ఆర్థిక నేరగాళ్లు దేశంపై పడి ఎలా దోచుకు తింటున్నారో చెప్పే కథనంతో తెరకెక్కిన బ్లఫ్ మాస్టర్ మూవీ ఇటీవలె రిలీజై మంచి వసూళ్లు రాబడుతోంది. గోపీ గణేష్ డైరెక్షన్‌లో సత్యదేవ్ ప్రధాన పాత్రలో తెరకెక్కిన ఈ సినిమా కథనం అంతా డబ్బు చుట్టే తిరుగుతుంది. ఆర్థిక నేరగాళ్లు దేశాన్ని ఎలా మోసం చేస్తున్నారో వివరిస్తూ గోపీ గణేష్ రాసుకున్న డైలాగ్స్ ఆకట్టుకుంటున్నాయి. పాజిటివ్ టాక్‌తో, మంచి వసూళ్లతో దూసుకెళ్తున్న ఈ సినిమాకు సంబంధించిన ఓ అన్‌సెన్సార్డ్ వీడియో క్లిప్‌ని విడుదల చేసిన చిత్ర నిర్మాతలు.. తమ చిత్రాన్ని మరింత జనంలోకి తీసుకెళ్లే ప్రయత్నం చేస్తున్నారు.
