Monkeypox Scare: మంకీపాక్స్ కేసుల నమోదవుతున్న క్రమంలో తమిళనాడు రాష్ట్ర ప్రభుత్వం హైఅలర్ట్ ప్రకటించింది. సోమవారం జిల్లా కలెక్టర్లు, కార్పొరేషన్ల కమిషనర్లతో నిర్వహించిన సమావేశంలో అనుమానిత కేసులను పర్యవేక్షించి తగిన చికిత్స అందించాలని ఆదేశించింది. ఈ వైరల్ జూనోటిక్ వ్యాధి ప్రజల్లో వ్యాప్తి చెందకుండా చర్యలు చేపట్టాలని తెలిపింది. ఈ విషయాన్ని రాష్ట్ర ఆరోగ్య, కుటుంబ సంక్షేమ శాఖ ప్రిన్సిపల్ సెక్రటరీ డాక్టర్ జె రాధాకృష్ణన్ స్పష్టం చేశారు.
ప్రధానంగా ఆఫ్రికాలోని ఉష్ణమండల వర్షారణ్య ప్రాంతాలలో సంభవించే మంకీపాక్స్ అప్పుడప్పుడు ప్రపంచవ్యాప్తంగా వ్యాప్తి చెందుతూ ఉంటుంది. వైద్యపరంగా జ్వరం, దద్దుర్లు, వాపు శోషరస కణుపులతో కనిపిస్తుంది. ఇది అనేక రకాల వైద్య సమస్యలకు దారితీయవచ్చు.
మంకీపాక్స్ సాధారణంగా స్వీయ - పరిమిత వ్యాధి, దీని లక్షణాలు రెండు నుంచి నాలుగు వారాల వరకు ఉంటాయి. తీవ్రమైన కేసులు సంభవించవచ్చని NCDC ఓ ప్రకటనలో పేర్కొంది.
డాక్టర్ రాధాకృష్ణన్ మాట్లాడుతూ.. మంకీపాక్స్ సోకిందనే అనుమానం కలిగితే తమ వెసికిల్స్, రక్తం, కఫం నుండి ద్రవం నమూనాలను ప్రయోగశాలలోని పరీక్ష కోసం పుణెలోని NIVకి పంపాలి. ఒకవేళ సదరు వ్యక్తులకు మంకీపాక్స్ సోకినట్లు ఆ పరీక్షలో తేలితే.. గత 21 రోజులలో రోగి పరిచయాలను గుర్తించడానికి వెంటనే కాంటాక్ట్-ట్రేసింగ్ ప్రారంభించాలని ఆయన చెప్పారు. లేదంటే దాని వ్యాప్తి మరింత పెరిగే అవకాశం ఉందని తెలుస్తోంది.
Also Read: Road Accident: కర్ణాటకలో ఘోర రోడ్డు ప్రమాదం.. బస్సు, లారీ ఢీ.. 7 మంది మృతి, 26 మందికి గాయాలు!
Also Read: Singer Murder: గాయని దారుణ హత్య.. ఒంటిపై కేవలం లోదుస్తులు... 12 రోజుల క్రితం మిస్సింగ్..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook
