బీజేపీ కురువృద్ధుడు ఎల్‌కే అద్వానీ టీడీపీ ఎంపీలకు పార్లమెంటులో సూచనలు చేశారు. వారిని తను తప్పు పట్టడం లేదని.. కానీ సభామర్యాదను పాటిస్తూ.. టీడీపీ నేతలు నిరసనను వ్యక్తం చేయాలని ఆయన అన్నారు.
వెల్‌లోకి చొచ్చుకువస్తున్న టీడీపీ ఎంపీలను ఉద్దేశించి ఆయన ఆ సూచనలు చేశారు. అయితే తమకు గత్యంతరం లేకే అలా రావాల్సి వచ్చిందని వారు తెలిపారు. ఆ తర్వాత అద్వానీ వ్యక్తిగతంగా టీడీపీ ఎంపీలతో 10 నిమిషాలు మాట్లాడారు.
తాను ఇదివరకే జైట్లీతో ఏపీ విషయమై మాట్లాడానని ఆయన అన్నారు. ఈ రోజు కూడా టీడీపీ నేతలు చేసిన రాద్ధాంతం వల్లే సభ వాయిదా పడింది. అకాళీదల్, శివసేన, తృణాముల్ కాంగ్రెస్ పార్టీలు కూడా టీడీపీకి తమ మద్దతు ప్రకటించాయి. ఏపీ ఎంపీల నిరసనలకు మద్దతిస్తున్నట్లు తెలంగాణ ఎంపీ కవిత కూడా సభాముఖంగా ప్రకటించారు
