Times Now ETG Survey: ఈ ఏడాది తెలంగాణ రాష్ట్ర అసెంబ్లీ ఎన్నికలున్నాయి. 2024లో దేశవ్యాప్తంగా లోక్‌సభ ఎన్నికలు జరగనున్నాయి. ఈ క్రమంలో లోక్‌సభ సీట్లను దృష్టిలో ఉంచుకుని ప్రముఖ జాతీయ మీడియా సంస్థ టైమ్స్ నౌ జరిపిన సర్వే ఆసక్తి రేపుతోంది. రాష్ట్రంలో మరోసారి బీఆర్ఎస్ అధికారం చేపట్టనుందని తెలుస్తోంది.
ఏపీ స్కిల్ డెవలప్‌మెంట్ స్కాంలో చంద్రబాబు అరెస్ట్, జనసేన-టీడీపీ పొత్తు నేపధ్యంలో టైమ్స్ నౌ జరిపిన సర్వే ఇది. ఈ సర్వే ప్రకారం ఏపీలో మరోసారి వైఎస్సార్ కాంగ్రెస్ పార్టీ అధికారం చేపట్టనుందని 24-25 ఎంపీ స్థానాల్ని క్లీన్‌స్వీప్ చేయవచ్చని అంచనా వేసింది. అదే సమయంలో తెలంగాణలో ఇప్పటికిప్పుడు ఎన్నికలు జరిగితే మరోసారి బీఆర్ఎస్ ప్రభుత్వం ఏర్పడుతుందని టైమ్స్ నౌ తెలిపింది.
రాష్ట్రంలోని మొత్తం 17 లోక్‌సభ స్థానాల్లో బీఆర్ఎస్ 9-11 సీట్లు గెల్చుకోగా బీజేపీ 2-23 సీట్లు సాధిస్తుందని టైమ్స్ నౌ వెల్లడించింది. ఇక కాంగ్రెస్ పార్టీ 3-4 సీట్లలో విజయం సాధించవచ్చు. 2019 ఎన్నికల్లో బీఆర్ఎస్ రాష్ట్రంలో 9 ఎంపీ స్థానాల్ని గెల్చుకోగా ఈసారి బలం పెంచుకుందని తెలుస్తోంది. ఈసారి 9-11 స్థానాలు గెల్చుకోవచ్చు. ఇక బీజేపీ గత ఎన్నికల్లో 4 ఎంపీ స్థానాలు గెల్చుకోగా ఈసారి ఆ పార్టీ ప్రభావం తగ్గింది. ఇప్పటికిప్పుడు ఎన్నికలు జరిగితే తెలంగాణలో బీజేపీ 2-3 ఎంపీ స్థానాలకు పరిమితం కానుంది. ఇక కాంగ్రెస్ పార్టీ గత ఎన్నికల్లో 3 ఎంపీ స్థానాలు గెల్చుకోగా ఈసారి 3-4 స్థానాలతో స్వల్పంగా బలం పెంచుకుందని తెలుస్తోంది.
Also read: Times Now Survey: మళ్లీ ఫ్యాన్‌దే హవా, ప్రభావం చూపని బాబు అరెస్ట్, జనసేన పొత్తు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
