୪୦୫ ଜଣ ବିଧାୟକଙ୍କ ମଧ୍ୟରୁ ୧୮୨ ଜଣ ଦଳ ବଦଳିଛନ୍ତି ଏବଂ ଭାରତୀୟ ଜନତା ପାର୍ଟି (BJP) ରେ ଯୋଗ ଦେଇଛନ୍ତି । ଏହା ବ୍ୟତୀତ ୩୮ ଜଣ ବିଧାୟକ କଂଗ୍ରେସ (Congress) ରେ ଯୋଗ ଦେଇଛନ୍ତି । ୨୫ ଜଣ ବିଧାୟକ ତେଲେଙ୍ଗାନା ରାଷ୍ଟ୍ର ସମିତି (TRS) ରେ ସାମିଲ ହୋଇଛନ୍ତି ।

ଅଧିକ ପଢ଼ନ୍ତୁ:-ମହାରାଷ୍ଟ୍ରରେ ବଢ଼ିଲା କୋରୋନା ସଙ୍କଟ: ନାଗପୁର ପରେ ଅକୋଲାରେ ଲକଡାଉନ୍, ପୁଣେରେ ନାଇଟ୍ କର୍ଫ୍ୟୁ

ରିପୋର୍ଟରେ କୁହାଯାଇଛି ଯେ, ୨୦୧୯ ଲୋକସଭା ନିର୍ବାଚନ ସମୟରେ ପାଞ୍ଚ ଜଣ ଲୋକସଭା ସାଂସଦ ବିଜେପି ଛାଡି ଅନ୍ୟ ଦଳରେ ଯୋଗ ଦେଇଥିବାବେଳେ ୨୦୧୬-୨୦ ମଧ୍ୟରେ ନିର୍ବାଚନ ଲଢିବା ପାଇଁ ୭ ଜଣ ରାଜ୍ୟସଭା ସାଂସଦ କଂଗ୍ରେସ ଛାଡିଛନ୍ତି । ୨୦୧୬-୨୦ ମଧ୍ୟରେ ଅନୁଷ୍ଠିତ ନିର୍ବାଚନ ସମୟରେ ୧୭୦ରୁ ଅଧିକ ବିଧାୟକ ଅନ୍ୟ ଦଳରେ ଯୋଗଦେବା ପାଇଁ କଂଗ୍ରେସ ଛାଡିଥିବାବେଳେ ଏହି ସମୟ ମଧ୍ୟରେ ନିର୍ବାଚନ ଲଢ଼ିବା ପାଇଁ କେବଳ ୧୮ ଜଣ ବିଧାୟକ ଅନ୍ୟ ଦଳରେ ଯୋଗଦେବାକୁ ବିଜେପି ଛାଡିଥିଲେ ।

ଅଧିକ ପଢ଼ନ୍ତୁ:-କୋରୋନାର ୟୁ-ଟର୍ଣ୍ଣ: କ'ଣ ପୁଣି ଲକଡାଉନ୍ ଆଡକୁ ବଢ଼ୁଛି ଦେଶ? ମହାରାଷ୍ଟ୍ର, ଦିଲ୍ଲୀ-ପଞ୍ଜାବର ଅବସ୍ଥା ଚିନ୍ତାଜନକ

ରିପୋର୍ଟରେ କୁହାଯାଇଛି ଯେ ବିଧାୟକଙ୍କ ପଳାୟନ କାରଣରୁ ମଧ୍ୟପ୍ରଦେଶ, ମଣିପୁର, ଗୋଆ, ଅରୁଣାଚଳ ପ୍ରଦେଶ ଏବଂ କର୍ଣ୍ଣାଟକ ପରି ରାଜ୍ୟରେ ସରକାର ଭାଙ୍ଗିଯାଇଛି । ଏଥି ସହିତ ୨୦୧୬-୨୦ ମଧ୍ୟରେ ୧୬ ରାଜ୍ୟସଭା ସାଂସଦ ଦଳ ବଦଳିଛନ୍ତି, ଯେଉଁଥିରୁ ୧୦ ଜଣ ବିଜେପିରେ ଯୋଗ ଦେଇଥିଲେ ।